سيرة الرسول عليه افضل الصلاة والسلام بطريقة بسيطة

سيرة سيدنا النبى❤

واحدة ست راحت لسيدنا النبي صلى الله عليه وسلم تطلب منه يقبل منها هدية صنعاها بايديها مخصوص له صلى الله عليه وسلم؛ الهدية كانت عبارة عن نوع من الثياب اسمها البُردة، بتتلبس فوق الملابس بغرض التدفئة، فسيدنا النبي كان محتاجها فقبلها منها وأخدها❤

وفي يوم، سيدنا النبي صلى الله عليه وسلم لبس البُردة دي على الجزء الأسفل من جسده الشريف ودخل بيها المسجد على الصحابة رضوان الله عليهم، فواحد من الصحابة مسك طرف البُردة فعجبته جدًا، فبص لسيدنا النبي صلى الله عليه وسلم وقاله:"يارسول الله اكْسُنِيهَا"🥰

-يعني إيه اكسُنِيهَا؟
=يعني عايز سيدنا النبي يديهاله، فسيدنا النبي وافق على الفور، وفضل لابسها صلى الله عليه وسلم وهو قاعد معاهم في المسجد، ولما روح بيها البيت، خلعها، وطبقها وبعتها للصحابي اللي طلبها منه❤

فالصحابة اللي كانوا قاعدين وحاضرين الموقف كله من البداية للنهاية، اتضايقوا من تصرف الصحابي اللي طلب البُردة وإنه ماكنش يصح يطلب البُـردة دي من سيدنا النبي وهو عارف إنه صلى الله عليه وسلم محتاجها وعارف كمان إن سيدنا النبي مش هيبخل بيها عليه وهيديهاله حتى ولو محتاجها جدًا!، وقالوله بعتاب:"ما أَحْسَنْتَ، لَبِسَهَا النبيُّ صَلَّى اللهُ عليه وسلَّمَ مُحْتَاجًا إلَيْهَا، ثُمَّ سَأَلْتَهُ، وعَلِمْتَ أنَّهُ لا يَرُدُّ"!

فالصحابي رد عليهم وبرر موقفه وإنه ما طلبهاش عشان يلبسها ويتمنظر بيها وإنه حب لما يموت ويتكفن، يكون كفنه البردة اللي ريحة سيدنا النبي فيها، فقال:"إنِّي واللَّهِ، ما سَأَلْتُهُ لألْبَسَهُ، إنَّما سَأَلْتُهُ لِتَكُونَ كَفَنِي"🥺

-وده حصل؟
ايوة، كانت كفنه فعلًا لما مات❤

فقد كان رسول الله صلى الله عليه وسلم كريمًا، سخيًا، لا يرد سائلًا ما استطاع، وكان لا يسأله أحد شيئًا إلا أعطاه❤❤

هذا رسول الله❤
والله أعلم.
#سيرة_سيدنا_النبي🌻🌱
علمنا الله واياكم💙

الشير مفتوح وهو الأفضل ياحبايب✋💙
#هبة_شلبي