إنقلاب الموازيين🔥♥️

الحلقه 4

#الكاتبه_ژوژو_الطشهه✍🏻🔥.

#إنقلاب_الموازيين🔥..

#الحلقه_4

#لاااااايكك🍁..

قبل لا نبدا الحلقه نبي نقوللكن إنه روايتي هدي مش متوتيتها يعني مش موتيه الأحداث ولا شن ح يصير لأنه قبل رمضان بي أيام كيف سكرت المدرسه طبعا الجزء الأول هدا المهم امتحانات وضغط وقرايه نسيت إني كاتبة روايات بكل😂بجد بعدها لقيت إنه خاطركن في روايه في رمضان وهكي ف قررت ندير روايه هدي يعني وتيت الأحداث الرسميه الي ح  تصير بس مش موتيه في كل حلقه شن ح نكتب شوفن يعني في كل حلقه نكتبها نقعد نفكر شن نكتب وضغط عليا والكتيبه بروحها تاخد ساعتين ونص مرات أكثر ويبال معاها تفكير بجد ضغط بس أنتن لازم تتفاعلن تفاعل حلو عشان نتشجع ونزيد نتقدم أنا نكتبلكن أنتن عشان تتسلن ما نكتبش لي روحي يعني لو قريتي الحلقه ودرتي تعليق ولايك خساره فيا مثلا؟🥺🥺المهم طولت عليكن بس مش طالبه إلا كل وحده تقرا ادير لايك وتعلق بسسسسس فيه أصعب من هكي💁...

----------
في حوش صافي
باته خش وجهه ما يتفسرش:صافي كلمني وقال إنه رد للمعسكر
أمه بصدمه:لا ما تقولهاش
باته قعد ع الكرسي:والله هدا الي صار أنا مصدوم الولد أمس كيف جاء بعد غياب كم شهر شن الي خلاه يرد أخرى
أمه بي زعل: ياربي مزال ما فرحت بيه الشغل واخد كل وقته واخده منه
قعدت أمه تبكي
باته: استهدي بالله يا مراه مش هكي الولد قاعد في المعسكر يعني في شغله عليش تبكي عليه
جت ندى وأخته الأخرى يسمعن في أمهن وخايفات:شن فيه
أمه:خوكن رد للمعسكر مره اخرى
خواته شهقت بي صدمه:هيييييي
ندى خنقتها العبره وعدت تجري لي دارها وكلهم استغربوا
ندى قعدت ع سريرها وتبكي:كله مني ياريتني ما قتله أنا السبب مزال ما شبعنا منه 😭😭ليش رديت يا صافي للدرجه هدي تحبها ااااه بس الله يلعن الحب من طرف واحد كيف يتعب 💔💔
قعدت تبكي وتتحسر وندمانه....
_________________
عند أحمد طبعا الساعه 12:30 الصبح ركب سيارته وجاء لي فيلة حيدر فتحله الغفير الباب وخششه للمربوعه البرانيه شوي وخش عليه حيدر
حيدر:صباح الخير وليدي
أحمد:صباح النور عمي كيف حالك
حيدر:تمام الحمدالله وانت
احمد:الحمدالله ماشيه احمم
حيدر: كنك نحس في فمك كلام
احمد بي إحراج:والله يا عمي شن بنقولك بنبطل من الشغل عندك
حيدر أنصدم:ليش يا وليدي لمار زعجاتك في شي ولا دارت شي غلط
احمد بي ارتباك:لا مش هكي الموضوع
حيدر بي شك: في شي ولازم تقوله أنا كيف باتك احكي يا ولدي
احمد بي توتر:لا بس قلت يعني م مرات مراتك وبنتك مضايقات مني لأنه...
حيدر قاطعه:لا من الناحيه هدي اطمن صدقني انت المناسب يا ولدي وبعدين أنا لو ما كنت مطر ما كنتش حطيتلهن شوفير بس انت عارف مشاويري وسفري وشغلي حتا بكرا ماشي مصر 3 أيام
احمد طبس راسه بي حيره:باهي تمام ح نقعد في الشغل
حيدر ابتسم بي راحه: تمام اليوم مافيش مشوار عندهن بكرا الصبح تشيل لمار للجامعه ع الساعه 8 عندها محاظره
احمد :تمام🙂معناها توا نستأذن
حيدر:خود راحتك
طلع احمد وحيدر تنهد بي راحه....
___________________
في القصر..
باربي رفعت راسها وناضت:نبي انوض نبدل توا نجي كوثر تعالي نبدلوا توا نجيك يا جدو
وغمزتله
عبدالجليل ضحك:خودي راحتك بنيتي ابرار وريهن غرفهن وين
ابرار اخت هيثم ابتسمت: حاضر
ناضن ابرار ومعاها باربي واختها كوثر ركبن فوق عشان يبدلن
ابرار:فرحانه بي جيتكم واجد
باربي:يا عمري حتا أنا رايفتلك😍🥺
ورتهن دارهن كل وحده دار وخشن عشان يبدلن
خشت باربي لي دارها وكانت كبيره وجميله فيها سرير كبير ودولاب كبير ومرايه كبيره كانت حلوه بكل
خشت باربي الحمام ودارت دوش سريع طلعت نشفت شعرها وفتحت شنطتها طلعت منها سروال توته لونه اسود معاه القطعه متاعه لونها احمر رفعت شعرها ذيل حصان وكان منظرها يجنننننننن والتوته كيف جايه عليها ♥️..
شافت لي روحها في المرايه وابتسمت
باربي:محلاني😍😂
طلعت من دارها قابلتها أختها كوثر يالي كنت عكس باربي في دبشها لابسه توته محتشمه ولامه شعرها
كوثر:انتي بتجلطينا شكلك شنو التوته هدي
باربي:والله دبشي كله هكي وانتي عارفه هيا ننزلوا
نزلن لوطه ولقن الكل يهدرزن
جهاد أول ما شافها:😍😍
لفتت نظر الكل لأنه بجد جميله ومنظرها ملفت حتا لو لبست شي بسيط
هيثم وزع نظره ع سالم وجهاد كيف يشوفوا لي باربي وتعصب بكل 😡
لا لا لا لا ما تفهمنش غلط نهائيأ هيثم متعصب من باربي ودبشها المستفز مش غاير عليها ولا يحبها ولا عمره فكر فيها ديما يشوفلها بي نظرة أنها منحرفه حتا توا بعد شاف نظرة خوه وولد عمه لها زاد كرهها لأنه هيا قاعده ادير في الغلط وهما مش ذنبهم شباب وشافو بنت سمحه وأكيد ح تكون هكي ردت فعلهم
باربي:جدو
عبدالجليل:نعم بنيتي
باربي:حصاني قاعد؟
عبدالجليل ضحك: اكيد في الحفض والصون
باربي ابتسمت وشافت لي جدتها : حني مزال قاعده واعره
نواره قرصتها
باربي بي ألم:ااه لا زدتي زياده😂
كلهم:هههه
هيثم:😏
قعدوا يهدرزوا وكانت أجواء عائليه بي إمتياز وحمزه رجعت فيه الروح بي جيته قاعد بين هله وفرحان ♥️♥️..
هيثم كان نادر ما يشاركهم في الحديث إلا كان سألوه كان ماسك تيلفونه ويبربش فيه...
______________
عند صافي وصل للمعسكر خش للدار جوا وقعد يهز في كراعه بي عصبيه خش عليه صاحبه مش صاحبه صديق عمره هدا وعارف كل صغيره وكبيره عليه اسمه طارق يقولوله الطقه♥️..
طقه بي صدمه: تي وين كنك جايي
صافي شافله وطبس راسه لوطه وتنهد بي ألم
طقه جاء قعد يالاه:لا شكله حالتك بكل شن فيه
صافي:اااه يا صاحبي ياريتني ما روحت للحوش ولا سمعت الي سمعته
طقه بي خوف:شن فيه شن سمعت
صافي:طلعت مرتبطه يا صاحبي 💔
طقه بصدمه:لااااا يرا ما تقولهاش💔
صافي:اااه وبيجي بيخطبها يعني بحح خلاص حبي لها من سنين عدا ع الفاضي ياريتني سمعت كلامك واعترفتلها بس ماكنتش نبي نحكي معاها عشان خوها نعرفه وصاحبي مانبيش نحكي مع أخته من وراه كنت نبي نكون روحي ونجي نخطبها رسمي ما توقعتش الشي هدا ولا حسبتله حساب💔
طقه يطبطب ع كتفه:ما تفقدش الأمل كان عندك نصيب فيها ح تاخدها يا صاحبي وبعدين مش حرام عليك أمك وباتك ماشبعوش منك مزال ليش جيت هنا توا الأوضاع مستقره ليش جيت بس انت اكثر واحد فينا طولت ع أهلك وأمس بعد روحت كلنا فرحنالك حتا ولو كان الموضوع صعب عليك بس لازم تروح وتتحمل وتصبر
صافي تنهد:معاك حق بس هكي ما عرفتش شن ندير ما لقيت روحي وإلا قاعد عندكم توا نرد في اليومين هدينه
طقه تنهد:ما عمريش توقعت إنه ح يجي يوم تكبد واتطيح ع وجهك انت صافي الي ما عمركش دورت الحب تحب ولا مش أي حب انت عشقان بنت الناس
صافي ضحك بي هزوه: وشن الفايده كان بيزفها غيري
طقه:💔💔
___________________
في المدرسه منصور قاعد يقري في الفصل متاعه رن الجرس وقت المرواح قعد يلم في حاجاته بدوا يطلعوا كلهم شباب وبنات جاي بيطلع جنه البنات متاع أمس
بنت:استاذ منصور في حاجات مش فاهمينهن تقدر تشرحهن لنا
منصور: تمام
قعد وبدا يشرحلهن وهنا كانن ناويات يطيحنه ويخلنه يعجب بي وحده منهن بس للاسف كان منصور قلبه ميت بعد حبيبت قلبه الي ماتت شرحلهن تم الوقت طلع وسيبهن مقهورات...
_________________
في القصر حطن الخدم الغداء طاولة الرجاله والشباب ومعاهم عبد الجليل برواحهم وطاولة الصبايا ومعاهن نواره برواحهن
وبدوا يتغدوا في أجواء عائليه جميله♥️♥️..