سيـل المطر ' بــاللهجه العراقيه '

| الـَبِارتَ الثِـانـي |

#سيـَل_المُـطِر
#للڪاتبه_يـَلِدز
#الـبارت_الثاني
حسابي ؏ الانستا 𝘆𝗹1.1𝗹
————————————-—————————————-

دخلنا للمضيف الي چان حيل جبير ، حرفياً جان كلش جبير دحگت عليهم كلهم كانوا لابسين زي عربي دشداشه عگال و مثل العبايه يحطوها ؏ الجتف ههايِي الي يلبسونها

اتجهنا خطوه الى الامام كان جدي كاعد كبالهم كلهم
بيده عصا و مبين متسلط ...
حجه واحد بــ همس مــטּ الي دخلنا و كان واكف يمنا
" تقدمن و حبن ؏ ايد چـدِجن .."
وحده دحگت ؏ اللخ... تقـدمنا يمه

لزمنه ايده بسناها و بسنا راسه ..

حجه "  ابوچن اللّٰـه يرحمو .."

قاطعوا كل الي جانوا كاعدين ب المضيف و كالوا " اللّٰـه يرحمه "

كمل كلامه " جان الو معزه خاصه ب كلبـي  ، و چنـت اثق بي ڪلُش هواي و مسلمو ب ايده كلشي ، بَس شنو سوه و جازاني ؏ تعبي ؟ راح تزوج وحده ما نعرف اصلها شنهي اهلها شنهي ، تالي شنو حصل ابوچن ؟ حصل طعنات الضهر منها ! ههايِي موتته و نهزمت بَس !! لا تخافن حگ ابوچن ناخذو مــטּ حلك السبع ! مو ابن حارث الي ينسم و يروح تعبي بــ ههــل سهوله ، ابوچن تعبت ا؏ــليه هوَ الوحيد الي كمل دراستو من دون اخوانو ، امچن اليوم ما تفلت من ايدي "

جان جوابنا فقط النحيب.. جنا نبجي بحركه من نسمع كلامو

" هساع انه تا أحــچي ويــآجن ، و اي شـي اكولنه تنفذنه و الي ما تنفذ اهي تعرف جزاتها شنهي ، و ما اهجس صوت منجن ، سمعن ! كل وحده منچن راح تتزوج ابن عمها ، تنستر و تكعد ب بيت رجلها ، و انه سمعت ابوچن منطيچن عين زايده ، و سمعتو هم مخليچن تكملن دراسه ، احنا هنا ب السلف ما عدنا بنيه تكمل و تطلع و تخش ب كيفها ! سمعت هم ما محجبجن عجل كره عينه الابوچن المرحوم ، اهنا ما عدنا ب السلف بنوات يطلعون بشعرهم سمعتن ؟ تلبسن عباه حالچن حال البنات و بنات عمامجن ، פـتىَ كبال عمامجن هم تلبسن شال ، و ملابس عريضه ، لون ما تخلص السنه و تصير الملچه مفهوم ؟"

جاوبوا كل الي كاعدين بــ المضيف " سيد شتريد نفذه  "

كمل كلامه " الجبيره ل شيخ درع ، و الثانيه ل محمد ، و الثالثه ل حكم ، مفهوم ؟"

حجوا " ابشر شيخنا ، كلنا تحت امرك ...اللخ "
باوع علينا و كال " هسه ولن من جدامي .."

طلعونا مــטּ المضيف و جان بعده المطر مستمر
دخلنا لل قصر ، اي كمت اسمي قصر
اسمع صوت الملايه تنعي و اصوات بجيهم واصل لل حوش ...

دخلونا لل مطبخ الداخلي لان الي بره حاطي لل زلم
نضراتهم جانت نضرات اشمئزاز النا عبالك حسسونا أنــو احنا يهود!
اجت وحده جانت تبجي تا تغسل وجها
دحگت علينا و حجت ويانا .." اووووي ولج هاي الصغيره عيناً ابوها يمههه خويه وينكككك تعال ارجع ! ارجع بناتك صغار بيقن بلا سند ارجع خويههههه"
حضنتنا و تبجي و احنا نبجي وياها
جان شعرها حيل طويل و غچري و هيه سمره و حلوه و عيونها كبار و مسحوبه و شفايفها مرسومه
ايه من الجمـَال جانت !
تشبه نيل بكُلشي
حجت " انه عمتچن ميقات بنات ، ايشي تحتاجنه انه موجوده هنا يمكم ، ابوجن جان حنين ولجن جان حنين عليه جان يموت عليه هوَ الرباني ولجن مات و ما شفته !"