احببت قاسي

الآم

.................................................

في منزل سليمان و هويدا

تجلس هويدا مع زوجها علي طاوله الطعام

ليقطع سليمان الصمت الذي احتلهم

سليمان :  امال فين وليد

هويدا : نايم اتعشي من بدري و نام .........  صحيح اخبار ملك و غيث اي

ينظر لها سليمان بارتباك و هو يقول : ك ..... كويسين الحمد لله

هويدا : ملك مش ناويه تنزل مصر بقا ولا اي

سليمان : هي اتعودت علي هناك و مش عاوزه ترجع

هويدا  بغضب : امال اي غيث افندي هينسيها أصحابها 

ليصيح بها سليمان بغضب  قائلا : وانا مالي يا هويدا .... هو انا هقول للراجل يعمل اي و ميعملش اي دي مراته و هي موافقه علي كده

هويدا : انت عاوز تتخانق يا سليمان و خلاص ..... انا بسال عليها دي صحبتي و زي اختي و متربيين مع بعض من واحنا لسه عيال

سليمان بزهق : متعليش صوتك عليا يا زفته

هويدا : بصدمه انا زفته يا سليمان بيه

سليمان : ايوه زفات و ستين زفته .... من ساعه ما اتجوزتك وانا مش مرتاح ولا عارف الاقيها منين ولا منين 

هويدا : طالما انت مش مرتاح كده معايا انا هسيببلك الشقه و ابنك تشبعو بيها .... و ياريت تطلقني

سليمان : كتك نيله عيشتك بقت تقرف . .... لا وعلي اي ياختي .... انا هسيبها  و اغور في ستين داهيه

ثم بعد ثانيتان تسمع هويدا سليمان و هو يخرج من المنزل و يصفع الباب خلفه

تجلس تبكي بألم على حالها هي و هو

هويدا في نفسها : ليه معاملتك بقت كده يا سليمان ... ليه بطلت تحبني

يقطعها صوت ابنها و هو يقول

وليد بنعاس : في ايه يا مامي ... ايه اللي حصل

هويدا بحنان : مفيش يا حبيبي.... انا و بابا اتناقشنا بصوت عالي  شويه بس

وليد : لا يا مامي انا كنت سامعكم .... انتو كنتو بتتخانقو و بابا ساب البيت و مشي صح

تنظر له هويدا بصمت وهي لا تعلم ما تقول  ف طفلها  يقول الحقيقه يقطع شرودها صوت ابنها و هو يقول

وليد : هو بابي بقي نوتي كده ليه ..... مبقاش مستحملنا ولا اطيق يشوفنا

هويدا  بابتسامه : بابي مش نوتي يا حبيبي بابي تعبان شويه من ضغط الشغل عشان كده بيزعق علي طول لكن بابي بيحبنا

وليد : لا يا مامي حتي انا كنت قاعد بلعب جيم امبارح علي البلاي ستيشن لقيته زعق فيا و قفل البلاي ستيشن و قال مفيش فسحه في الويك اند و مفيش نادي في الاجازه ..... بس انتي قولتيلي أن النوتي بيقعد علي كرسي العقاب بتاعه لمده ساعه ميعملش حاجه ولا يلعب ....صح