ما أختاره القدر

البارت18

وصلت نور إلي المنزل فكانت تعتقد أن يارا قد وصلت قامت بقتح الباب ودخلت إلي المنزل ومن خلفها ليلي ومروان وعلي
نور بخوف بعد دخولها..:مااااااما
صفاء وهي تخرج من غرفتها...:انا كام مره قولتلك بلاش اسلوبك ده.....ثم تنتبهت من وجود مروان وعلي وليلي وقبل أن تعقب سالت نور
نور..:ماما فين يارا
صفاء بعدم فهم...:يارا مين
أدركت نور أن والدتها لا تعلم شي عما حدث
صفاء وبدأت تشعر بالخوف..:في إيه يانور...حصل حاجه
إكتفت نور بالنظر إلي ليلي لإنها لا تعرف ماذا يجب أن تفعل
صفاء..:إسلام حصله حاجه
نظرت نور إليها بإندهاش كيف عرفت ولكن ماذا بكي يانور إنه قلب الأم وما أدراك ماهو قلب الام
نور ولم تتمكن من حبس دموعها أكثر فبدأت تبكي وإرتمت في حضن والدتها
صفاء..:بسم الله الرحمن الرحيم في إيه يانور ريحي قلبي يابنتي أخوكي إسلام حصله حاجه
إكتفت نور بالبكاء ولم تستطع النطق بأي كلمه
نظرت صفاء إلي الواقفين أمامها..:طيب حد يفهمنى إيه إللي بيحصل
نظر الجميع إليها بضعف كيف سوف يخبروها بخبر كهذا ولكن طبعا مروان كان أكثر شخص ثابت الأعصاب بينهم فتولي هو الإجابه علي هذا السؤال
مروان..:متخافيش في تهمه مقدمه ضد إسلام وهما بيحققوا معاه
صفاء وقد إتقبض قلبها أكثر عند سماعها هذا الحديث...:طيب طمني عليه يابني
مروان..: إحنا لسا حالآ عارفين بس متخافيش الموضوع إن شاء الله بسيط
صفاء..:طيب مش ممكن أروح أشوفه مروان..:روحت حضرتك ملهاش لازمة وهو بس مجرد وقت ويخرج
وفي هذه اللحظه وصلت يارا إلي المنزل
يارا وقد دخلت مباشرة ﻹن الباب كان مفتوح..:السلام عليكم هو ده بيت الظابط إسلام فتحي
ليلي..: إيوه مين حضرتك
يارا..:انا يارا عصام زميلة إسلام....هو انتي نور
تدخلت نور عندما عرفت إنها هي من إتصلت بها
نور..: أيوه انا نور
يارا وقت إقتربت من نور وكان يبدو علي نور أثر البكاء..:انا مش عايزاكي تقلقي خالص الموضوع هيتحل بأمر لله
صفاء..:طيب هو إسلام عامل إيه دلوقتي طمنيني عليه يابنتي
يارا..:هو بخير متخافيش كل حاجه هتكون بخير
ليلي..:طيب إتفضلي إقعدي وفهمينا إيه إللي حصل وممكن نعمل إيه
جلس الجميع وأنظارهم موجهه نحو يارا بإهتمام كبير لما سوف تقوله
أخذت يارا نفس عميق ثم حكت لهم ما حدث
يارا..:الموضوع بإختصار إسلام متهم بأنه بيتستر علي مجرم والشخص ده للأسف يكون من نفس عيلة إسلام....وهما لقوا الورق إللي بيدين المتهم في خزنة إسلام الخاصه
علي..:بس إزاي هما يوجهوله تهمه من غير آدله كافيه
يارا..:في فيديو وصل ليهم وإسلام واقف مع المتهم وبيتكلم معاه
تدخلت صفاء..:يعني إيه يابنتي انا مش فاهمه حاجه من كل ده فهميني إيه ممكن يحصله
يارا وهي تحاول ان تخفف عنها..:يعني اﻵدله إللي ماسكينها ضده ضعيفه جدا وإن شاء لله مش هيحصله حاجه
صفاء..:يارب يسمع منك يابنتي
مروان بتفكير..:طيب إحنا لازم نروح القسم عند إسلام دلوقتي يارا..:هو حضرتك بتفكر في إيه
مروان..:هتعرفي بعدين...ثم وقف....إحنا هنروح لإسلام دلوقتي
وقفت نور بسرعه..:وانا كمان هروح معاكم
مروان..:مينفعش انتي خليكي هنا احسن
نور بعند..:لا هروح علشان ده أخويا
مروان..:بلاش لعب عيال وخليكي هنا
نور وهي تتجاهله وتنظر إلي ليلي..:ليلي علشان خاطري خليكي مع ماما
ليلي..:حاضر يا حبيبتي متخافيش
مروان وقد إستسلم من عند نور..:وانت خليك هنا معاهم ياعلي وفي حراس علي الباب علشان لو حصل أي حاجه
علي..:تمام
خرج مروان من المنزل ومن خلفه يارا ونور....إنطلق مروان بسرعه كبيره جدا وهو يعرف ماذا سوف يحدث وطبعا كان يسير من خلفه سياره الحرس الخاص الذي لا تفارقه أينما ذهب...أما هي فكانت تجلس وهي خائفه جدا ضربات قلبها تعلوا وتهبط من الخوف وأخيرا وصل مروان إلي المكان المتواجد به اسلام دخل الجميع إلي الداخل وكان الجميع ينظر إلي مروان بإحترام ورهبة شديده مما أدهش نور ولكن عقلها لا يسمح لها بتفكير في شيء سوي إسلام ذهبت يارا مسرعة عندما وجدت شريف
يارا..:حضرت الرائد شريف
شريف..:خير يا يارا
يارا..: إحنا عايزين نشوف إسلام
شريف..: انا قولتلك إنو ممنوع بس سمحتلك مره واحده بس مينفعش حد يدخل عنده
مروان ببروده المعتاد..:هو إيه إللي ممنوع ومينفعش وهو إللي ينفع إنك تحبس ظابط بشوية آدله فارغه
نظر اليه شريف بخوف شديد فمن يرى الصقر ولا يخاف منه
شريف بخوف..:مروان بي إحنا.....
مروان بمقاطعه..: إحنا هندخل نشوفه ومفيش أي حد يقدر يمنعنا عن ده شريف..:تمام يا مروان بيه
دخل الجميع الغرفه خلف نور التي بمجرد أن رأت إسلام زهبت إليه وقامت بإحتضانه وبدأت في البكاء
إسلام..:خلاص يا حبيبتي مفيش حاجه انا بخير
نور ببكاء وهو ترفض أن تترك إسلام..:لا انت كداب علشان انت شكلك تعبان
مروان..:اهدي ي نور إحنا مش جايين هنا علشان نعيط إحنا جايين علشان نحل المشكله
نور بعند....:ملكش دعوه بيا
تدخلت يارا..:خلاص يا جماعه هما مش هيسبونا وقت طويل مع إسلام
تبتعدت نور عن إسلام أخيرا وجلس الجميع
مروان لإسلام..:ممكن تقولنا إيه إللي حصل
إسلام..:مفيش حاجه أكيد أكتر من إلي بلغتكم بيها يارا..ونظر إلي يارا بغضب
يارا..:انت كمان مكنتش عايز تقولهم
إسلام بغضب..:هستفيد إيه لما اقلقهم عليا بلا هدف
يارا بضحكه ساخره..:انت أول حاجه كنت مصدق إن انت إللي عملت كدا وبعدين مش عايز حد يساعدك
إسلام بغضب..:علشان محدش هيعرف يساعدني...خلاص الأمر إنتهي
يارا وهي تقف بغضب..:مفيش حاجه إنتهت انت إللي بتفضل الإستسلام انت مبسوط إن أختك كانت هتموت علشانك ولا مامتك إللي ملهاش فالدنيا حد غيرك انت ونور بعد وفاة والدك انت أناني أوي يا إسلام....انت بجد نزلت من نظري أوي....ثم غادرت من الغرفه لإن هذا الموقف ذكرها بماضيها المؤسف
نظرت نور إلي إسلام وجدته شارد الذهن ربما يفكر فيما قالته يارا إقتربت نور منه
نور..:هي مكانتش تقصد كدا هي بس عايزه تساعدك
إسلام...:مش هتفرق
ثم دخل عسكري الغرفه
العسكري وهو ينظر إلي مروان..:معلش يافندم لازم حضرتك تخرج دلوقتي علشان إستجواب المتهم
مروان وهو يقف..:تعالي يانور علشان نخرج
نور وهي تودع إسلام..:انت مظلوم ومعملتش حاجه وإن شاء الله ربنا هيظهر الحق
إسلام..: إن شاء الله أهم حاجه خدي بالك من نفسك ومن ماما
خرج مروان من الغرفه وتوجهوا نحوا الغرفه التي توجد بها يارا..........دخلت نور الغرفه وجدت يارا تبكي بشده....إقتربت نور وجلست بجانبها
نور..:متزعليش من إسلام هو بس مدايق علشان الموقف إللي هو فيه يارا وهي تبتسم..:انا مش زعلانه منه انا زعلانه عليه
نور بمرح..:خلاص يعني صافي يالبن
يارا بضحك..:هههههههه حليب يا قشطه.....ثم نظرت إلي مروان الواقف علي الباب..:إحنا لازم نشوف حل فرقة التحقيق العليا جايه ولازم يكون معانا دليل وقوي كمان
نور...:بس فرقة التحقيق دخلت عنده دلوقتي قبل ما أخرج انا ومروان
يارا بتوضيح..:دي فرقه تحقيق من القسم نفسه ورأيها ولا بيقدم ولا بيأخر لكن الفرقه العليا هي إللي هتحدد إيه إللي هيحصل بالظبط
مروان..: ممكن ندخل أوضة الكاميرات
يارا..:ليه
مروان..:علشان إحتمال كبير الدليل إللي بندور عليه يكون جوه
يارا..:انا ممكن آخد إذن لو عايزين ندخل
مروان..:ياريت
يارا..:تمام هروح أجيب الإذن
ذهبت يارا لأخذ اﻹذن وعادت مسرعه وهي تحمله وذهب الجميع إلي الغرفه وكان هناك رجل كبير يدعي مصطفي وهو المسؤول عن الغرفه
يارا..:عم مصطفي إحنا معانا إذن علشان نراجع الكاميرات
مصطفي..:حاضر يابنتي بس انتي عايزه كاميرات ايه بالظبط
يارا بتوضيح..:فيديو أوضحت الإستقبال إللي جي فيها المتهم وقت ما كان بيكلم إسلام
مصطفي...:انتى مش فاكره هو كان يوم إيه
يارا بأسف..:لا والله بس هو من قريب
مروان..:ثواني إسلام راجع الشغل من يومين وأكيد إللي صور الفيديو ده لإسلام أكيد مصوره صوره قبل كدا
يارا...: للأسف الفيديو إتصور بالتاريخ إللي رجع فيه إسلام ودي كانت ثغره ضده
قطع مصطفي حديثهم..:الفيديو أهو يا يارا
نظر الجميع الي الفيديو بانتباه شديد...وكان الفيديو عباره عن صورة ﻹسلام وهو يقف ورأسه للكاميرا والمتهم يقف أمامه
مروان ..: إحنا منعرفش نجيب زاويه تانيه للتصوير
يارا..:للأسف الغرفه دي مفيهاش غير كاميرا واحده وإللي مدبر كل ده عامل حساب لكل حاجه
مروان وهو يفكر...: مفتكرش انو عمل حساب لكل حاجه
يارا..:تقصد إيه......مش فاهمه
مروان..: أكيد فى كاميرات في الممرات ولا دي كمان مش موجوده
يارا..: أه موجوده...بس انت هتستفيد منها بإيه
مروان وهو ينظر لمصطفي..:ممكن تجبلي رؤيه الكاميرات في الممرات في نفس اليوم والوقت إللي إتصور الفيديو ده
بدا مصطفي العمل علي الذي طلبه منه مروان وكان الموضوع صادم حيث أنهم رآؤ أن بلال(زميل إسلام)
هو من يدخل الغرفه
يارا بصدمه..:بلال مستحيل
مروان..:مين ده؟...انتي تعرفيه!!
يارا وهي تهز رأسها بعدم تصديق..:ده بلال ظابط معانا هنا......انا مكنتش أعرف إنه ممكن يعمل كدا
خرجت نور عن صمتها أخيرا..:يعني كدا خلاص إسلام برئ
يارا...:ده دليل كبير في صفه بس محتاجين حاجه أقوي من كدا مروان...:تمام إحنا هنخرج وهشوف ممكن نعمل إيه تاني
يارا لمصطفي..:معلش ياعم مصطفي تعبت حضرتك معايا بس ياريت تسجلي الفيديو ده علي فلاشه
مصطفي..:ولا يهمك يابنتي......إتفضلي ومد يده لها بالفلاشه
خرجوا جميعهم من الغرفه
نور..: إحنا هنعمل إيه تاني
يارا..:لازم نجيب دليل إن بلال هو إلي حط الورق في خزنة إسلام
نور..:طيب هو إحنا مش ممكن نجيبها من أوضة المراقبه
يارا....:الأوضه الخاصه بينا مش بتكون متوصله بأوضة المراقبه
نور..:طيب افرض حصل حاجه بتعرفوها إزاي
يارا بتذكر..:اه صحيح من اللابتوب الخاص باﻷوضه بيكون متصور عليه كل المشاهد
نور..:وفين اللابتوب ده
يارا...:بيكون في الأوضه علشان لو حد إحتاجله
نور..:خلاص تعالي ونشوفه....ثم ذهبوا
دخلت نور ويارا ومروان إلي الغرفه وبحثت يارا في كل مكان
يارا...:أهو لقيته
نظر إليها مروان ونور....ثم جلسوا جميعا وبدأت يارا مراجعه شرائط الفيديو حتي عثرت علي الفيديو الذي كان بلال بفتح خزانة إسلام ويوضع بها الورق من دون إن يراه احد
نور بإنفعال...:شخص معندوش قلب انا مش عارفه هو بيعمل في إسلام كدا ليه كان بيعاديه ولا كان بيعاديه
مروان....:خلاص إهدي إسلام بريء...وﻵوعدك إن الشخص ده هينول عقابه
يارا..:انا هقدم اﻷدله دي للفرقه إللي جايه تحقق مع إسلام وإن شاء الله هنثبت برائته ونعاقب الانسان ده....بس مشكله يكون بلال متفق مع المتهم ضد إسلام
مروان..:بلال ده غيرته قليله جدا والدليل أنه وقع في حاجات بسيطه... وأكيد هيسيب وراه ثغره زي إللي فاتت ولو ده محصلش انا عندي الحل الخاص
نور..:حل خاص إيه انت مفكر نفسك سوبر مان
مروان...:اسكتي انتي
نور..:انتي عاملي نفسك رجل أعمال محترم ومشهور وانا نفسي ما أعرفكش يارا..:لا يانور أستاذ مروان مشهور ومشهور جدا كمان ومفيش حد ميعرفش مين مروان الصقر
نور بمرح..:انا آخر مروان عرفه مروان محسن
مروان...:مين مروان محسن
نور..:شوفت بقي مين اللي جاهل ههه لازم يكون عندك خبره في كل حاجه علشان أوافق اتجوزك
مروان وهو يقف..:طيب يلا علشان نمشي
نور..:انا همشي مع إسلام
مروان..:مش هينفع تفضلي هنا وبعدين إسلام هيخرج بعد التحقيق
يارا...: أستاذ مروان عنده حق وبعدين احنا معانا آدله قويه وإن شاء الله هنثبت برائته فجودك ملوش لازمه
مروان..:وانتي يا آنسه يارا لو حصل أي حاجه بلغي نور وهي هتبلغني
نور..:اه يا يارا انا كنت عايزه أبلغ علي مروان ف خوديه وشوفيلي حد يروحني
نظر إليها هو بغضب شديد
نور نتيجه لغضبه...:انا بقول يادوب نلحق نمشي انتي عارفه الزحمه والمواصلات بقي......وانت يامروان لازم تسيطر علي نفسك مش كل ما نيجي نتكلم تفضل تهزر تهزر يعني لازم يكون في جد شويه....يلا سلام يا يارا
يارا...:هههههههههههه ولله انتي نكته اوي يانور
مروان..:تمام إحنا علشان نمشي
ثم خرج مروان ونور وذهبت يارا لتقديم الآدله لإثبات براءة إسلام
مروان بعد صعودهم السياره....:انا ممكن أفهم إيه إللي انتي عملتيه جوه ده
نور..: إللي هو إيه يعني كنت بضحك مع البت يووووه
مروان..:اللهم صبرني..غريبه جدا
نور...:لا وكمان لساني طويل حتي شوف...ثم أخرجت لسانها له واصبحت تشبه الأطفال
مروان..:نور انتي هبله
نور..:عارفه حتي انا هبل من هبله كامل هغهغهغغغههه
مسح مروان علي وجهه بغضب من تصرفات نور وإنطلق مسرعا بالسياره......حتي وصل امام منزل نور..وهبطت نور من السياره
مروان..: أول ما إسلام يرجع كلميني
نور...:ليه مروان..:وانتي مالك
نور....:هي بقت كدا طيب مش هقولك لما يرجع
مروان بغضب..: إمشي من وشي يانور
نور...:كنت همشي علي فكره من غير متقول
مروان...:اللهم الصبر....نور انا مش فايق للهبل بتاعك إطلعي قولي لعلي ينزل
نور..:وانا مالي هو انا الخدامه التيلنديه إللي جبتهالك مامتك....روح ليه انت
مروان وقد وصل غضبه زروته...:نووووووووووووووووووور
نور بخوف..:ما بوراحه...ثم هربت من أمامه بسرعه بسبب نظرة الغضب التي كانت تعتليه
بعد ذهاب نور ضحك عليها مروان وعلي برائتها ومرحها.....خطر العديد من الأسئله في ذهن مروان هذه كانت جزء منها....كيف سوف تتحمل العيش معى....كيف سوف تستطيع التأقلم في هذه الحياه الغامضه..... هل انا أظلمها بذلك
~~~~~~~~~~~~~
أما عند إسلام فكانت يارا قد قدمت جميع الآدله التي سوف تثبت برائة إسلام وجائت فرقة التحقيق العليا للتحقيق معه
أحد لجنه التحقيق...:ممكن أعرف إيه رأيك في التهم الموجهه ليك
إسلام...:يا فندم انا معرفش مين الشخص إللي انا زي محضرتكم بتقولو هاهربه
عضوا لجنه التحقيق...:علي العموم إحنا وصلنا آدله تفيد حضرتك جدا بس في اجراء هنتخذه ونشوف رأي المتهم صلاح هيكون إيه
إندهش إسلام عندما عرف أن هناك آدله في صفه ولكن لم يعقب علي ذلك
عضوا لجنه التحقيق...:دخل المتهم صالح يا عسكري
دخل العسكره ومعه شخص أول مره يري إسلام في حياته وأوقفه أمام لجنة التحقيق
عضوا لجنة التحقيق....:ممكن أعرف إيه علاقتك بحضرة الظابط اسلام صلاح وهو ينظر إلي الاسفل...:معرفه سطحيه يا فندم
عضوا الجنه...أيوه يعني هو إللي متفق مع حضرتك علشان تهرب
صلاح بنفي..: محصلش يا فندم
عضوا اللجنه..:طيب ليه في أول إستجواب قولت إن إسلام هو إللي حاول يهربك
صلاح....:علشان في واحد جه عندي أوضه اﻹستقبال وأتفق معايا على إني أقول كل ده مقابل انو يحمي عيلتي وأنه هيخرجني..ولما رفضت...أكمل ببكاء...قتل مراتي وقالي إنوا هيقتل أولادي لو ما نفذتش إللي هو طلبه
عضوا اللجنه...:عارف إسمه
صلاح...:بلال إسمه بلال يافندم
نزل اﻹسم علي إسلام كمن سكب عليه دلو من الماء البارد
عضوا اللجنه..: طيب وإيه يعرفني إن كلامك ده صح ما انت كدبت أول مره ممكن تكون بتكدب دلوقتي
صلاح...:انا ياباشا بقول إللي هيريح ضميري قدام ربنا علشان مراتي ترتاح في قبرها وانا عارف إن موتها ده كان عقاب علشان مشيت في السكه الغلط ولو حضرتك مش مصدقني تقدر تشوف التسجيل ده انا كنت مسجله ليه تحسبا ﻷي حاجه...انا كل إللي طالبه منكم ان حد يهتم بأولادي علشان خايف عليهم هيعملوا إيه بعد موت أمهم
إسلام...:انت متاكد من الكلام ده
صلاح..:تقدر تشوف وتسمع كل حاجه من التسجيل والكاميرات
عضوا اللجنه...:تمام إتفضل يا عسكري رجعه الحجز
ذهب صلاح مع العسكري وهو مرتاح البال ﻹنه يعرف أن مافعله هو الصحيح
عضوا اللجنه...: آسفين جدا يا حضرة الظابط إسلام إن إحنا شككنا في اخلاص ظابط كفئ زي حضرتك
إسلام وهو يقف ويؤدي التحيه العسكريه..:تحت أمر حضرتك يافندم
دخل العسكري ولكن هذه المره ومعه بلال
بلال بغرور...: حضرتك طلبتني يافندم
عضوا اللجنه...: إتفضل سلم شاراتك علشان إحنا منتشرفش إن انت تكون واحد مننا وبتمثلنا
بلال...:هو إيه إللي حصل يافندم
قام أحد أعضاء اللجنه بتشغيل المقطع الصوتي الذي سلمه صلاح وكان بلال يسمعه بأعين مفتوحه علي آخرها مما يحدث
بلال...:كل ده كدب إسلام عمل كل ده علشان يلبسني تهمه ويخرج هو منها
عضوا اللجنه...:حضرة الظابط إسلام ميعرفش حاجه علي الآدله دي وبعدين الكاميرات مصوراك وانت بتحط الورق في خزنة إسلام وكمان وانت رايح تتفق مع صلاح إللي اعترف بكل حاجه
كان بلال لا يصدق نفسه مما يحدث هل حقا كشف أمره ماذا سوف أفعل كل هذا بسبب إسلام إن لم يكن موجود لم يكن كل هذا سوف يحدث
عضوا اللجنه...:تقدر تتفضل دلوقتي يا إسلام
إسلام...:شكرا لحضرتك بافندم
نظر إسلام إلي بلال وهو يخرج نظرة تشفي وإنتقام مما كان يريد أن يفعله به
~~~~~~~~~~~~~
دخلت نور المنزل وجدت الجميع يعتليه الحزن
نور..:ياساتر يارب إيه القعده دي
صفاء بلهفه....:عملتي إيه يانور وإيه أخبار إسلام
نور...:متخافيش كلها كام ساعه وتحقيق يخلص وإسلام يرجع البيت ونزهق منه ههههههه
ليلي..:طيب الحمد لله إن أنتم إطمنتوا عليه وإن ربنا أثبت برائته
نور...:علي الواد مروان مستنيك تحت
علي..:لو سمعك هيعلقق
نور وهي تتذكر بأنها نادته بالحمامه وتذكرت نظرته المرعبه لها
نور..:لا انا بهزر معاك السلطان مروان ينتظر حضرتك في اﻷسفل...قالتها بدرامه
علي..:ههههههه جبانه أوي......بعد إذنكم انا هروح
وقام علي بالنزول إلي مروان
قطع شرود مروان مع نفسه صوت علي
علي...:يا مروان يابني انت فين انا بكلمك وانت ولا هنا مروان..:معلش كنت بفكر في موضوع مهم
علي...:موضوع إسلام خلص
مروان..: إحتمال كبير......بس أهم حاجه سيب حرس في بيت نور علشان سكوت الشخص ده مش مطمني
علي......:قصدك مين
مروان بتفكير...:كل إللي حصل الفتره اﻷخيره كان مرتبط مع بعض وانا حاسس إن إللي عمله شخص واحد والشخص ده هو إللي قتل أبو نور وهو نفسه إللي خطفها وهو نفسه إللي بيخطط لحاجه إحنا مش عارفينها
علي...:وده هيكون مين
مروان..:الشخص ده وراه حكايه كبيره أوي بس مسيري أعرفها....انت أهم حاجه تأمن كل حاجه ومتخفش انا عامل حسابي لكل حاجه
علي..:تمام إن شاء الله خير........بالنسبه لموضوع الفرح هتعمل فيه إيه
مروان..:هتفق علي كل حاجه مع إسلام وإن الفرح يكون بعد العيد على طول
علي...:وانا هجهز كل التجهيزات الازمه للفرح علشان التأمين
مروان..:ماشي بس معتقدش إنوا بالغباء إللي يخليه يهاجم يوم الفرح علشان اكيد هنكون عاملين حسابنا لكل حاجه..بس ده ميمنعش إن إحنا ناخد كل الإجراءات
علي..:كل حاجه هتكون زي ما طلبت
............

بقلم/Hager Ahmed💙