ما أختاره القدر

الباررت16

وصلت الطائرة التي تحمل مروان ونور وعائلها إلى الأراضي المصرية حوالي الساعه ١٢ظهرا بسلام وعاد مروان إلى شركته مباشرا ونور إلى منزلها
في منزل نور
دخلت نور إلى المنزل بحماس كبير جدا وكان خلفها إسلام وصفاء الذين بمجرد دخولهم إرتموا على الأريكة من التعب أما نور ذهبت إلى كل أنحاء المنزل تبحث عن شي
نور وهي في المطبخ...:مااااااما
صفاء وهي في الخارج بخوف..:مالك يانور ياحبيبتي تعبانه
نور وهي تخرج اليهم بغضب...:فين الشيكولاتة إللي كانت في التلاجة
صفاء: يانور بطلي تفاهه بجد كده كتير 
إسلام...: يابنتي إحنا لسه داخلين البيت أكيد لسا مجبناش فيه حاجه
نور...:دي موجوده هنا من قبل ما نمشي
إسلام...:دي زمانها إتحللت
نور..:اللهم إني صائم انا مش هرد عليك
إسلام...:يارب يهديكي يانور.....ثم وقف....انا هروح الشغل عايزين حاجه من برا
صفاء...:انت لسه تعبان من السفر إرتاح إنهارده وروح الشغل من بكره
إسلام..:لا كفايه هما إستحملوني كتير أوي
نور..: أيوه صح عندك حق لازم تروح الشغل وتثبت نفسك...و...
إسلام وهو يفهم قصد نور...: أجيبلك ايه معايا إخلصي
نور..:احم احم انت دايما فهمني كدا.....بص شبسي وشيكولاته وببسي وكيك وانت وخلاص علشان متطولش عليك أكتر من كدا
إسلام...:هههه حاضر يا مجنونتي طلباتك أوامر
صفاء...:انت لو مروان سمعك بتقول كدا مش هيرحمك ههههه                                                   

 نور بخفوت....:لا علي فكره ميقدرش يعمل حاجه
إسلام..:دي أختي ومحدش يقدر يمنعني إني أهتم بيها.....ثم نظر إلي نور فوجد وجهها يتوهج من الإحمرار....إيه ده هو انتي بتتكسفي زي بقية البنات عادي
نور..:اه طبعا هو انا معنديش دم ولا إيه
إسلام بحنيه اخويه...:لاطبعا أحلي دم في الدنيا دي كلها
صفاء..:ربنا يحفظكم لبعض
إسلام..:انا همشي دلوقتي علشان متأخرش
صفاء..:خلي بالك من نفسك وحاول متتأخرش
إسلام وهو يخرج ويغلق الباب....: إن شاء الله
نور بعد ذهاب إسلام...: ياااه والله لسه بدري يا رمضان بيمشي من غير مانحس بيه
صفاء:واحده بتتسحر وتنام لحد المغرب.....ياحبيبتي إطلعي أقعدي مع رمضان شويه
نور..:يا ماما رمضان للعباده مش للقعده
صفاء..: عباده إيه دي وانتي نايمه طول اليوم
نور...:ما هو نوم الظالم عباده
صفاء:ربنا يهديكي يانور يابنتي
وجلسوا يتبادلون اﻷحاديث في أمور مختلفه
~~~~~~~~~~~~~~~~~~~~~~
دخل مروان شركته في هيبه وصرامة ذهب إلي مكتبه مباشرا وسط تحيات كل من يراه من الموظفين بعد عوته من السفر...فتح مروان مكتبه فوجد علي منهمر في عدة أعمال.....إنتبه علي لقدوم مروان
علي وهو يقف..: أهلا بالمدير الهارب عن تأديه أعماله
جلس مروان وهو يمسك جبينه بتعب
علي..:انت شكلك تعبان جيت هنا ليه
مروان وهو مازال ممسك رأسه...: أفهم من كدا إني غير مرحب بيا في الشركه                                       علي..:انا كنت أقصد إنك تستريح وبعدها تيجي علشان انت لسه جاي من السفر
مروان..:دي مش أول مره اسافر فيها يا علي
علي...:بس أول مره أشوفك تعبان كدا
مروان بشرود...:حد يكون معاه المجنونه دي وميتعبش
علي..: إستنى إستنى هي نور جت معاك في طيارتك الخاصه
مروان ببرود..: آه
علي..: آه بكل برود آه ده انت معملتهاش... معايا
مروان بخبث...: إيه مش هتكون مراتي
علي بصدمه ..:انت قلت إيه
مروان..:هتكون مراتي
علي..:انا حرفيا مش فاهم حاجه ممكن تقولي إيه إللي حصل في السفريه دي بالتفصيل
مروان بشرود..: انا نفسي مش فاهم إيه خلاني أروح عندها البيت أصلا
علي بخبث وهو يعرف بماذا يفكرا...:مش انت قولت إنك رايح شغل
مروان بحاجب مرفوع..: قصدك إيه
علي..:قصدي إيه إللي خلاك تروح لنور وانت رايح تخلص شغل زي مابتقول
مروان...:انا فعلا كنت رايح شغل معرفش حسيت إني عايز اروح فعرفت مكان بيتها وروحتلها
علي بغمزه..:والله وجالك اليوم إللي وقعت فيه ياصقر
مروان..:انا بعمل كدا علشان أحميها
علي..:طول عمرك قلبك طيب
مروان بغضب من كلام علي..:علييي خلاص كفايه كدا
علي..:تمام تمام بس انا عندي سؤال هو مين إللي خطف نور
مروان...:منعرفش بس نور قالت إن هي لما إتخطفت جه واحد شكله غريب قالها أن هي هناك بسببي
علي..:ومين الشخص ده
مروان وهو يسند ظهره إلي الخلف..:مروان إحنا لينا أعداء كتير برا وجوه مصر بس أيا كان الشخص ده هيكون ضعيف قدام الصقر ومش هيقدر يعمل لنور حاجه طول ماهي في حمايتي                              علي..:طيب ونور وافقت إزاي بعد إللي عملتوا فيها
مروان..:انا شرحت لها إن إحنا منعرفش مين إللي عمل كدا وكمان مين إللي قتل بباها ف لازم نوفر ليهم حمايه كامله
علي..:وانت إستغليت الفرصه بأن نور هتعمل أي حاجه علشان تحافظ علي عليتها وقولت تتجوزها
مروان..:الموضوع مش كدا علي قد ما هو إحساس بالمسؤليه
علي..: الله هي وصلت للإحساس بالمسؤليه....الموضوع كبير كبير
إبتسم مروان بخفه عندما تذكر تلك المجنونه
علي..: إيه ياعم رحت مني فيه
مروان...:لو عملت الحركه دي تاني إعتبر نفسك مرفود
علي..: إيه يامروان ما أنت كنت كويس في إيه
مروان..:لما تشوفني بتنيل بفكر في حاجه متفضلش  تقاطعني
علي..:حاضر ياعم براحه عليا انا هقوم أخلص الشغل إللي ورايا أحسن
مروان..:لا خلاص روح انت وانا هكمله
علي..:لا انت تعبان روح علشان ترتاح شويه وتمسك الشغل من بكره
مروان وهو يقف..:تمام وانت خد إجازه بكره....ثم تذكر شي..انت عملت إيه في موضوعك مع ليلي
علي وهو يبتسم...:عملنا خطوبه صغيره اﻹسبوع إللي فات
مروان وهو يعانق علي...:الف مبروك وربنا يتمم لك علي خير
علي بحزن..:بس انا حاسس إن ليلي عملت كدا علشان خايفه علي أهلها مني
مروان وهو يضع يده علي كتف علي..:متخفش كل حاجه هتكون احسن...وبعدين انت هتثبتلها إن انت أحسن مني علي الأقل
علي..:انت ليه بتقول كدا
مروان..:ما تشغلش بالك كل حاجه هتكون بخير......الشغل أمانه معاك النهارده
علي بمرح..:يعني انت سايبني اسبوع وإنهارده تقولي خلي بالك من الشغل يا أخي تبا لصداقتك هههههههه
ضحك مروان وخرج من المكتب وأمسك هاتفه و إتصل بشخص ما                                                 مروان...:انا عايز موضوع الشركه إللي كلمتك عنه يخلص النهارده مفهوم
................................
مروان بغضب..:مفيش حاجه إسمها وقت كثف العمل و أطلب عدد العمال إللي انت محتاجهم بس الشغل يتسلم إنهارده وكل حاجه قلتلك عليها تتنفذ بالحرف
................................
مروان...:وياريت ميكنش في أي غلط علشان انت عارف عقابي صعب