جيهان: لكن
سماح: عايني سلام وقفلت في وشي
تاني التلفون ضرب كانت المره النضفت ليها امبارح
جيهان: اهلين خالتو كيفك
---:تمام كيف انت
جيهان:الحمدلله
---: والله عندي غسيل ومكوه اذا ممكن
جيهان: ( في سرها اجي انا امس ما غسلتا ليها ) جدا بس ممكن اجيب معاي امي عشان ننتهي سريع
---: اي انا اصلانا كنت دايره اقول ليك جيبي معاك زول
جيهان: خلاص تمام يلا
جيهان: امي عاني المره الامس رسلت لي قالت لي انو دايره غسيل مكوه عشان كدا بسوقك معاي
دلال: سمح ___________________________________________________
سماح: امي والله جيهان دي تعبانه امس اتاخرت عشان كانت شغاله عشان تسجل اخوانها وانا اسي قلت ليها ادوات المدرسه حقت يارين علي
سلمى: والله يابتي صحي هي تعبانه وانت ماقصرتي كدا بتكوني وفرتي عليها الله يخليك ويديك العافيه
سماح: الله يعافيك
_________________________________________________
المهم مرا باقي اليوم وجا الصباح شربنا الشاي وجهزنا للشباب الفطور عشان مايتعبو بعدين وكلمت يارين انو لمن يجوعو ياكلو
طلعنا انا وامي وصلنا ادتنا هدوم كتيره انا غسلتا لمن فترتا قلت الهدوم دي كتيره علي امي براها
جيهان: يمه الهدوم دي كتيره عليك انا بكويهم
دلال: يابت انت ضهرك انقصى امشي اقعدي
جيهان: والله كان كويتها يبقى ماعندي احساس طيب انا بعمل جذا وانت تمي الباقي
دلال: سمح يابتي
المهم قعدت اكوي واكوي لمن خلاص فضل بسيط قلت لي امي تعالي تمي المهم تمتهم والحساب كان الفين ياخ والله فرحنا فرح
مشينا البيت والله نمنا نوم كنا تعبانين شديد صحينا اتغدينا اتصلت علي ريم
جيهان: اووو عروسنا الحلوه كيفك
ريم: الحمدلله وكيف خالتو دلال
جيهان: بخير والله
ريم: اها يلا اتصل علي باقي البنات
جيهان: يلا
بعد خلصت اتصلت علي سماح اتونسنا واتغدينا ويونس قال لي بعد دا تخريجي خلاص قرب
جيهان: الحمدلله يا اخوي ربنا يوفقك
يونس: عقبالك
جيهان: امين
يتبع...
#ايثاركمال#
