*بعد مرور شهر
طبعا يونس اتخرج وانا حبيت لي واحد والليله عازمني عشان اتعرف علي امو وكدا المهم قلت لي امي اني معزومه مشيت شديت من سماح وقشرت جاني ساقني لمن وصلنا انا جاني هبوط اتخيلو ياتو بيت بيت المره الانا نضفت ليها بيتها والله انا ما عرفت امشي وين بقيت بي جواي اقرا قران لمن دخلنا المرا اول ما شافتني اتخلعت اني انا داخله مع ولدها كيف وجيت لي
ياسين: امي دي العروس
جيهان: اهلين خالتي كيفك
عفاف: كيف اكون كويسه وانت حا تكوني مرت ولدي
ياسين: امي دا شنو انت امس قلتي نفسك تشوفيني معرس الجده شنو
عفاف: انا قلت كدا بس لمن تجي تختار ماتختار لي خدامه
جيهان: 😭 اسمعي يا خالتي انا لمن جيت نضفت ليك بيتك كنت محتاجه للقروش دي عشان اساعد امي وبعدين احسن لي اجي اشتغل ولا امشي واسرق
ياسين: انتو بقولو في شنو
عفاف: اسمع يا ياسين هنايه دي لو بقت شنو داك انت ما حاتعرسها
جيهان: عاين انا قبل فتره جيت مرتين هنا نضفت ليكم بتكم وغسلت وتاني مرا جات معاي امي كمان بس اسمعي يا خالتي انت البنت البتقولي عنها خدامه دي ماقاعده في البيت الخدامه دي دكتوره دكتوره اسنان وبكره استلم شهادتي واشتغل احسن شغل بعد الكلام دا عفاف وشها اتغير ٣٦٠ درجه وندمت انها اهانت البنت
يتبع...
#ايثاركمال#
