جيهان: امين، اها التجهيزات كيف
يونس: هو التخريج بعد شهر واحنا حا نمشي ولايه عشان نعمل تجيهزات التخريج هناك دا طبعا المدير
جيهان: واي يحليك حتخلينا برانا 😢
يونس: لالا قاعد كتير أسبوع حتى اسافر
جيهان: طيب
مشينا في الحوش عملنا قهوه شربنا واتونسا واي زول مشى سريرو
___________________________________________ الصباح 🐸
مشيت نضفت البيت وشربنا الشاي الشباب قالو دايرين شبس وبارد اتونست حبه مع امها ومشيت لبست وطلعت في الشارع لاقتني سماح كانت هي برضو قالت لي بعدين عندها لي هديه
جيهان: يابت الهديه شنو
سماح: اوووف حاتندميني علي اليوم الكلمتك فيهو لي بعدين بتعرفي (سماح بتقرا معمار و جامعتهم ١٠ دقايق من جامعت جيهان )
جيهان: اوف طيب
مشينا ركبنا المواصلات وصلنا الجامعه طلعنا المحاضره بعد انتهت اتمشينا انا و سجى اتونسنا شويه واي زول راجع علي بيتو المهم لمن كنت في شارع البيت بس يجيني ليك كلب يسكني وانا ولا كضبته عبايتي في خشمي وفكيت الجريه والله جريت جري كان قدامي دكان عم جلال بس دخلت وعملت روحي دايره اشتري وهو طلع متابع الفيلم
عم جلال: ازيك انت وين انا كنت مستنيك والله الحاجات مشو وداير تاني
جيهان: والله الايامات دي ما اظن مشغولين مع البيت لاكين لمن امي تفضى طوالي اجيبها ليك
عم جلال: لالاتمام لمن تفيقو جيبو لي
جيهان: تمام معلييش بس اديني شبسي وبارد لو الاولاد ديل رجعت ليهم من غير طلباتهم بكفتوني
عم جلال: مشاغبين ياخ اتفضلي ودا هديه
جيهان: شكرا ما بتقصر لاكين ماف داعي
عم جلال: لالا امشي يابت خلاص اديتك ليهو
جيهان: شكرا
لمن خلاص وصلت البيت جارتنا عندها دكان
يابت دلال تعالي الليله اخوانك ما رسلوك انا والله ياخالتي اشتريت من قدام هي ايوا تمام
دخلت البيت لقيتهم في الباب اها جيبتيهم
جيهان: انا لو ماجبتهم بتخلوني هاكم
كلهم جو حضنوني ومشيت اديت امي وشربت انا
يتبع...
#ايثاركمال#
سوري علي الاخطاء
