جا ليوم لموعود لحظة لغتلقى مع ولادها كانت اصوت لموسيقى مرتفعة او اضواء مختلفة فحديقة قصر لجوهري .....اطعمة بشى انواع او ضيوف من طبقة راقية....صور خادعة للمجتمع راقي كان لاهم عندها انها رجعت قيمة راسها او ذاتها.....كانت لبسة فستان لعرس لملكي بالثوب مخلمي او من دانتيل ناعم كان مستور او مزير عليها كيبين جمال جسدها لمرمري بينما شعرهاكان مجموع على شكل كعكة او كتغطيه طرحة كان فستان كلف لملايين بينما كتفت بازينة بسيطة او عقد الماسي...لعقد دارتو مع صفوان هاذي يومين بينما عذاب ضمير كيقتلتها داز على اجهاض جوج اسابيع حطت ايدها على كرشها او ذغية حيداتها منين سمعت صوت لباب كيتحل كانو ولادها اسلام او ذكرى بينما فضل زياد او سناء خت صفوان فضلو عدم حضور لعرس.....جاو كيجريو عندها او غريزة لامومة تحركت عندها حيث حتضنتهم اسلام خالتو نتي زوينة بزاف ذكرى(او هي كتصفق بايديها صغيورين ) واخير ولت عندي ام زوينة طبعت قبل حنونة على اوجههم لبريئة... اسيل- كنبغيكم تحل لباب او بانو جوج خدامات وحداة عاونتها باش تهز لكسوة بينما لوخرا خدات لولاد هبطو من دروج او ابتسامة متعجرفة على وجه جنات او اسيل...معرفتش على قلبها مقبوط عليها او اطرافها باردة بحال مشللة...صفوان كان كيشوف فاسيل عروستو لفاتنة....او شد ايدها او بدا لعزف لموسيقى باش بيتقدم كل ثنائي لساحة رقصة كانت اسيل حاطة راسها على صدر صفوان ...كانو كيتميلو بجوج او كلشي مبهرو بهذ ثنائي لجميل بينما كان صفوان كيهمس حدا وذنيها بالكلمات لحب صفوان جيتي زوينة بزاف.....بتسمت اسيل بدلال او كملو رقصة .....من بعد دقائق مشى يجلسو مع ضياف ...كانت كتبتسم بزز ....شوية تحل باب لقصر او هي تصدم اسيل من بان ليها غيث باطلالتو لوسيمة مع واحد شققراء فاتنة بدا كيتجاوز لحشد او لبنت معلقة فذراعو او كلشي كيشوف فهذ لكوبل لمبهر غيث (بالممكر ) مبروك عليك اصاحبي راه خديتي زين صفوان الله يبارك فيك اخويا اسيل قلبها كيضرب كانت عارفة بلي هذ ليلة ما غدوزش بخير مشى غيث لمنصة او فعينيه حقد كبير لحظتو غير اسيل...وقف لاغناني او شد لميكروفون غيث(بالخبث) بالمناسبة هذ ليلة سعيدة لاعز اشخاص على قلبي ....اسيل او صفوان او بتاكيد ليلة ما تقدرش تدوز بل مفاجات(لسان اسيل تلجمت او تصدمت من نوايا ديالو) مفاجاة زوينة او خاصة لصفوان او ضيوف لاعزاء....واش نت عارف مراتك مزيان اسي صفوان ليوم غتعرف حقيقتها او حقيقتك حتى نت او حقيقة هذ ناس لمزيفين....هذيك لحداك هي زوجتك سابقة جنات او بالمعنى اخر ندى لجوهري ام ولادك....لحرقتيها فالغابة قبل عامين فدارك لي فجبل او انا عاونتها بالطيبة قلبي او صنعت صورتها رائعة لفاتنة لذغية طحتي فيها ما قدرتش نشوفها او وجهها مشوه...طوال عامين زرعت فعقلها افكار اجرمية باش تنتقم منكاو ترجع ولادها او تنتقم على كاع داكشي لدرتي فيهااو كيما كنشوف تقريبا راه وصلت ليه ولكن ما قدرتش لكلشي ولكن انا مخليتهاش تكمل مخططها عارف علاش حيث طعنتني اصفوان فظهري او قتلت ولدي لكان نتيجة ليلة حبنا ...اما بالنسبة ليك غتندم على اغتصابك لختي احيون ******** او مابين صدمة صفوان او دموع اسيل او شهقات ضيوف مستنكره كان صفوان كيشوف فوجهها ...طلق غيث رصاصة نارية فالهوا ..غيث- كيما حرمتني من ولدي ااجنات حتى انا غنحرمك سعادتك مغنخليكش تعيشي او قبل ما تفهم اش كيقصد طلق بالمهارة رصاصتين نارتين من مسدسو لفضي لتوجهو مباشرة لجسد سيل لتراجع جسدها عدة خطوات او قلبها بدا كيدق بشوية او برودة قاسية بدات كتجتاح جسدها او طاحت فالارض بينما تنثرت قطرات من دم على فستانها او بينما سبحت فبحيرة دمها او عينيها بداو كيتسدو بينما قلبها بدا كيدق بالسرعة رهيبة بينما عينها بداو كيتغمضو ....او فظل صدمة ضيوف او صفوان ...وجه 2 رصاصات لراس صفوان او هو كيبتسم بالمكر او قبل ما يفيق بيه صفوان كانو رصاصات ستقرو فراسو او قبل ما يوصلو لحراس ليه كان حط لمسدس على راسو او خوا مسدس كلو فراسو ...طاح لارض او هو كيبتسم غيث(بالضعف) انا جاي عندك احبيبة...هذي هي نهاية لعشاق...كنبغيك ااسيل(او تغمضو عينيه ليذهب لعالم احلام ابدي) ------------------- مرات كثيرة كنختارو لانتقام ملجئ لارواحنا لجريحة .........كتكون عندنا رغبات كثيرة او احلام ولكن سلكت طرق خاطئة مكتوصلش.........حلمي كان اني رجع ولادي...لكني خسرت راسي فحرب عرفت غنكون خاسرة فيها ... ي....انتقام طريقو مظلمة بزاف اواصعب ان نتبعو اهواءنا او ارواحنا شريرة يمكن كانت نيتي مزيانة لكن طريقي كانت مظلمة او كلها عامرة بالشوك لقررت نحارب بيه اعدائي او ما كان غير شوك لجرحت بيه راسي او دمرتو .النهاية
