كانت كتشوف فشركة فجمال بنائها ...شركة لكانت لراجلها او معمرها دخلتها او عمرها حلمت ذخل ليها هذا كيرجع لصفوان لكان كيمنعها بسبب عقد تلفهة او ثاني سبب كان انها كانت كتعرف غير لغة لعربية او شوية ديال لانجليزية خافت تحرج ...انها مرات مدير شركة ولكن هي امية....اه... امية حيث منين تزوجت بصفوان منعها من لقراية ..للهذا ما قدرتش تخذم بسبب غيرتو لخرجت عليه او عليها بالخصوص....حيث كيما كتشوف شركة صفوان من اشهر شركات كما ان ثروة تضعفت ...او هذا مزيان حيث بغات قبل ماتاخذ كلشي بغاتو يكون هو هذاك يكون وصل لاوج نجاح ديالو باش توجعو ضربة...... حدا منها كلشي حياتها او شبابها او ولادها او حتى حقها انها تكون مرا متعلمة ولكن كلشي كان داز...دابا هي اسيل لمتعلمة ...لعندها 4 ديال لغات او عندها دبلوم فالاقتصاد ....جنات لكانت ظل محروم انه يبان قدام ناس خوف من صفوان.من.احراج..وضعف...اسيل جات باش ترجع لكرامة لمهدورة ليها او لجنات... يمكن ما كيتشبهوش ولكن روحهم وحداة ...عندهم نفس ذاكرة او لاحاسيس ولكن كل وحداة او عقلها...جنات غبية خوافة...ضعيفة...اسيل قوية...قارية...واعية ...غتقدر ديري كلشي لمدرتوش جنات ..------------ كنت كنشوف فالمرايا ديالي او انا كنقد لعكر ...كنت كنشوف فكسوتي لكحلة لفايتة ركبتي بالاكمام او لكتبان محترمة او فنفس لوقت انيقة او بينت مفاتن ديالي ...لعطتني واحد لهالة من من لغموض...مع مكياب ديالي صارخ جرئ او انيق.. او شعرها لخلتو مطلوق بالحرية عطها منظر مثير..بقات كتسنى او شافت فساعة لققات 4 ...ساعتين او هي كتسنى...مشات عند موظفة لاستقبال اسيل(بصوتها مثيراو هادئ) : انسة...انا هي سكرتيرة جديدة ...لعيطتو عليا...واش مغيجيش صفوان...زعما سي صفوان موظفة لاستقبال (بصوت كل غضب او نقمة على اسيل حيث جاتها لغيرة منها) :محال اانسة اسيل ...انه يجي..رجعي حتى لغذا اسيل(بالغضب مصطنع) : هذ=( شي ماشي معقول انا جاية من رباط او معذبة حتى لمراكش...باش تقولي ليا ماجاش موظفة لاستقبال (ببرود) : هذ شي لكاين...ما عندي ما ندير ليك...رجعي غذا اسيل(بالعصبية او صوتها بدا كيرتفع) : كيفاش او بهذ لبرودة ...او علاش شكون يكون هذ صفوان باش ما يجيش ..او تهضري معايا هذ شايطة بهذ طريقة...انا شركات لكيتخطفو عليا...جاية معذبة راسي او مضيعة وقتي موظفة لاستقبال (بالخوف) : عفاك سيري...سي صفوان حمدي الله ما كاينش اما كون قطع لسانك...او اصلا راه كاين صاحبو او هو (شوية تقطع صوت لبنت...بقات اسيل كتشوف فيها باستغراب) حسات اسيل بشي واحد موراها او قبل مدور حسات بايد كتعتصر خصرها او كدورها لور حتى تقبلت مع صدر فولاذي....منين رفعت راسها لقات مراد...اه هي كتعرفو ...شريك صفوان فكلشي ...يدو ليمنى او صديقو ..كيعاونو فصفقاتو او حتى جرائم...او حتى فالفساد ديالو ...اه...ماشي هو لكيقبل على لبنات لغيدوز مع صفوان ليالي حمراء..ليالي كلها فسوق او فجور ...عغند هذ نقطة بتلعت ريقها...مع انها ما كانتش كتبغية ولكن خيانة ديالو كانت كتالمها طلعت راسها او لقات مراد كيتفحصها بالنظراتو لجائعة لكتجردها من حوايجها ...نظرات كتجيب ليها تقزز ..كتفكرها بصفوان مراد(بالمكر او هو مقرب من وجه اسيل) : اشي كاين اانسة فاش نقدر نعاونك اسيل (بالنبرة صوت منخفضة اكثر اثارة او غموض ) : جيت بغيت ندير لقاء عمل ...حتى لقيت (بالسخرية) سيادة سي صفوان ما كاينش ....(بالدلع) هذشي ما كيبكيش اسي مراد لتمعت عينين مراد بالبريق خاص حيث عارف هذ لانثى ماشي عادية ماشي على قبل جمالها ...نبرة صوتها ...نظراتها لكلها قوة ...صلابة او دهاء...او عندها سحر خاص كياسر اي راجل...متاكد لو شافها صفوان غيديها دوز معاه شي ليلة حيث جميع سكرتيرات ديالو دوزو معاه ليلة حمراء ولكن كيظن ان هذي غتكون استثناء او خصوص من لعنفوان او ثقة لكاينة فصوتها مراد(بالخبث) : كتعرفني ..اانسة اسيل ....هذا شرف ليا اسيل (او هي كتشوف فيه بالنظرات كلهم حقد) : او شكون ميعرفش سي مراد توام روح سي صفوان او صديقو لمقرباو (او قبل ماتكمل هضرتها جراتها ايد من ذراعها بالقوة تلشت باقي كلماتها او هي كتلفت او لقتو قدامها كلشي لكلمات مشاو بقات كتشوف فيه بالصدمة...واخيرااا جا لقاء لموعود)
