اسيل (بالصدمة) : اش كتقول احمزة وقيلة تسطتي قرب منها او على وجهو ابتسامة جذابة زيدي نكري .....انا وقعت ليا اعاقة فرجليا ماشي فعقلي ...ذاكرة بقى قوية اسيل (او هي كتفكر فشي كذبة) :سميتي اسيل اسي حمزة ...عارفة باقي قلبك مجروح حيث فقدتي مدام جنات او شبهت ليك كنعذرك حمزة (بالمكر) :من حق تقولي عليا مسطي ولكن انا عارف بلي جنات انسانة فضولية ما كتخافش تبين احاسيسها او عواطفها او دموعها ...اسيل قلبها كبير او كتبغي ولادها ....مغنسولكش كيفاش حتى تبدل وجهك ولكن عندي سؤال واحد شكون عاونك ياربي منين كيجيب هذ ثقة او عناد اسيل (الغضب او هي كتنوض) : عفااك خرج ليا حمزة (بتسم بالخبث عارف كيفاش غيجذب ليها لسانها..مع كل هذ لقوة او ذكاء ضروري ما تغلط) : او اانسة اسيل ...ما بقيتش رضتي بيا حيث وليت معاق ...خفتي ليقول عندها صديق معاق اوك لبغتي ...انا كنقدرك او غنخرج من حياتك ولكن غنقول ولو حاولت تنكري لحقيقة ما غتبدلش اسيل بقات كتسمع ليه او شعور بالذنب كيتزاد ما بقاتش قادرة عينيها حمارو لا هذشي بزاف دارت عندو اسيل او هي تقرب منو او تحنت لعندو او شدات فايدو اسيل (او دموع فعينيها) : اسيل عمرها نسات لخير ...عمرها تنسى صديقها ...عمرها تعض لايد لتمدت ليها او عمرها غتحشم منك او لو كانت ضربة جات فيا او رجعت انا لي مشلولة او منعيش فهذ لعذاب ولادي من جهة او نت من جهة خرا ....(كتنخصص) جنات عمرها نسات وعودها او لوفاء ديالها او حبها حمزة(بتسم بالحنان فوجهها او حط ايدو على فمها) :ما تزيدي حتى كلمة عارف كلشي او عارف ظروف لبعدتك عليا...نتي جنات ولو حاولت تمثلي بلي نتي اسيل اسيل تلحت على صدر اسيل (بالقسوة) : كنكره صفوان ...لوصلني لهذ لحالة او لوصلك لديك لحالة....متخيلش شحال عنيت فهذ لعامين ...هذ لوجه مزيف احمزة ...انا بقى جنات ظريفة لقلبها لكبير ...مع ان هذ لوجه داير بحال عارضات ولكن انا غير هذ لوجه لمغرور زوين لغيجدب ناس لاعلاقة ليه بشخصيتي ....حاولت نولي قاسية ولكن صعيبة لانسانة لكاينة فالداخل ديالي ما تقبلتش هذ شي كامل حمزة(او هو كيدوز على شعرها) :جنات غخلينا نمشيو امريكا ديري عمية تجميل وجهك باش يرجع كيما كان او نتزوجو او من بعدها نرجعو ناخذو ولادك اسيل بعدت منو بشوية او حاولت ترسم على ملامحها لجدية اسيل : اولا سميتي اسيل ...او هاذي معركتي مع صفوان خاصني نرجع كرامتي او اعتباري او ثانيا بغيتك تنساني او ثالثا ما بغيتش ناذيك واخيرا عمرني غنبدل هذ لوجه هذا هو مكتوبي حمزة(او هو شاد فايديها) : مستحيل مورا مالقيتك معمرني نتفرق معاك اسيل(بالسخرية) : ولكن انا ما بقيتش بغيتك معايا عفاك بعد مني حمزة (بالغضب) : ماشي بهذ لبساطة تقدري تخرجني من حياتك اسيل(بالغضب) : نساني عفاك راه عندي الف قضية فراسي من غيرك نت اعز حاجة عندي اه ما غنكرش ...ولكن شوف بسببي لفين وصلتي ...عطني تيساع ....باش نكون فرحانة ...نت الف وحداة تمناك حمزة ولكن انا بغيتك غير نتي اسيل (دمعو عينيها) :تبدلو لاماني احمزة او تبدلت حتى انا ... انا ما نصلحش ليك حمزة (تحرك بالكرسي ديالو) :هاذي اخر هضرة عندك اسيل : ما جاوبتش حمزة : خاصك تعرفي بلي انا كنبغيك او لا عدم وجودي فحياتك غيخليك سعيدة غنمشي ...مجرد انك بقى عايشة هذ سبب عطني امل فالحياة منين خرج حمزة نفجرت اسيل بالبكا او شدات قلبها ولكن انا بغيتك معايا ...حنا بجوج كنبغيوك ولكن هذشي مزيان ليهم لحرب غتكون طويلة او هي مابغاتوش يتاذى كثر
