احببتك سرا

البارت الرابـع

لقد أيقنت ان الحياة ليست مُنصفه ..حين اتضح لي انك لا يمكن ان تكون أكثر من حلم .

ـــــــــــــــــــــــــــــــــــــــــــــــــــــــــــــــ
نور: ما احس غير بابا  لزمني من شعري وضربني راشدي گدام الكل بحيث انصدمت باوعت ع بابا بنضره
مليانه كلهاا حزن

بابا: لج اني هيج ربيتج ترفعين صوتج على عمتج هاا
اني اعلمج بس خلي نوصل للبيت اعتذري من عمتج بسرعه

نور:ــــــــــــــــ
بابا:كلتلج اعتذري
نور:اسفه عمه

نور: اباوع على عمتي شلون تضحك وانوب كلهاا شافت بابا ضربني وچان تجي عيني على جراح شلون يباوع عليه شكد حسيت نفسي ماعندي كرامه

بابا: يله بسرعه كدامي على البيت
نور: باوعيت على الكل وباوعت ع بابا وكتلهم اني
اكرهكم كلكم

عمتي ام جراح: صلوو على النبي
نور: رحت لغرفت عمتي المتوفي زوجهاا لكيتهاا بالغرفه وهيه خطيه كامت تهدي بيه ودكلي ميخالف وبعد لا
   تردين عليهن اذا سمعنج حجايه

بعد تقريباا ساعه اجت ماما
ماما:يله نور خلي نروح ابوج منتظرنا
نورر:ما اروح لو شنو يصير
ماما:لج ابوج صاير نار امشي خل انولي لو جسمج يحكج تريدين واحد يضربج
نور:😭😭😭انتم كلكم اتكرهوني واني ما اروح وي بابا ايسر ياخذني لو احمد
ماما:ماشي بنتي راح اكل لخوانج

نور:ماما راحت وبقيت انتظرهاا اجاا ابن عمتي اصغير
گلي نور يردوج احمد يكول خل تجي علمود يوصلج
نور:ماشي حبيبي وين احمد الطفل:يم سيارته بالشارع
نور:اوك
نور:رتبت نفسي وطلعت وهستوني اريد اطلع من الغرفه ونطخيت ب شخص رفعت راسي جراح،،

جراح:من بعد الي صار كلش انقهرت على نورر الصراحهواني هم عصبت على نور شلون هيج تحجي وي عمتي مهما كانت المشكله الي بيهنم لازم تحترم الاكبر منهاا....دخلت للبيت وصارت بوجهي نورر  وصفنت بوجهاا عيونهاا منتفخه من البجي وخشمهاا احمر ودي اضمهاا بحضني واكللها اني وياج بس لا اني مو جراح الي يذل نفسه

نور:نطخيت بجراح اشو بقى بس يباوع ع وجهي باوعيتله وكانما عيونه يحجن كلشي قهر على حزن على حب ما اعرف اول مره انجذب لعيونه واصفن بيهن حسيت بشعور ما اعرف اوصفه
جراح: اخوج منتظرج بره
نور:جاي يمشي جراح جان اجي واصير كدامه
جراح:خير
نور:جراح اني اعتذر واسفه ع الكلام الي كلته الك يوم چنت حاله من المدرسه
جراح:عادي
نور:اشو كالي عادي وطيزني ومشه شكد مغرور وشايف نفسه
نور:رحت شفت احمد واكف وي عماد ابن عمي وحسن ويسولف شافاني واجه عليه
احمد:هاا حبيبي انروح
نور: اي
ركبنا بالسياره وكام يمشي بيهاا وصلنا للبيت وگبل صعدت بغرفتي ونمت

صال اسبوع بابا ما يحجي وياي واني همين
ماما:ولج كومي اعتذري من ابوج
نور:بس هو الغلطان مو اني يمد ايده عليه علمود اخته الحيه
ماما ولج عيب يا عيني لا تحجين هيج وبعدين انتي الغلطانه يعني الا اتجاوبين عمتج يله ترتاحين
نور:زين بابا وين
ماما:بالصاله كومي بوسي راسه واعتذري
نور:رحت للصاله ولكيت اهلي مجتمعين كلهم ويسولفون وضحك واسمع صوت مو غريب عليه رحت شفت منو طلع جراح
ابو ايسر:من بعد الي صار بيت ابو ابراهيم ضربت بنتي نور ولي اول مره اضربهاا واني اعرف بنتي ما تطول لسانهاا الا اذا واحد اتجاوز او غلط عليهاا اسبوع واني احس بندم لان ضربت بنتي اسبوع ما شايف نور
ابو ايسر:اجانه جراح وكام يسولف على ايام قبل وملتمين اني ولدي ونضحك ما احس غير وحده تمد راسهاا وترجع
نور:بابا شافاني وتخبيت
بابا:نور تعالي بابا
نور:بابا يصيحلي يعني مسامحني
بابا:نور مو احاجيج
نور:رحت ركض شبكت بابا واعتذرت منه كدام الموجودين وابوس بي
بابا: ههههههه ولج كافي
نور: بابا: اني احبك واموت عليك وبعد ما ازعلك وبعد راح اتجنب عمتي سميره وعلياء
بابا: خوش بنتي وصيري حبابه واحترمي الاكبر منج
نور: اوك بابا
انتبهت ع جراح بس يباوع
نور: شلونك جراح
جراح: الحمدلله يا بنت العم
نور: ــــــــــــ
ماما: يله بنات كومن جهزن العشه اليوم جراح عدنه يتعشه
نور وزينب؛ حاضر ماما وكمنا نحضر العشه
جراح: من بعد المشكله الي صارت طبعاا اسبوع بين عمي ابو ايسر ما يجونه ف كلت اروح اشوفهم
استقبلوني وكمنا نضحك ونسولف وانتبهنا لعمي يصير ع نور ونور اخ يانور اجت تركض وحضنت ابوهاا وتبوس بي انوب كدامنا ودكله اسفه واعتذر المهم اني بقيت صافن ع ملامحهاا طفوليه وتجنن تجذب الواحد اله
جراح: عشه العافيه ان شاءالله
بابا: ابني اشو ما اكلت
جراح: لا والله عمي اكلت  وعاشت اديكم
جراح كمت غسلت وانطخ بشخص
نور:رحت للمطبخ ونطخيت بشخص باوعيتله انت شبيك ما تشوف
جراح:انتي بيج شي بعقلج
نور: شقصدك اني مجنونه
جراح:همزين وفهمتي خليت وعفتهاا
نور:الحقير اني اعلمك بسيطه صفنت ع مشيته ياربي ليش يجيني احساس غريب لمن اشوفه بس لا احبـــــــــ
نور:ضربت عقلي وكلت لا مستحيل مستحيل
ـــــــــــــــــــــــــــــــــــــــــــــــــــــــــــــــ

هناا راح ندخل للاحداث الجديده الي  حتصير وي نور انتظروني