احببتك سرا

الـبارت السادس

شَحچيلڪُم ؟.
مَرات ﭑحِس عيني ﭑنطفَت مـטּ ڪثر مَ باچيلڪم . .

،،،،،،،،،،،،،،،،،،،،،،،،،،،،،،،،،،،،،،،،،،،،،،،،
،،،،،،،،،،،،،،،،،،،،،،،،،،،،،،،،،،،،،،،،،،،،،،،،
ايسر: وصلت للمستشفى ونور وياي
نور: ماحس غير ايسر يكول نور نور وصلنا للمستشفى ودخلنه وكمنه نسٱل ـ
نور: شفت جراح ورحت ركضت علي وابجي ولزمت ايده
نور: جراح بابا وماما زينين ما بيهم شي فدووه رجعلي بابا وماما وابجي جراح ليش متحجي بابا وماما زينين التفتت لايسر ورحت لزمته من ايده
نور: ايسر حاجي جراح ليش ما يجاوبني
جراح: البقيه بحياتكم والله الي يصبركم
نور: يعني شنو بابا وماما ماتو هاا ورحت هجمت على جراح وكمت اضرب بي لحد ما اغمى عليه
ايسر: ظهري انكسر ما گال اهلك ماتو هناا فصلت على العالم ما احس غير طلعت من المستشفى واحمد اجه ركض عليه ويحاجيني واني بس اباوع علي وركبت سيارتي ومشيت

احمد: جنت بغرفتي واسمع امي تصيحلي رحتلهاا
ماما: احمد روح جيب مسواك حتى اسوي الغده
احمد: شنو اجيب غده اكتبيلي ورقه وقلم علمود ما انسى
ماما: ياا ليش تنسى اخاف حابلك وحده هههههه
احمد: ييمه ودنكت خجلت
اسمع بابا يكول والله وكبرت يا احمد باجر اتروح امك وشوف البنيه الي تريدهاا
احمد: صدك بابا يعني راح اتزوجوني
ماماوبابا: ههههههه
ماما: اي يمه وان شاءالله افرح بيكم انت وخوتك
احمد: انطيني الورقه اجيب المسواك 😅
بابا:مو تتاخر علمود انروح اني وياك للمحل
احمد:والضحكه تارسه حلكي وكلت لابويه حاضر ما اتاخر
ـــــــــــــــــــــــــ
احمد:رجعت للبيت وبيدي المسواك وفرحان
واسمع واحد يكول احمد اهلك جوه بالبيت وبيتكم احترك
هنا متت بطولي ورحت دخلت للبيت والبيت عباره عن دخان واصيح يمه وينج بويه حاجوني واصيح لحد ما سمعت صوت ماما ودكول ديربالك على نور وزينب
احمد:يمه وينج حاجيني بهل لحظه دخل الاطفاء وطلعوني من البيت
وشويه وطلعو امي وابويه وكبل للمستشفى

ــــــــــــــــ
جراح؛من بعد الي صار اتوفى عمي وعمتي وجانت صدمه كلش جبيره اليه لان اني احبهم واعزهم لان ناس طيبين ومسالمين ويتمنون الخير للكل
جراح:رحت شفت نور وشخصت حالتهاا صاير عدها انهيار عصبي تقريباا صارت الساعه ٢م ورحت اخذت نور ورجعناا للبيت طبعاا لگيت بيتنا هوسه ونسوان هوايه والدنيه مكلوبه شلت نور وصعدت للغرفن مالتي وخليتهاا على السرير وبست راسهاا
دخلت للحمام اخذت شور ولبست دشتداشتي وطلعت من الغرفه

ـــــــــــــــــــــــــ
نور:فزيت من النوم وفرحانه لان كله طلع حلم
رجعت للواقع اني وين وهاي مو غرفتي كمت من السرير ورحت فتحت الباب ونزلت ولكيت بيت عمي مكلوب كلاب بس نسوان ولابسات اسود وبيهن الي يبجي والي تصرخ والي شاكه ثوبهاا نزلت اول خطوه وكلهاا النسوان كامت اتباوع عليه وتبجي،،
نور:لگيت مرت عمي (ام جراح) رحتلهاا وكتلهاا عمه شكو ليش يبجن النسوان وبابا وماما وين باوعت علي وبلحظتهاا اتذكرت جنت بالمستشفى ونعاد عليه المشهد ووبجيت وملخت نفسي وعمتي لازمتني ورحت للشارع وصيح ولج ماما وينج بابا حاجيني فقدت كلش وحس واحد لزمني وغطاني بالعبايه ودخلني جوه واني حاظنته وابجي واشكيله واكله ماما راح ترجع ما تعوفني هيه كالتلي وبابا كالي بس تنجحين من السادس اجيبلج مفاجئه هم هيج كالولي عفيه رجعهم الي وهو يمس بيده على شعري ويقره ايات قران عليه وبعدهاا كام يحجي يكول

جراح: چنت واكف وي ابوي نستقبل الناس التجي تعزينه واسمع صوت هذا الصوت مو غريب رحت اشوف شصاير ولكيت نور ملخه نفسهاا وملابسهاامشككه ورحت ركض عليها وصحت لامي تنطيني عبايتهاا علمود استرهاا وبعدهاا دخليتهاا جوه ورحت للغرفه مالتي وگتلهاا نور اريدج اصيرين قويه وسباعيه واكيد امج وابوج اذا شافوج بهل منظر ماراح يرتاحون لان يشوفون بنتهم هيج اتسوي بحالهاا وبعدين احنه كلنا على هذا الطريق وهم اكيد ارتاحه يم ربهم وهو ارحم الراحمين

جراح:اتريديننهم يفرحون
نور:اي
جراح:اتوضي وقريلهم قران وصليلهم واكيد هم يشوفونج ويدعولج..
نور:ـــــــــ
جراح:بست راسهاا ورحت بره يم الزلم
نور: من ما بعد حجى وياي جراح حسيت هدأت ورحت اتوضيت وكمت اقره قران وهدي الهم

,،،،،،،،,،،،،،،،،،،،،,،،،،،،،،،،،,
هنا عماتي كلش دغيرن كامن يكعدن وياي ويسولفن ويجبلي الاكل وكلش فرحت بهل التغير وسأل نفسي اكول شعجب
وزيتب اختي ابد ما تركتني وياي ودائما ادكلي انت بقيتي الذكره الوحيده من امي وتبجي وتحضني
،،،،،،،،
بعد مرور اربعين يوم رحنه للزياره وزرت امي وابوي وشبعت بجي اتذكر قبل لما جان بابا يكول لماما

بابا:احمدالله لان انطاني مره مثلج يا ام ايسر
ماما:واني احمدالله لان انطاني رجال مثلك يحبني واحبه
نور:هلله هلله تره احنه حدايق
بابا:هههعه
احمد:بابا صدك انت تحب ماما
بابا:ولك شلون ما احبهاا وهيه جايبتلي ورود مثلكم
نور:الله يخليكم لبعض ويسعدكم
ماما:امين
احمد:يمه هسه ابويه يتزوج عليج وتفترقون هههه
بابا احنه محد يفرقنا غير الموت
ـــــــــــــــــــــــ
ايسر:بعد الي حصل وهلي ماتو ما مصدك لهل لحظه
كرهت العالم وابتعدت على الجميع بحيث يتصلون عليه وما اجاوبهم
اخواتي ما اعرف شصار بحالهن موبايل يدك رحت شفت الاسم لكيته احمد يمكن فوك السبعين مره يتصل عليه وما اجاوبه
ايسر:نعم
احمد: لك ايسر صدك تحجي اتصل عليك ما ادكول عندي اخون اريد اشوفهم احجي وياهم لك ليش تدري شصار بحالي ولك اريد واحد يكعد وياه اشكيله ادور عليك وانت ماكو انت غير اخونه الجبير غير بمكان ابويه الله يرحمه ابوي مات وانت بتعدد احنه هيج عله عليك وقفلت الخط
ايسر: اسمع حجي احمد ونوب قفل الخط

ـــــــــــــــــــــــــــــ
نور بعد فتره قررت ارجع للمدرسه واحقق حلمي وحلم اهلي لان دائما يكلولي الشهاده تفيدج
رحت اتصلت ع احمد
نور:احمد وين ايسر وليش ميجاوب على اتصالاتي
احمد:ما اعرف بي وين مختفي شتردين منه
نور:علمود المدرسه
احمد:بلكي بليل ويجي لبيت عمي وتشوفي
نور: ديربالك على نفسك باي
احمد: وانتي همين

نور : قفلت الخط وما احس غير الموبايل وكع بالكاع والتفتت ولگيت ـــــــــــــــــــ