TORN PETALS [GL] ✔️

Part 3

"ටීචර් අම්මි මේ ඉස්කොලෙ උගන්නන කාලෙ වැඩිපුරම හිටියෙ කොහොද?"

"හ්ම්... මම හිතන්නෙ සයන්ස් ලැබ් එකේ."

"අර අතන පේන එකද?

"ඔව් දූ..."

"ඇයි ඒ ජනෙල් වීදුරු අඳුරු පාට?"

"ලැබ් එකේ එක එක කෙමිකල්ස් තියලා තියනවානේ. ඉර එළියත් එක්ක සමහර කෙමිකල්ස් ප්‍රතික්‍රියා කරන්න පුළුවන්. ඒකයි."

" ඕහ්... හරි හරි"

එය මට හුරුපුරුදු පිළිතුරක් නොවීය.

"එහෙම වෙන්නෙ කොහොමද මිස්?"

" සමහර රසායනික ද්‍රව්‍ය වලට පුළුවන් සූර්යාලෝකයේ තියන ශක්තිය අරගෙන තවත් සංයෝග වලට කැඩෙන්න. නැත්නම් වාතයේ තියන ඔක්සිජන්, නයිට්‍රජන් එක්ක ප්‍රතික්‍රියා කරන්න."

" එහෙනම් මිස් මේ සිවිලිමේ ලයිට්ස් දාලා තියන එකත් වැරදියිනේ. ඒවාගෙනුත් ආලෝක ශක්තියක් පිට කරනවානෙ"

"ඇත්ත ආලෝක ශක්තිය පිට කරනවා තමයි. ඒත් සූර්යයාලොකයේ තරම් ශක්තියක් පිට කරන්නෙ නැහැ. ඒ හින්දා ප්‍රශ්නයක් වෙන්නෙ නැහැ"

"ඒ කිව්වෙ මිස් ?"

"ඕනෙම ප්‍රතික්‍රියාවක් ස්වයංසිද්ධ සිදු වෙන්න ආරම්භක ශක්තියක් ඕනෙ. ඉතින් ඉර එළියට පුළුවන් වුනාට ලයිට් එලියට බෑ ඒ ප්‍රතික්‍රියාවට අවශ්‍ය තරම් ආරම්භක ශක්තියක් සපයන්න."

ඈ කිසිදා ලබා දුන් පිළිතුරක් එකවර පිළිගන්නා තැනැත්තියක් වූයේ නැත. ඇගේ අරමුණ වූයේ සිතේ තිබූ කුතුහලය සංසිදවා ගැනිම වුවත් බොහෝ දෙනා සිතුවේ ඇයට අවශ්‍ය අන් අය අපහසුතාවයට හෝ වෙහෙසට පත් කිරීමට බවයි.

සමහර දින වල ඈ ඇසු ප්‍රශ්න වලට පිළිතුරු සෙවීමට අන්තර්ජාලයේ පැය ගණන් සැරිසැරිමට හෝ කිලෝ 2-3 බරැති පරිශීලක ග්‍රන්ත පුස්තකාලයේ සිට ගෙදර රැගෙන යාමට සිදුවිය. එය මට සතුටක් විනා කිසිදු දිනක වෙහෙසකර කටයුත්තක් නොවූයේ ඇයි දැයි මා මගෙන්ම බොහෝ විට විමසා ඇත.