نِبّـضًـ قَلَبّـيّ🦋

#البارت الثالث عشر 🦋

وإني أفرُّ إليكَ كُلما ألممتُ بِذنبٍ، أُناجيكَ أنْ يا ربُّ أبعِد عني وَحشتهُ وقسوتهُ التي جالتْ بِفؤادي فأهلكَته؛ فتُلهِمني الإستِغفار، فأستغفِر، فيدلفُ النور إلى قلبي. 💜

اللهم ربَنا آتنا في الدُنيا حسنة وفي الآخرة حسنة وقنا عذاب النَار.
صلوا على الحبيب المصطفى صلى الله عليه 💙

_________________

وصلت الفتيات أمام منزل اميره بعدما أرسلت لهم العنوان ،ونزلوا من السياره .
رقيه: هتيجي تاخدنا اشطا .
اسلام: حاضر يا برنس ، عاوزين حاجه .
امنيه: لاء نرضهالك في الافراح .
اسلام: هههه ماشي يلا اطلعوا .
رقيه :انت هتفضل واقف .
اسلام: لاء هستناكم لما تطلعوا فوق وامشي اروح اي كافيه لغايه متخلصوا.
امنيه: بس احنا هنطول روح البيت .
اسلام: مش عاوز اروح هروح امشي شويه لما تخلصوا ابقو رن عليا .
فاقتربت منه رقيه قائله :مالك في ايه .
اسلام :مفيش بس زهقان شويه .
رقيه :ماشي لما نرجع نبقي نشوف .
اسلام: ماشي .
ريم :يلا بقي منك ليها هنفضل واقفين .
رقيه :سلام .
اسلام :سلام .

وذهب اسلام متجها الي كافيه بالقرب من منزل اميره .
ودلفت الفتيات الي داخل العماره التي كانت تتكون من شقتين امام بعضهم والشقتين ملك لمحمد فرنت امنيه الجرس ،ففتحت لهم اميره الباب بإبتسامه.
اميره بفرحه: اهلا اهلا بالحبايب، اتفضلوا .
امنيه: لاء دا الضحكه منوره اهي .
ريم :ههه اكيد يابت دا العشق .
رقيه: طب حفلوا جوه مش علي الباب .
اميره: اسمعوا كلام العاقله .
فدلفو الي الداخل ،
امنيه :والله انتم واخدين في البت دي مقلب جامد اوي .
رقيه: انا .
ريم: لاء امي دي سهونه يابت .
رقيه: مرسي يا زميلي.
فجاءت امها من الداخل مرحبا بهم:اهلا وسهلا نورتم البيت يا بنات والله .
ريم: بنورك يا طنط .
وبدأت اميره بتعريفها علي أسمائهم.
اميره:ودي بقي رقيه الي بقولك ان فيها شبه مني كبير .
الام ا:يوه فعلا في شبه ، يخلق من الشبه اربعين فعلا .
اميره: ههه ايوه انا صدقت في المثل ده .
الام :بس بسم الله مشاء الله عسلات ، والله أحلي من وصفك يا اميره .
رقيه: مرسي يا طنط والله .
الام :طب خديهم يا اميره اوضتك لما أجيبلهم حاجه يشربوها.
اميره: ماشي يا ماما ،يلا يا بنات.
ودلفوا الي الغرفه وكانت جميله بألوانها الهاديه فكانت باللونين الابيض و البنفسجي، وكان يوجد علي الحائط صور لاميره من وهي صغيره ولكن من سن الخامسة فقط .
رقيه: أوضتك حلوه اوي يا ميرو .
اميره: شكرا .
ريم: صورك دي .
امنيه: اكيد يا غبيه .
اميره: ههه ايوه .
رقيه :مشاء الله عسوله من وانتي صغيره .
فدق الباب فأذنت اميره بالدخول ، فقدمت لهم المشروبات الغازية والحلويات .
ريم :مكنش ليه لزوم والله يا طنط.
الام :ازاي دا انتم اول زياره لينا ، ويلا عشان تتغدوا .
امنيه :والله لسه واكلين قبل ما نيجي.
الام :براحتكم يا حبايبي .
رقيه :متجيبلنا صور لاميره وهي بيبي يا طنط .
الام بارتباك : ههااه معندناش والله .
رقيه: ازاي دا انتم مصورنها بكل المراحل
الام بتوتر :مجاش فرصه .
رقيه بشك :اوكي يا طنط .
الام :ماشي اسيبكم بقي براحتكم .
وخرجت من الغرفه واصبح الشك يتسرب الي قلبها من ناحيه شبها الكبير من رقيه واسئلتها عن صورها وهي صغيره .
اما الفتيات فأخذوا يجهزون اميره ويتكلمون في أمور عديده وأخذوا يسمعون الاغاني .