عباد الشيطان

الجزء الأول

بيصحي حسام علي صوت منبهه زي باقي الأيام بيوصل بخطواط بطيئة للمطبخ بيعمل كوباية قهوة وبالمرة بيشتم مديرة علشان خصمله يومين من راتبه.
بيوصل حسام للشركة بيلاقي السكرتيرة قدام وشه كأنها كانت مستنياه وبتقولو:(المدير مستنيك)
بيفتح حسام الباب المدير مستنيه فعلا،كهل نظراته حادة جدا لدرجة انها ممكن تخوف اي حد،المدير:(اتأخرت ليه)
حسام:(انا جاي في معادي)
المدير:(متأخر دقيقتين)
حسام بيسرح في بقعة القهوة اللي علي بدلة المدير.
المدير:(انت عارف انت شغال هنا ليه)
حسام:(علشان عندكو نقص في الموظفين)
المدير بضحة سخرية؛(كنت فاكرك اذكي من كدا)
حسام؛(امال ليه؟)
بيبص لحسام بنظرات حادة لدقايق ويكمل كلامه:(هتعرف....هتعرف)
حسام مستغربش من كلام المدير هو متعود علي كلامة الغريب ونظراته له
...........................................................................
وبتبدأ الاحداث بعدها بأربع ساعات بالضبط
وحسام هوا اللي هيبدأ يحكي اللي حصل.
كنت قاعد علي مكتبي مفيش اي حاجة جديدة كنت فرحان علشان الشركة اللي انا شغال فيها خلاص هتتباع لشركة تانيه وزعلان علشان مها اتخطبت اظن انك عرفت اني بحبها بس انا جبان مقدرتش اقولها حاجة خطيبها اسمو(حلمي)مش عارف حبته علي ايه بس كل شئ قسمة ونصيب دخلت الحمام علشان اغسل وشي خلصت ورجعت للشغل عادي لقيت ان انوار الشركة مطفية قولت ممكن يكون النور قطع ولا حاجة بس اكيد لو النور اتطفي ازاي كل واحد فيهم محضر ٣شموع علي شكل مثلث  كل واحد فيهم مركز في اللي بيعمله كان كويس جدا ان محدش فيهم شافني وانا خارج مش دا المهم،الغريب برضو ان كلهم غيروا لبسهم للبس احمر عمالين يتكلمو كلام انا مش فاهمه في حاجة غريبة هنا بتحصل بفتح تليفوني علشان اتصل بأي حد اعرفوا بس مفيش شبكة وتليفوني قرب يفصل قررت اهرب بسرعة لاقيت المدير مستنيني علي الأسنسير وكأنه كان مستنيني، نظراته مليانة شر وحقد حاولت ابعدو بس مببتحركش من مكانه الخوف شلني مكنتش عارف اعمل ايه خلاص كدا كدا انا ميت مش هتفرق في حاجة مفيش حد اصلا بييأل عليا وانا بفكر هعمل ايه وخايف جدا المدير مسك راسي ورزعها في الحيطة مش هتصدقني لو قلتلك ان ايده كانت قوية جدا قوته مش متساويه مع سنه خالص.
صحيت علشان الاقي نفسي وسط الشموع دي وفي ورقة بلغة غريبة قدامي والمدير بيبصلي وقالي:(بتتكلم لاتيني)
قولتله:(لأ)
قالي:(قول ورايا)
بيقول الكلام ومستيني اقوله بس الكلام اللي بيقوله دا غريب قلبي مكانش مطمنله كأنه سحر او حاجة زي كدا قومت وفاجئته بحاول اني اهرب لكن المدير كان قدامي بصلي بصة شر انا عارف ان اللي هقولهولك دا غريب بس كان فيه لمعة في عينه لونها احمر لقيته خنقني ورفعني فوق وقالي بصوت جاي من اعماق الجحيم متوقعش ان فيه صوت طخين اكتر من صوته لدرجة اني مفهمتش هوا قال ايه قولتله من كتر ما انا خايف:(اللي انت عاوزو انا هعملهولك)
قال بثقة:(اركعلي)
في اللحظة دي عرفت ان الموضوع له علاقة بالسحر والشعوذة لاحظت رسم غريبه علي جسمه عليها رقم ٦ وبما اني شخص غبي او الخوف كان مأثر عليا متوقعتش ان رقم ٦بيدل علي انه عبد من عباد الشيطان!!!!
صدقني لو كان فيه حاجة قدامي اقدر اقتل بيها نفسي كنت خلصت
قولته:(حا...حاضر)
مكنتش قادر اتكلم الخوف مسيطر عليا لكن الحمد لله حصل اللي مكنش حد متوقعة الناس اللي المفروض يشتروا الشركة جمّ متسألنيش ازاي من غير ما ياخدو معاد في غمضة عين الشركة بقت زي ما هي ضربت نفسي جامد كنت مفكر اني فحلم لكن لا جريت بسرعة للأسنسير الحمد لله المرة دي ملقتش المدير قدامي جريت بعيد عن الشركة كان في غابة جمبها جريت عليها لقيت بيت مهجور كبير دخلته واستخبيت فيه حاولت ادور علي اي حاجة ادافع بيها عن نفسي لقيت ورقة فكرت شوية خرجت قلمي كنت فاكر انها فاضية بس لحد ما فتحتها مكتوب فيها(انت فاكر ان احنا مش عارفين مكانك احنا جمبك احنا حوليك عارفين انك بتقرا الرسالة دي دلوقتي) وفي اخر الرسالة مكتوب(الجحيم..ينتظرك) سمعت صوت جمبي بيقول(احنا جمبك احنا حواليك)ببص ببطء بحاول اتمالك نفسي لقيت مفيش حد بس ايه دا فيه هيكل عظمي باصصلي ومشاور عليا.

خلي بالك من كل حاجة بتحصل حواليك خليك مركز علي طول؛علشان ممكن يبقو اقرب الناس ليك او ممكن يبقي انت حتي!!