عباد الشيطان

جزء رابع

لو ناسي الأجزاء اللي فاتت روح شوفها علشان الأحداث متربطة جداً
....
هو انا مجنون بجد؟ليه كل دا بيحصل معايا انا بالذات؟مش ممكن عمر يكون بيكدب؟بس هيستفاد ايه؟
الأسئلة دي في دماغي ومش عارف لها إجابة وممكن تكون إجابات الأسئلة دي حل للمشكلة أو خيط لحل من الحلول اللي هتساعدني.
بس ثانية واحدة عمر قالي اني :(قعدت دقيقتين بس جوا)
ازاي وكل الأحداث دي حصلت وجالي الحل
"كاميرات المراقبة"            
وفعلاً روحت اشوف كاميرات المراقبة وحددت معاد دخولي ومعاد خروجي،الفرق بينهم كان ساعتين مش دقيقتين زي ما عمر كان بيقول....بس ليه عمر بيكدب عليا ليه كل دا؟
أظن ان الإجابة شبه مكتملة عمر منهم.
في حاجة أغرب انا لاقيتها في الكاميرات كل جمعة من كل أسبوع الساعة ٣ الفجر عمر بيدخل هو ٤تانيين ومعاهم كيس طويل فيه حد وباين جداً انهم خطفينه وفيه حاجة أغرب لاحظتها فيه واحدة من بين ال٤ اللي مع عمر متخفية،مش عارف ليه؟أو هي مين؟أو هي بتعمل إيه معاهم جوا؟بس أظن ان انا قربت اوي من الحل.
في نفس الوقت لاقيت النور بيتطفي ويشتغل لوحده وفيه خيال بيجري علي الحيطة بس لدرجة اني مش قادر أشوفه كويس بدأت أسمع صوت خطوات حواليا من كل حتة جريت للباب علشان أخرج بس الباب مش راضي يتفتح والنور طفي ومشتغلش تاني اختفي صوت الخطوات فجريت علي مفتاح الأنوار وبرضو مش راضيين يشتغلوا لقيت الأنوار مرة واحدة أشتغلت لوحدها والمدير ظهر من العدم،هو عارف ان انا مرعوب وبيحاول يرعبني أكتر وبعترفلك انه نجح انه يعمل دا وهو بيبتسملي بسخرية ليها أكتر من معني محبط ليا،قجأة لقيت حاة خبططني في راسي من ورا بس لحسن حظي اني مأغماش عليا وقعت بس وعرفت مين اللي خبطني كانت(مها)وبتقول للمدير:(احنا هنخلص منه أمتي؟)
المدير:(قريب)
انا أغمي عليا مش من الخبطة انا أغمي عليا من شدة الصدمة.
لاقيت اني موجود في نفس المكان اللي جريت فيه من كتر الخوف وأعصابي سابت فيه واللي افتكرت كل ذكرياتي الحلوة فيه انا تحت الأرض.
انا شايف واحد من بعيد لأ مش واحد دول اتنين!بدأت أقرب منهم لحد ما أكتشفت انه الأتنين دول هما"المدير وانا"متسألنيش ازاي كنت معاه وانا واقف بتفرج عليهم وهما بيضحكوا،ضحكهم عامل زي الأفلام لما البطل الشرير يضحك بصوت عالي والضحكة تكون طويلة..نفس الموضوع كان هنا،بدأت اقرب منهم اكتر علشان يلاحظوني ولما لاحظوني ضحكوا بصوت أعلي بصوت معناه شر وحقد أكتر.
صحيت وانا موجود في دايرة وجواها نجمة وعلي رؤوس النجمة فيه شمعة وفيه أصوات كتيرة في دماغي.
رايح وانا خايف وانا متوتر انا رايح لنصاب ممكن يساعدني المكان اللي انا المفروض أروحه في شقة وليها ممر طويل وأوضة علي اليمين دخلت فعلاً و الراجل أستقبلني وقالي:(عباد الشيطان صح؟)

فاضل جزئين علي النهاية مستعدين؟
الفيس:ody offical