عباد الشيطان

الجزء التاني

خرجت من البيت المهجور بسرعة ومن غير تفكير حاول امسك نفسي بس مقدرتش زعقت بصوت عالي:(كفاااااااية)بعدها بشويه حسيت اني هديت. مشيت لحد الشركة استنيت مها علشان اسألها علي اللي حصل،مها نزلت من الشركة روحت قولتلها:(ازيك يا مها)
مها:(الحمد لله انت عامل ايه)
انا:(الحمد لله،فاضية شويه نتكلم في الكافيه؟)
فكرت و قالت:(ماشي)
روحنا الكافية وقعدنا مها:(ايه اللي انت عاملته الصبح دا؟)
بصيت لها باستغراب وقولتها:(عملت ايه)
مها:(قعدت تكلم نفسك وتجري في الشركة انت كويس؟)
انا:(اه بس كلمت نفسي ازاي وجريت في الشركة ازاي؟)
بعدها سمعت صوت جمب وداني بيقول:(فاشل) استدرت للصوت بسرعة ملقتش حاجة ومها بدأت تقلق من تصرفاتي بشكل ملحوظ.كملت كلامها وقالت:(لو مش مصدقني اسأل الموظفين)
انا:(مصدقِك،بس انتي ماشوفتيش حاجة غريبة النهاردة في الشركة)
مها:(لأ)
نهيت كلامي وقولتلها:(مبروك علي خطوبتك)
هي:(الله يبارك)
مشيت وكأني سبت روحي معاها كان المفروض اطمن عليها اعمل اي حاجة حاسس انها زعلانة مش مبسوطة بس كان فيه حاجة مهمة اكتر من مها لازملها تفسير! روحت البيت بدلت هدومي دخلت اوضتي لقيت مكتوب علي الحيطة (الجحيم ينتظرك) كنت مرعوب مش قادر افكر (ازاي..ازاي؟) اكيد مها مخبية حاجة كنت مفكر ان اللي مكتوب علي الحيطة باللون الأحمر بس لأ طلع دم لما اكتشفت انه دم اترعبت لدرجة متتخيلهاش ايدي كانت بتترعش بحاول اتماسك نفسي فتحت الكمبيوتر بتاعي ببحث عن موضوع الشركة دا وايه اللي بيحصل فيها كل اللي لقيته كان لا يوجد نتائج فكرت شوية هخاطر لأول مرة لازم اكون سابقهم بخطوة انا هدخل الديب ويب! بحاول اجمع اكبر عدد من المعلومات لحد ما لقيت معلومتين هيفيدوني بنسبة كبيرة جداً. الأولة:ان قبل تأسيس الشركة كانت الارض مقابر في الأساس! التانية:ان اللي فهموا اللي بيحصل جوا الشركة كانو اتنين واحد عايش بس غير قادر علي الكلام(اخرس) التاني ميت ومش لاقيين لحد دلوقتي جثته ربطت الأحداث ببعضها ممكن الهيكل العظمي اللي في البيت المهجور يكون الراجل اللي مات. بدأت اقلق كنت افكر نهايتي هتبقي ازاي هل هموت؟ ولا هعيش طول عمري مش قادر اتكلم؟ لو مت هيلاقو جثتي ولا لأ؟ صحيت دماغي تقيلة مش قادر اتحرك حاسس ان فيه حاجة غلط لحظة واحدة ايه دا انا فين؟ايه المكان دا؟

كل اللي تقدر تعملو في المواقف دي انك تخاف بس.