ف المساء كان قد عاد الجميع من عمله ويجلسون جميعأ حول طاوله الطعام لتناول وجبة العشاء معادا ميار ومريم ومي
اسر بتساؤل:امال مريم وميار وصحبتهم فين
سهير:مش عارفه بس ممكن يكونه نايمه لانهم طول النهار مش مبطلين تنطيط و ازعاج ف البيت هم الثلاثه
في ذلك الوقت هبط الثلاثي المرح احم قصدي مي وميار ومريم
الثلاثه ف صوت واحد:عوووو احنا جينا
لليث:بخ
ميار:احب اعرفكم مي صاحبتنا والبيست والضلع الثالث ف المثلث بتاعنا كل واحد يعرف عن نفسه بقي
لليث:اهلا يا مي نورتينا انا لليث بن عم المجانين دول
اسد:انا اسد اخو لليث وبن عمهم نورتي القصر
سهير:هاي انا سهير هانم المنشاوي عمتهم
اسر:و طبعا انتي عارفاني
مي:ايوة الحيوان بتاع الصبح
اسر: يابت انتي لمي لسانك ده بدل ما اقصهولك مش معني اني سكتلك الصبح يبقي هسكتلك كل مره لمي لسانك يا قطه علشان نكون حلوين مع بعض ونعدي اليومين الجايين دول ع خير
لليث لاسد: اوباااا بقي هي دي البنت اللي علمت ع اسر الصبح
اسد: شكلها كده اه
ليث بخبث: ده باينهم احلي يومين اللي جايين دول
اسد بخبث هو الاخر: اه والله يا واد لليث عندك حق ده احنا هنعيش يومين للوز
ليث: انا حاسس ان البت دي هي اللي هتوقع اسر
اسد: انا كمان عندي نفس الاحساس ده اسكت بقي خلينا نكمل الماتش قصدي الخناقه
ليث: ايوه صح يلا نكمل
مي: مش انت اللي بتسال اذا كنت فاكراك ولا لا وانا رديت
اسر: ماشي يا مي هعديها بمزاجي لانك لسه متعرفيش طبعي وانا وانتي والزمان طويل
مي: يا جدع اتوكس بغرور اهلك ده وانت شبه الطاؤؤس كده
اسر: بتقولي حاجه يا مي
مي: هااا لا ابدا ده انا بقول ان انت عندك حق والمفروض امسك لساني شويه علشان نعدي اليومين دول ع خير
اسر: والله ياريت لو تعملى كده
---------------------------------------------------------------------
نتركهم ونذهب لسرايه الشاذلي ف الريف
الحاج محمد: عتمااااان يا عتماااااان
عتمان: ايوه يابيه
الحاج محمد: مافيش اي اخبار عن مي
عتمان: لا يا بيه الرجاله لسه بتدور عليها
الحاج محمد: روح انت ولو في اي جديد قولي
عتمان: حاضر يا بيه ثم ذهب
الحاج محمد ف نفسه: ان ما ورتيك يا مي مايبقاش اسمي الحاج محمد الشاذلي ماشي
ثم دخل ف ذلك الوقت مصطفي ابنه
الحاج محمد: هااا يا مصطفى عرفت حاجه
مصطفى: لا يا بابا هي حتي مارحتش السكن هموت واعرف هي فين
الحاج محمد: طيب وبعدين هنعمل ايه
مصطفى:دلوقتي احنا ممكن نعرف مكانها عن طريق الشريحة اللي ف الفون بتاعها لو هو كان مفتوح
الحاج محمد:طيب مستني اي
مصطفى:المشكله ان الفون بتاعها مقفول وكده مش هنعرف نحدد مكانها
الحاج محمد:انا نفسي اعرف هي هربت ازاي
مصطفي:اكيد هي مش هربت لوحدها في حد.هربها بس مين ده اللي لازم نعرفه
الحاج محمد:انا شكك ف امك وحاسس ان هي اللي هربتها
مصطفي:لا طبعا ماما متعملش كده
الحاج محمد:كله هيبان يا مصطفى كله هيبان
-----------------------------------------------------------------
ف قصر المنشاوي
كان يجلس ف الحديقه كلا من و مريم وميار ومي
مي:انا عايزة انزل شغل
ميار:انتي هبله يامي هتشتغلي فين وبالنسبه لعمك اللي قالب الدنيا عليكي ده
مريم:ميار بتتكلم صح يا مي عمك لو لاقيكي مش هيسيبك
مي:مانا مش هفضل قاعده كده و اخلي حد يصرف عليا وبعدين انا مش هفضل عايشه معاكم ع طول
ميار بعتاب:اي اللي انتي بتقولي ده يا مي وبعدين زي مانتي شايفه القصر كبير وماحدش معارض وجودك هنا ليه عايزة تمشي وتسبيني و انا زي ما قولتلك هنا امأن مكان ليكي وعمك مش هيقدر يوصلك
مريم:يخربيت دماغك دي
مي بتفكير:امممم ماشي موافقه بس بشرط
مريم:اممم قولي
مي:هشتغل واصرف ع نفسي وبعد فتره يكون الوضع هدي و اقدر اعيش لوحدي
ميار:موافقين
مريم:موافقين اي بس استني كده اببه اسر مش هيوافق اصلا ع كده
مي بعصبيه:وهو ماله اصلا وبعدين انا هاخد رائيه ليه يعني
ميار بهدوء:اهدي يا مي وهو ان شاءالله هيوافق
مي:اوف ماشي هقوله حتي لو مش وافق برضو هعمل اللي انا عايزة
اسر من خلفهم
اسر ب استغراب:في اي وعايزين تعمله اي
مريم:احم ابيه اسر احنا كنا عايزين نقول لحضرتك حاجه وبنتمي انك توافق
اسر ب استغراب:قولي يا مريم في اي
ميار:شوف يا ابيه طبعا انت عارف ظروف مي وكل حاجه عن موضوع عمها
اسر:ايوة وبعدين
ميار:ف مي كانت عايزة تنزل تشتغل ف احنا قولنا ناخد رأيك الاول
اسر بتفكير:اممم طيب لو قولت مش موافق
مي بعصبيه:..........
♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡
استوب وبكده يكون خلص البارت اتمني تقوله رائيكم فيه
توقعاتكم اي اللي هيحصل ف البارت الجاي💙
بقلمي/رنا البحيري💙
