هــــروب

النـــــهايه

شاهين بعصبيه....  وين الملف رنيم

رنيم بخوف يا ملف

شاهين بصياح.... رنيم لتخبليني الملف وين

كمت ابجي... خفت خوف محد خايفه...

والله ماعرف عل شنو دتحجي واي ملق ما ماخذه اي ملف منك.. 

راد يتقدم جان يكب حسام وراه حراس....

حسام.... سيد شاهين لكينه الملف... 

جان يندار وكله روح.... راح حسام وندارلي...

باوعلي بنضره عتب....

شاهين.... انتي لخليتيني اشك بيج.... بسبب تصرفاتج الطايشه... 

جان يتقرب ونزل وجه بمستوى وجهي اني
دنكت....

شاهين.... بعد اليوم عيني متفاركج..   راح يكون
تركيزي عل حركاتج... ماريد اي مشاكل.. وتصرفات طايشه....

وطلع من غرفه... 

الحمدالله ياربي نقذتني.... وهسه شراح اسوي...

لكو الملف شلون راح احصل عليه بعد....

اووف ياربي ساعدني.... رحت يم مراد لكيته
موصخ نفسه..  اووف ملابسه بلغرفه...

لازم اصعد اجيبله ملابس....

طلعت من غرفه وتوجهت ليفوك....

بلمرر امشي وشفت رشا طلعت من غرفتها
وياها ولد  .... يالله منو هذا...

كتلها رشا.... جان تباوع عليه بخوف وارتباك....

انهزم الولد نزل من درج...

الدرجه لخيره.... ونمدتله رجل وكع بلكاع....

باوعت الحمايه طلعو من كل مكان صاير داير مدايره.....

يالله....

جان يلزمه من ياخته....

شاهين.... عبالك طبت بيوت العالم لعبه....
لاوالله اليوم متطلع من البيت الا جثه هامده....

جان تنزل رشا...بصياح وابجي....

وقبل متوصل يمه  .... لزمها احد من حراس

واني واكفه فوك اصنمت نفس مكاني....

رشا ببجي.... ابوس يدك عوفه الله يخليك شاهين
ابوس يدك عوفه....

شاهين بصياح.... مو كتلج عوفي.... هلولد طمعان بفلوسج...  وكتلج ممنوع تزوجي.... بس اختي

المصونه اسوت جابته للبيت....

جان يتقرب يمه.... ضربها راجدي وكعت من قوته وتبجي....

الولد.... والله احبه واريد ازوجها وابدا مو عل افلوسه
صدكني روحي فداها.. 

جان يندارله ويمشي عل كيفه....

شاهين.... واو اتحبه واتطي روحك فدائها...
شنو هلحب....