هــــروب

البــارت 13

رنيم...

فتحت اعيوني واحس روحي متكسره من
وجع... اوف ليش هيج جسمي

متكسر تكسير... كمت للحمام... غسلت وجهي وطلعت بدلت ملابس الدوام....

مشطت شعري... ومجان شاهين موجود بلغرفه

يمكن راح من وكت لشركه...

كملت وتعطرت وطلعت...

نزلت جوه لكيت بيبي جايه بصاله

رحت شبكتها...

صدكيني البيت بدونج ميسوه

اوف حبيبتي انتي والله اني هم مشتاقتلكم
اهوايه... رايحه لجامعه

اي بيبي اتخرت لازم اروح

ديري بالج عل نفسج

ماشي... بست راسه وطلعت...

وجان اشوف هوايه حمايه...

ليش هلحمايه البرا كلها... شكو

ردت افتح باب السياج صار كدامي

حارس... اسف مدام متكدرين اطلعين

انته بيك شي اتخرت عل دوامي
ليش حتى ما اكدر

الحارس... هاي أوامر السيد شاهين

شنو أوامر اي اوامر تحجي بيها عندي امتحان
تعرف شنو يعني...

طلعت الموبايل من جنتي ودكيت عليه

يلا رد... اوووف... اتصلت ٣مرات وماكو
وينه...

جان يظك موبايلي...

الووو 📞

شاهين... الو رنيم

شاهين عاقبني مثل متريد بس جامعتي
لا الله يخليك... والله عندي امتحان اليوم...

لا تعاقبني بهل طريقه

شاهين.... انتي لجبتيها لنفسج وتحملي
نتيجه اخطائك

لالا شاهين اذا اتحبني بس هلمره
سامحني وعد ميتكرر هلشي صدكني

ضل ساكت وجان يكول

شاهين اطي الموبايل للحارس اطيته للحارس
فتحلي الباب

وطلعت... سد التلفون... ورحت كبل لجامعه

الحمدالله كملت امتحاني وطلعت

اجاني السايق وصلني للبيت...

طبيت للبيت... مالكيت احد كلمن بغرفته

كبل صعدت فوك.... لكيت شاهين

استغربت هوه مو هسه يجي شعجب
جاي من وكت...

دخلت وبيدي كتبي... شفته سد الكنتور

شاهين... اتخرتي

اني مل يوم هيج وكت ارجع

شاهين... ها ماشي

شعجب جاي من وكت

شاهين... خلصت اجتماعاتي وكلت ليش ابقى
بشركه وماعندي شي... اجي احس

اي...

رحت طلعت ملابس من كنتور وطبيت

غسلت وطلعت انشف شعري بلمنشفه

شفته واكف بلبلكونه...

وطب وسد باب البلكونه...

واجه بتجاهي... اذكرت البارحو وشلون
خنكني ... راد يلزم يدي بسرعه ابتعدت

شاهين... خايفه مني

لا بس تعبانه اريد انام... رحت اتمددت ونمت

ماحسيت شوكت غفيت كعدت عل حس
اصياح...

رشا... ابوس يدك شاهين لا تكتله والله احبه

شنو هلصوت... بسرعه نزلت

ليش هيج تحجي رشا... وشفتهم كلهم بصاله

وكاعده رشا يم رجلين شاهين تتوسل بي

شاهين... انتي لازم تتعاقبين عل فعلتج هاي

لزمها من شعرها سحلها

كامت تبجي... ماتحملت ورحت وراه

طببها للمخزن راد يسد الباب لزمته

شاهين بعصبيه... رنيم روحي

لا شاهين الله يخليك لا تضربها

راد يسده دفعت الباب

بصيااااح.... رنيـــــم

بس اسمعني... لزمت يده... حبيبي خلينا نتفاهم
بس اهدء ماريد شي...

وخر يدي من يده بعصبيه

شاهين... رنيم ليش متفهمين كتلج روحي
من وجهي... سد الباب قوي

ضليت ادك ميفيد

اسمع اعياط رشا وبجيها وصوت الحزام

خفت خوف محد خايفه... هذا شاهين لحبيته
لو منو... اكيد مو هوه... ليش هيج قاسي

ضليت واكفه اكبال الباب شويه
وصوت اختفى... خفت ليكون ماتت

لا يالله احميها....

فتح الباب ولعصبيه منه اتخوف...

وفات من يمي بعصبيه وراح

بسرعه فتحت الباب وطبيت

يتبــــــــــع....