احس ذبت من مقطع لشفته.... بسرعه
رحت لغرفتي....
واني خايفه اذكرت كلام شاهين كلي لا تدخلين
يارب ساعدني.... مرات احس شاهين احسن انسان
ومرات لا....
كعدت اقره وصار اليل نزلج جوه جانت رشا
كاعده تباوع عل تلفزون.....
رشا بيبي وين
رشا.... راحت لبيت عمي كم يوم وتجي عمي مريض وبالها يمه
ها ما عليه غير العافيه.... ورنا وين
رشا... رنا بغرفته دتخابر
اوكي... شفت شاهين طب للبيت رحت استقبلته
الله يساعدك
شاهين... ويساعدج.... شلونكم
رشا... الحمدالله... اكول للخدم يحضرونه العشه
شاهين... ماشي.... ماطول هسه جاي... عندي شغله بلمكتب ابين متخلصون تحضير العشه
رنيم... ماشي
راح بس هوه كال بتجاه المكتب ليش عكس الاتجاه راح....
رحت وراه شفت طلع من حديقه الداخليه....
وره البيت وبتجاه المخزن....
ردت امشي خطوه وكفت....
اكيد راح يعرف.... هسه شلون راح امشي
وراه بدون ميحس....
مشيت وراه عل كيفي....
وختلت وره المخزن.... وباوعت شويه من شباك
المخزن....
لكيتهم رابطين اثنين شباب عل كراسي
طب شاهين.... ابتعدو الحمايه وسوله مجال لشاهين....
ماشوف غير ضربهم كل واحد بوكس....
خلاهم يزوعون دم....
شاهين.... احنا عدنا اهويه وسائل تعذيب شتحبون انتو.... واحنا حاضرين
حسام... يحبون صدمات او تكسير اعضام
شاهين.... خل نجرب...
خلوله كرسي لشاهين كعد وخله رجل عل رجل ...
ولتمو الحمايه يضربون بيهم.... خليت يدي عل حلكي
حتى ما ابدر صوت....
كطعوهم ماباوعت غمضت اعيوني.... فتحته شفت واحد جاب ابلايس
ولزم يد واحد من شباب.... شيريد يسوي هذا
شاهين... يا اصبع اتحب يروح اول واحد
ماستحملت.... اكثر تعذيب.... معقوله هذا جان شاهين
ويايه ليحبني وجان البارحه ويايه شخص ثاني ماعرفه بحبه الي.... وتصرفاته....
كافي عاد.... كمت وشفت حراس عل باب شافوني بسرعه ركضت وفتحت باب المخزن....
الكل كام يباوع عليه....
أنت تقرأ
هــــروب
Romanceبقلم....الكاتبه شـروق.. القصه حقيقيه ١٠٠٪ شاهين بعصبيه.... ليــش ليــش رنيم رنيم... بس اسمعني.. قاطعني بصياح شاهين بصياح.... داحاول اكون الج قريب وانتي ادورين ورايه ليــش.... رنيم.... انته مدتكلي الحقيقه.... شاهين.... كــــاااافي ياحقيقه دا...
