ضباب الغين

١٨

غنوه:اني مو طفله حتى تقنعيني بهل حچي احچي دره؟

ندى:اي دره

نزلت راسها وبچت بهستريا

حاولت اهديها بس ماكو

طلعت اركض الهم

ندى:تعالووو غنوه جاي تبچي بكل هستريااا

الكل ركض بس ركضه معتز مانساها بحياتي راح بسرعه رفع راسها وهي تبچي بصوت عالي

شافته وصدمتنه ككلننه!

مِـن شمرت نفسههها بحضنه وحضنته بكل قوتههااا
وهوو ماگال ﻼ هم حضنها الكل جمد بمكانه

معتز:شــبيچ تبچينن گليلي

غنوه:ءءءء ااا ااانت دريتت بيه مريضه

تقدم وگعد يمها وحط راسها على صدره وگال

معتز:أنتِ مو مريضه
مابيچ شي بنياتي هي فتره وتعدي وراح نتعداها سوه

ماحچت شي راح بابا گعد كبالهم

ابو غنوه:لا بابا غنوه ميصير ڪل مايصير وياچ هيچ تگولين انه مريضه وحنه ڪل مرهه نعيد نفس الكلام يبعد ابوچ كتلچ انه هي فتره وراح تتخطينها شمالچ بعد

ولا كانما احد يحچي وياها مستمره تبچي ومتخلي معتز يگوم اخر شي احنه طلعنه مِـن الغرفه

غنوه

الكل طلع مِـن الغرفه ومعتز يحاول يهديني ويمسح على شعري

عدل نفسه وگعد بصفي وحاضني

معتز:شوڪت ترجعين تحچين!
والتوبه بععد اگلچ اسكتي
بس رجعي احچي

غنوه:امممممممم
بس أنتَ تگلي چنت اسكتي ماريد اسمع صوتچ
هاي بـ؏ـد ما تسمع صوتي

حضني قوي وگال

معتز:هاي قببل ههسه اريدنچ تحچين

غنوه:اممممم

معتز:اصيحن امچ وندى بالهن يمچ

اشرت براسي بـ اي وبتعدت عنه ومسحت دموعي

طلع ودخلن ماما وندى

ندى:غنوههه لاااا موگدامناااا ععيببب

ضربتها ماما وگالتلها بضحك

ام غنوه:انچبي أنتِ غيرر رجلها صــــار اعز منه

اباوعلهن اجت ماما حطيت راسي بحضنها وهي صارت تقره ايات عليه