ضباب الغين

٢٢

غنوه:تغني لو شلون

هيثم:اييي يله احم

كضيت مبايلي وصورت فيديو مبينه بس المرجوحه

هيثم:شعلومه
وينه الحلو من يومه
متعبني ليه حارمني
نومت عيني
وهو بـ سابع نومه
مشتاگ إليه
ومو داري
مشتعله بالحب ناري
سهران أنا مخليني
حاير وأعد نجومه

سديت الفيد ونشرته وسويت تاك الهيثم

"بصوت ابو الرصاصي"

وكتبت
"هي المُشكله غصباً عليك تــحَن "

ثواني وصلتني رساله مِـن معتز راد على الاستوري متفاعل

معتز:عمت عينه المسهرچ ، وياهو اليگول هَو نايم ليله ؟

غنوه:اممم يعني تقنعني هوَ مينام ليله !

معتز:اي وداعتچ

غنوه:انسـه هي اصلاً مُجرد اغنيـهه

معتز:اذا بلأغاني تعبرين عن الي بداخلچ
حزن ، فرح ، غضب فـ انه قابل بويه

مارديت علي
بقيت شوي گاعده يم هيثم حوالي الثلث ساعهه نسولف

هيثم:خلي اسويلي نرگيله

غنوه:مـاشي

راح سوه نركيلته واجابها وكعد يغني

وره نص ساعه لخ وصلتني رساله من معتز

معتز:بويه انه رجعت للفندق بس اسبح وأخابرچ

غنوه:تمام

هيثم:غنوه بربچ هم شتاقيتي المعتز؟

غنوه:خايب شمالك اليوم أنتَ

دنحجي وطلعت سبأ

سبأ:اييي خيانه عينك عينك

هيثم:شنسويلچ اذا أنتِ لازگه بحامد ماجيتي

سبأ:شيدريني انتو هنا غيررر عبالي هاييي نايمه

غنوه:شمالج متحلفه دتعاي گعديي

نزل هيثم مِـن المرجوحه وگعد بلكاع گبالنه واجت سبأ گعدت بصفي

سبأ:اكليتي

غنوه:ايييي يابه ليش تعبتي نفسج وجبتي الاكل أنتِ

سبأ: ماكو تعب ، لگيتچ نااايمه وفاتحه اتصال وي معتزز