الطاووس المغرور

الرابع والثلاثون

و بوسط حروبي انتي نصرتي ❤

حل الصباح بيوم جديد و استيقظ دلير وجد ان اسيل ليست بالغرفه ارتدى ملابسه و خرج ليبحث عنها فهي لا تريد ان ترجع الي القصر لا تريد ان تترك والدها واختها بهذا الحال فقد رحل ناصر مع زوجته رولا بالامس......سمع بعض الضوضاء بالمطبخ فذهب الي هناك وجدها تقف ترتدي ملابس بسيطه من اللون الاسود مكونه من بنطال قماشي و تيشيرت بسيط كانت واقفه تعد افطار بسيط

...صباح النور يا قمري

نظرت له اسيل و ابتسمت ابتسامه بسيطه...: صباح الخير يا دلير...نمت كويس امبارح؟

تقدم اليها دلير و وضع يده خلف رأسه و...: اهه نمت كويس...بس في موضوع عايز احكيلك عليه

بدى علي وجهها القلق قليلا...: خير باذن الله في اي؟؟

دلير...: زياد كلمني امبارح

ابتسمت اسيل...: بجد طب ريم عامله ايه وحشتني البت دي و زياد الندل ده مش معبر حد

دلير...:كويسين هم و اتجوزوا كمان

اسيل...:حيث كدا لازم اتصل ابركلهم

دلير...: استني بس

اسيل...:اممم

...: فاكره اخويا اللي داده رڤين قالتلك عنه

اسيل...:اه فاك.....اي ده انت عرفت منين ان داده رڤين قالتلي؟؟!

دلير...:انتي هبله يابنتي هو مش انا كنت في المافيا حاجه ذي دي بقي هتخفى عليا

اسيل...: يعني انت سمعت كل حاجه كل حاجه

دلير...:كل حاجه كل حاجه

اسيل باقتضاب...:اوووف ماااشي مااالوو المرحوم

دلير...: زياد اتصل وقال ان.....

رنن بوقتها جرس الشقه و استأذنت اسيل لتفتح الباب

كانوا جيرانهم جائوا ليروا ان تحتاج شئ و ليطمئنوا علي حالتهم

رجعت مره اخري الي المطبخ و صرختتت بدلير

...:ااااححيييييه انتتت ساايب اللبن يفور علي النار يا دلير

دلير...:مكنتش مركز معه

اسيل...:طب بعد ازنك بس اطلع حضر السفره وانا هحضر واصحي رنيم مكلتش بقالها يومين و هشوف بابا

اومأ لها دلير و خرج الي الخارج و تنهد بشده وقرر ان لا يخبرها بأمر اخيه التؤام وانه حي حتي الان

ذهبت اسيل لغرفه رنيم و جدتها مظلمه جدا ذهبت و قامت بفتح ستائر الغرفه و النوافذ فدخلت الشمس الي هذه الغرفه الكأيبه المكركبه و اخذت اسيل تنادي علي رنيم لتستيقظ ولكنها عندما دخل نور الشمس علي وجهها ظهر هذا الوجه الذبلان هذا الوجه الذي ارهقته و اكلت منه الدموع ما تريد و تركته هكذا بوجه مجهد مصفر و الدوائر السوداء الكبيره تحت اعينها و جسمها الذي قلل وزنه بشكل ملحوظ في هذه الايام...