الراقصه والمجنون

الجزء الثاني بارت 4

الراقصه والمجنون

للكاتب: - علي الحياني

روان ... سمعت صوت الطلقات واني كمت اصيح واعيط عمتي اجتي تركض وعمي سحب الفون مني ويريد يعرف شكو واني اصيح بعلات صوتي حساااني وماحسيت بروحي الا ان ....

حسن ... كعت من النوم الساعه بل 9 الصبح اول مره انام هيج بعد كل هذاك التعب احس جسمي متكسر من النوم  طب فلاح للغرفه ...

فلاح ...صح النوم باشا يلا اتعدل اليوم نتوكل الكركوك ...

حسن ... هههه باشا تدري اكثر كلمة احبها من ابويه من يكولي باشا ان شاء الله بلاشكد نتوكل ...

فلاح ...لحد الان بل 4 العصر نتوكل ان شاء الله بس ادعي مايصير شي يأاخرنه ...

حسن ... ان شاءالله مايصير شي التفتت اريد الفون مالي ادور ع الفون ماكو كمزت من السرير ...

فلاح ... حسن شبيك شكو ...

حسن .. فلاح شفت الموبايل مالي ...

فلاح ... لا ليش مو يمك ...

حسن ... خرررب بس لا وكع بالقياده ...

فلاح ... وبي شي مهم ..

حسن ... كل الاشياء المهمة حته صورنه العسكريه وصوري العائليه اوووف  ...

فلاح ... لا يمعود يمكن مطيحه بشي مكان او بالسياره هسه اخابر منصور واشوفلك هو ...

  فلاح راح يخابر منصور واني كعدت ادور بالجربايه  وفلاح خابر منصور ...

فلاح ... الووو منصور خويه حسن مطيح الفون مالته بس اتاكد اخاف يمك بالسياره ...

شوي ولتفت عليه فلاح كال ماكو ...

حسن ....وشلون هسه بربي اذا وكع بيد الدواعش راح انروح بيها ويعلسونه  ... زين انطيني  اتصل على الموبايل وشوف اخاف احد من الناس ملكي لو سالت مني بالطريق من دون مااحس ...

فلاح... ماشي الزم اتصل اني راح اطلع شوي ورجع ... حسن وين رايح ... شغلة ساعه ورجع مااطول ...

حسن ماشي و دير بالك ......

لزمت الفون اتصل يرن محد يجاوب حاولت مره مرتين الا ان رد عليه ...

حسن..الووو ...

-الوو ها فلاح ...

منو انتي ؟؟؟ ...

هلاحسن اني اسراء ...

حسن ... وشجاب الموبايل يمج ...

اسراء ... البارحة من طلعتو شفت الموبايل بالارض معبالي مالك ...

حسن ... زين احد اتصل عليه ...

اسراء ..هاا لا محد اتصل ...

حسن.. هسه اجي اخذ الموبايل ...