الراقصه والمجنون
للكاتب:علي الحياني
ادوس بريك والسيارة جواي تفحط لفت ستيرن وضربت الرصيف وطلعت للجزرة الوسطية وكفت السيارة نزلت منها اباوع مبيها شي اجوي العالم لتمو عليه يردون يعرفون شصارلي
اكو زلمة جبير بالعمر اجه يركض ويكول سهله وليدي انشاءالله مابيك شي بالحديد ولابيك لاتنقهر اني اصلحلك هيا
كتله لاعمي تسلم الحمدلله السيارة مبيها شي واني سلامات الناس ماقصرو وياي هذا اليجيبلي الماي والثاني عدل السيارة وناس تعزمني ع بيوتهم اهل كرم وجود ماقصرو بشي
ترخصت منهم وشكرتهم ع المساعدة ركبت السيارة وسقت بحذر لان الشارع كله ماي وزلگ
دك الفون اباوع روان اوووف هسه وكتج سديته رجعت اتصلت نطيته رفض وصلت الاقامة وطبيت لربيل
اكو منطقه اول من تدخل اربيل اسمها كلگ هناك وطفة السيارة اشغلها متشتغل احاول بيها مكدرت اشغلها
اخذتلي صفنه عليها وسحبت نفس قووي وزفرت اوووف اليوم من بدايته مشاكل الله اكبر
اجتي سيارة بيشمرگة سريعه عبرتني سمعت صوت بريكاتها لشوي ورجعو يمي بيها ظابط وثلاث جنود نزلو يحجون وياي كردي
كتلهم معرف كردي اني عربي الظابط كالي انت من وين كتله بغداد
نطيني هويتك والاقامة وشعندك بربيل وليش واكف هنا
نطيتي هويتي والاقامة .. بيت عمي ساكنين اربيل وجيت زيارة والسيارة عطلت معرف شبيها مجاي تشتغل
باوع عليه رجعلي الهوية كال افتح البوند فتحته وهو كام يشتغل بالسيارة شوي وكالي شغل
شغلتها شتغلت السيارة كال هسه تكدر تمشي بيها سلمت عليه وتشكرته الجنود الوياه مخلو قصرة ساعدوني كملت طريقي لما وصلت البيت
طبيت سلمت ع ابوي وعمي وطلعت صحت روان
طلعت روان من باب المطبخ الداخلي تباوع عليه وعيونها دم من البجي
حسن...شبيج شصاير وياج ليش باجيه
روان... مومهم مبيه شي
حسن ... مالحيت عليها خليتها براحتها ..طلعيلي هدوم اريد اطب اسبح
روان ... حسن كالي طلعيلي هدوم دا اطب اسبح اني مشيت من يمة وتوجهت للغرفه دا اطلعله هدوم طبيت للغرفه وبس ابجي طلعت الملابس من الكنتور حسيت بدوخه كعدت ع السرير وابجي طب حسن
شبيج ليش جاي تبجين احجي صار بيج شي سولفي يلا
روان ... باوعت عليه وكتفيت بالسكوت ونزلت راسي واني ابجي
حسن ... سوولفي لاتخليني هسه افقد اعصابي شبييج ليش جاي تبجين احجي
روان ... وين جنت اخابرك وماكو ماترد عليه وترفضه هااا احجي وين جنت
أنت تقرأ
الراقصه والمجنون
Romanceقصه تتكلم واقع شاب عاش تجرية صعبه في حالة فقدان العقل واصف نفسه بـ(المجنون) فكيف حدث هذا الجنون له؟؟؟ ومن هيا الراقصه؟ ماهوا المفقود في نضره؟؟؟؟ ومن الموجود؟؟؟ الراقصه والمجنون للكاتب: علي الحياني
