عشق العلي

البارت الاول

عشق : كعدت من الصبح لان عندي دوام اليوم
كمت بدلت وتريكت ودخل بابا
بابا : صباح الخير عشقي صبيلي جاي وياج
عشق : صباح الخير باباتي اسويلك ريوك
بابا : لا ما اريد حبيبتي بلعافيه يله رايح للمعرض
عشق : طبعا بابا عنده معرض سيارات وعماره
كملت واجاني ابو الخط
وصلت للمدرسه وسلمت ع صديقاتي
وخلصنا الدروس ورجعت للبيت
لكيت بابا موجود بس زعلان من شي
مبين على وجهه سلمت عليه وسالته
بابا بيك شي زعلان من شي احجيلي
بابا : لا عشق حبيبتي بس دايخ شويه
روحي بدلي عمود تتغدين وتكملين دروسج
عشق : سلامتك باباتي حاضر دقايق واجي
بابا : اووف شون راح افاتح عشق بلموضوع
وشون اذا درت اني عندي سرطان بمرحله متاخره
اخخ يبنتي خسرتي امج وحاولت اعوضج عنها
وهسه حتصيرين يتيمه ام واب
علي :كعدت الصبح وتريكت ورحت للمركز
لكيت كرار سلمت عليه وكملنا شغل وتعبت
العصر رجعت للبيت نمت وكعدت ع اتصال من عمي
ابو عشق رديت عليه
علي : هلا عمي شلونك ان شاء الله بخير
ابو عشق : هلا حبيبي حمدلله اريدك تجيني فد شويه
علي : تدلل عمي جايك بس صاير شي
ابو عشق : تجي وافهمك
علي : جايك بطريق مع سلامه
ابو عشق : الله وياك ابني
علي : نهيت مكالمه ويه عمي وبدلت واخذت سيارتي ورحت هوه قريب علينا
ابو عشق : اجه علي سلم عليه وكعد كتله اريد احجيلك موضوع وما اريد احد يعرف بي لازم توعدني
علي : كول عمي سرك ابير بس قلقتني بيك شي
عشق صايرلها شي
ابو عشق : لا عمي عشق بخير بس اني مريض بلسرطان اكتشفت بصدفه ومرحله متاخره 💔
علي : شنوو عمي شوكت صار هيج زين ماكو علاج
ابو عشق : لا ماله علاج ابني اسمعني اني ما خايف من الموت اني بالي يم عشق اذا درت اشون
ومن بعدي منو الها ويدير باله عليها
اني جنت حاسك معجب بيها كلي كلامي صح لو لا
علي : اي عمي صح اني احبها مو بس احبها لا اعشقها
وردت اخطبها منك من تكمل سادس وعمرك طويل
ان شاء الله
ابو عشق : ابني اذا صار عليه شي عشق ابامنتك
اريد منك تعيش وياك وما اريدك تجبرها ع شي
خليها تكمل دراستها وتصير 18 واعترفلها واذا رادتك
بساعتها اتزوجها
علي : ان شاء الله عمي عشق امانه عندي وراح احميها واخاف عليها حتى من نفسي
ابو عشق : اني واثق بيك ومتاكد حتكون مرتاحه وياك
عشق : كعدت من النوم بليل لان باجر عطله ومعندي دوام وجوعانه نزلت اكل شي سمعت صوت يحجي ويه بابا

شنو تتوقعون عشق سمعت
وشراح يصير
انتظرونا بلبارت الجاي