عشق العلي

البارت الثالث

عشق : ايام الفاتحه جانت صعبه عليه مجنت اتخيل حياتي بدون بابا واني فقدته وصرت يتيمه بس الهون
عليه وجود علي يمي وعمي الي اعتبره ابويه الثاني
عمي يوسف : عشق حبيبتي اني لازم ارجع اسافر
لان ام علي عدها عمليه بس اني متطمن لان حتبقين يم علي وان شاء الله نكمل العلاج ونرجع وايشي تحتاجي اني موجود
عشق : متقصر عمي ان شاء الله خاله تتحسن
علي : خلصت الفاتحه ورحت ويه عشق للبيت عمود تلم غراضها وملابسها واني اشتريت غرفه لعشق ابيتي
عمود تكعد بيها واليوم يكملوها
عشق : هاي اول مره اروح للبيت وره وفاه بابا
رحت احضر ملابسي وغراضي ودخلت لغرفه بابا
وبقيت ابجي وحاضنه صورته وملابسه 😭
علي : تاخرت عشق فوك صعدت وراها لكيتها تبجي
مسحت دموعها وكتلها يله كافي عمي من يشوفج هيج يتاذه كامت واخذنا الغراض وقفلت البيت
اخذت اكل من طريق ووصلنا لبيتي عشق جانت نايمه
مردت اكعدها شلتها لغرفتها ورحت دخلت الجنط للبيت
ونمت بغرفتي.....
كعدت ثاني يوم عندي دوام بدلت ورحت لكيت عشق كاعده
عشق : صباح الخير علي اسويلك ريوك وياي
علي : صباح النور شعجب كاعده من وكت
عشق : نمت هواي وكعدت شبعانه نوم
اتريكنا وعلي دا يروح للدوام كال الاجازه مالتج راح تخلص تكدرين تداومين كتله اي ان شاء الله
علي : هاهيه من الاحد تداومين واني حقفل البيت
ديربالج ع نفسج وايشي يصير خابريني
عشق : ان شاء الله
راح علي وكمت نضفت البيت ورتبت ملابسي بلغرفه وغراضي واتصلت بصديقاتي اخذت الواجبات
وبديت اقره ردت اي شي يلهيني عن تفكير
ولازم اصير قويه مثل ميريد بابًا
علي : رحت للدوام بس بالي كله يم عشق عايفها وحدها
كرار: دخلت للمركز لكيت علي صافن سلمت عليه ممنتبه رحتله عليي عليي
علي : ها يمعود شبيك
كرار: وين صافن اصيحلك مترد تفكر بعشق مو
علي : اي والله عايفها وحدها وبالي يمها لان
متاذيه واريد اساعدها تطلع من هاي الحاله
كرار: ليش متطلعون تغيرون جو شويه
علي : خوش فكره من ارجع اطلعها قبل الدوام ليبدي
علي : اتصلت بعشق اريد اطمن عليها مردت اول مره
خفتت بعدين ردت...
علي : ها عشق وينج يمعوده ادك متردين
عشق : ها علي مسمعت التلفون رايد شي
علي : لا سلامتج بس كلت اطمن عنج لان عايفج وحدج واسالج شتردين اكل اجيبلج من ارجع
عشق : ايشي بكيفك
علي : خوش يله مع سلامه
رجعت للبيت فتحت الباب ودخلت خليت الاكل
لكيت عشق جاي تسوي كيكه
عشق : هلا علي خوفتني 😂
علي : شنو شايفه جني
عشق: لا بس عبالي حرامي دخل للبيت
علي : والحرامي جايبلج اكل ويا 🤣
يله اني حصعد ابدل وانزل نتغده
عشق: حضرت الاكل وخليت الكيكه بلفرن
ونزل علي لابس تراكسود اسود 🖤
طبعا اول مره انتبه عليه شكله رجولي وحلو
دا ناكل وكال عشق...
علي : عشق شنو رايج اليوم نطلع نغير جو لاي
مكان تردي
عشق : لا ما اريد اطلع معندي واهس
علي : لخاطري عشق بدلي خل نطلع
ميصير تبقين هيج كاعده بلبيت
عشق: ماشي هسه اروح ابدل رحت للغرفه لبست
جينز اسود وقميص اسود تول شفاف من ردن وصدر
وشعري سرحته وعفته مفتوح وحذاء وجنطه حمره
وخليت تنت وماسكارا ...
علي : رحت لبست جينز رصاصي وقميص اسود وساعه سوده نزلت لكيت حبيبتي مكمله ونصدمت بشكلها طالعه تخبل شون حطلع وياها هيج
ما اتحمل يباوعولها بس سكتت لان اريدها تغير جو
طلعنا اخذتها للمول واشترت ملابس سود واني دفعت
بلبدايه مقبلت بعدين اقتنعت وراها رحنا للمطعم
عشق: تونست كلش ويه علي واشتريت ملابس للدوام
وللبيت لان ملابسي اغلبها شورتات وبرموده فاشتريت
تراكات طويله لان استحي من علي رحنا للمطعم وعلي
ناسي تلفونه بسياره فراح يجيبه...
شفت ولد يباعولي وواحد منهم اتقدم وكال ها يحلو ليش كاعد وحدك تعال يمنا نونسك اني خفت كلش
وعطت عليه كتله روح مناا تره اصيحلك اخويه
وهوه ظابط يسجنك...
علي : رحت اجيب تلفوني رجعت لكيت عشق وجها اصفر وواحد واكف يحجي وياها سمعت كلتله اخويه
صراحه ضجت بس جنت متعصب وغيران عليها
رحت ضربت الولد واجوي اصدقائه ضربتهم وعشق خايفه وتصيح وخابرت دوريه اجت اخذتهم ورجعنا
للبيت بلطريق شفت عشق ساكته وبعدها خايفه
اني اعرف هيه مالها ذنب فكتها عشق اني اسف
بس متحملت يحاجيج هيج وضربته وعطت عليج
عشق : لا علي عادي اني مزعلانه منك وزين سويت بي هيج بس اني عطت من خوفي عليك خاف تنضرب
لان همه هواي
علي : لا مو ضابط علي الينضرب لتخافين عليه
وياج رجال
رجعنا ونمنا من تعب ....