عشق العلي

البارت الثاني

عشق : دخلت لبابا لكيت علي وهمه اتوتروا من دخلت
وسكتوا كتلهم صاير شي ليش سكتوا من دخلت
علي : شلونج بت العم شخبارج عشق
بابا : مو عيب بنتي غير تسلمين ع ابن عمج
عشق : آسفه بابا مو قصدي هلو علي شلونك
حمدلله اني بخير اسال عنك
علي : تسال عليج العافيه سويلي جاي من ايدج الحلوه
عشق : تدلل من عيوني رحت سويت جاي بس بالي يمهم وليش بابا ضايج من الضهر وهسه علي هم
قدمتله كيك وجاي
علي : شربت الجاي واكلت شوي علمود لتنتبهه
ومدحتها وكعدنا نسولف ونشاقه لحد مكتلهم تاخرت
وعدي دوام باجر وسلمت وطلعت واني بالي مشغول
ابعمي لان كلش احبه وعشق اشون اذا صارله شي
وهيه متعلقه بي نمت واني افكر
كعدت الصبح بدلت ورحت للدوام
بعد مرور شهرين ...
بهاي الفتره علاقتي زادت بعشق واروحلهم دائما
وعمي صحته بدت تتدهور واكثر من مره نقلنا
للمستشفى وعشق لهسه متعرف شي بس تبجي
ع ابوها وحالته وبيوم من الايام عشق اتصلت بيه
عمي متخربط ونقلنا للمستشفى وطلب يحجي ويانه اثنينه .....
عشق : بابا بهاي الفتره حالته تدهورت ومجاي اعرف السبب سالته يكلي تعبان شويه لتخافين مبيه شي
بيوم اتخربط وخابرت علي وبابا طلب يحجي ويانه بلمستشفى
ابو عشق : بابا عشق اني مريض وراح اموت
اريد اوصيج تنتبهين ع نفسج وتسمعين كلام ابن عمج
اني امنتج عنده هوه الوحيد الي اكدر امن بي
اريدج تكونين قويه وتنتبهين لدراستج
علي : عمي عشق امانه عندي وان شاء الله احافض عليها واخليها بعيوني بس لتعب نفسك ان شاء الله تكوم بسلامه رحت اجيب اكل وغراض الهم
لكيت عشق تبجي وتصرخ ركضتت
عششق شبيج شصاير ليش جاي تعيطين
عشق: علي ب ا ب ا مااات واغمى عليها
اني تخبلت عمي راح 😭 وعشق خفت عليها
اجوا دكاتره فحصوها وكالو متعرضه لصدمه عصبيه
وانطيناها مهدى وحتنام رحت كملت اجراءات لعمي
وخابرت كرايبنا وكرار واتصلت على ابوي
واني محتار اشون ابلغه بوفاه اخو الوحيد الي جان يحبه كلش اتصلت بي وبلغته وكال حيرجع وحده يحضر لدفن والفاتحه ويرجع يسافر لان امي عدها عمليه
سالني ع عشق اخخ يبت كلبي كتله نايمه من صدمه
عشق : كعدت واني اتذكر الصار عبالي حلم لكيت علي يمي كتله علي وين بابا
علي : كعدت عشق كتلها ها عمري شون صرتي
سالتني على ابوها كتلها عشق لازم تكونين قويه
عمي مات الله يرحمه بس هاي سنه الحياه
والحياه لازم تكمل
كعدت تبجي واني دموعها تحرك كلبي
متحملت اشوفها حضنتها حيل وضميتها لصدري
وهيه تشهك وادكلي بابا عافني ليش الكل يعوفني
اول شي امي وهسه ابوي كتلها اششش
لتكولين هيج انتي مالج ذنب اترحميلهم وادعيلهم
واني يمج ما اعوفج ابدد
صارت الفاتحه وعشق منهاره ومتقبل تاكل ولا تشرب
واني اروحلها تحضني وتكعد تبجي
طبعا خوال عشق واهل امها جوي بلفاتحه
اني صراحه ما ارتاح لخوالها لان طماعين
ومن ماتت اختهم كطعوا علاقتهم بعشق وعمي
لان مجانوا يحبوا وهسه جايين يردون ياخذون عشق
اني تخبلت مستحييل اخليهم ياخذوها
علي : خوالها ع عيني وع راسي بس عشق امانه عندي
ابوها خلاها يمي وراح تبقه يمي ومحد ياخذها
واني ابن عمها مو غريب وراح تعيش ابيت عمها
الخوال: اي بس انت شاب ولوحدك احنا منرضه بتنا تبقه يمك
علي : رضيتوا ولا لا ميهمني وعشق محد يكدر ياخذها
طبعا اني ادري بيهم همهم الورث ويدرون عمي معنده ولد وعنده خير من الله وكله باسم عشق
نط ابن خالها كال عشق حناخذها واني اريد اتزوجها
اني عصبت 😡 شون يريد يتزوج حبيبتي
اموته قبل لياخذها كتله تحلم ازوجها الك
كال اسالها يمكن توافق بوقتها متحملت وضربته بوكس
واهله حاولو يسحبوا كتلهم سمعوا مني بت عمي الي
مو للغريب وخطبتي عليها قريبا وانتوا ممعزومين
الكل اتفاجأ وميكدرون يحجون بعد بس رد خالها
كال ماشي بس اذا نسمع بيها عايشه وياك بدون خطوبه وزواج ناخذها

ما ادري اذا السويته صح او غلط بس انجبرت
مكدر اخليهم ياخذوها

يا ترى شنو رد فعل عشق من تعرف
وهل راح تقبل تزوج علي

انتظرونا بارتات الجايه