Sa likod ng kalayaan ay mga responsibilidad
Dinilat ko ang aking mga mata
Parehong mula sa panaginip at pangarap
Lumingon ako at nandun naghihintay ang mga nakakasawang gusali na araw araw kong pinaroroonan
Kahon
Punong-puno ng sulok
Araw araw na pakikipaglaban para sa sikmura
Nabubusog ang katawan ngunit hindi ang kaluluwa
Isang luha ang pumatak
Alay ko para sa mga nagpikit ng mata sa kanilang tunay na pangarap
Nakakasakal pero kailangan
Nakakapanghina pero kailangan
Masakit sa dibdib
Mahapdi sa lalamunan
Pero aabante dahil sa karalitaan
