حب الصدفة

صدفه ويمر بيه الغلا وهل الصدفه اتمنه ترد وتكحل عيوني بوجه سبحان رب الصوره

وصلت للبيت وتلكتني ماما واختي واخوي يمه شكد مشتاقه الهم بقينه نحجي للمغرب وسوت ماما عشه واني ساعدته بتحضير السفره وخاله خطيه من اجينه شويه ونامت لان هيه بقت كاعده بسياره تخاف عليه من كملنه العشا كعدته وتعشينه بعدين اني رحت نمت وهنه بقن الخوات يسولفن بابا جان عنده خفاره بل مستشفى رجع ثاني يوم وتعبان كبل نام اني بعد الريوك طلعت اكو بستان لجدو الله يرحمه مخلي بي فلاح هوه وعائلته بتهم جانت صديقتي بس تركت بلاول متوسط ماكملت تكول اول واخر للرجل شكو متعبه نفسي المهم رحت على البستان شفت عمو محمد الفلاح سلمت عليه وعلا ام ساره زوجته ترجوني اكعد يمهم وضيفوني جاي علاحطب يجنن طعمه بقت تسألني علا دراستي وسولفتله كالت الله يساعدج خاله سألته علا ساره كالت بلبيت جوه كتله غير وقت اجيه لوهيه تجي لبيتنه من زمان ماكعدت وياهه كالت ميخالف حبيبه اوديه الج من تكمل شغله طلعت منهم هوا البستان يرد الروح بقيت امشي لطرف البستان واكو شلون النهر زغير مسوي عمو محمد للبستان يسقي منه اباوع علا البطات يسبحن جان جو حلو مو حار ولا بارد معتدل صورت كم صوره لصديقاتي يشوفن الأجواء هنا 😜لان يكولن البصره بس حر وطلايب ههههه فدزيت الهن شوفن الجنه الاني بيه حالية اتصلن كامره وكلهن يصيحن واو ما واو شنو هاي نريد نجي يمكم بلعطله اخير السنه كتلهن اهلا وسهلا بس إيجار للونسه وللسكن اخيجن بيتنه واندمجت وياهن وكمت اضحك لان محد يمي براحتي احجي فجأة سمعت صوت وراي طفرت عبالي حيوان أو شي اشو هذا يتبسم بوجهي بلا سلام أو كلام وصافن انتبهت شالي واكع وناي احجي وي البنات ونسيت نفسي من انتبهت رأسا عدلته وكتلة العفو مامنتبهه بس انت شلون اندليت مكاني بعدين انتبهت لسوالي اني شكول 🤦‍♀️العفو سؤالي غبي كال لا دكتوره عادي اصلا صدك شلون لكيتج بس انتي بيتكم هنا يعني بهاي المنطقه كتله بلي هذا بستان جدو واحنه بيتنه بصف البستان لان بابا يحب الطبيعه فماانتقل عن هذا البيت رغم هوه دكتور بس ماكتلي انت وين ساكن كال بيت عمي ذاااك كدامج باوعت بصف البستان من الجهه الثانية يعني جيران تقريبا بس احنه مانخالط الجيران التهنينه بدراستنه بس احتمال ماما تعرفهم العفو بيت منو عمامك🤔 مهند. بيت شيج عامر نطفر لمهند وعائلته... وأخيرا تذكريني صار ساعه صافن المهم مرحبا اني مهند أحمد من بغداد اهلي اصلهم بصره بس صار ضروف وانتقلو لبغداد وصرت هناك اني الوحيد لأهلي ماكو غيري والوالد عنده معرض سيارات هناك واني طالب كلية طب الأسنان بغداد مواصفاتي لا تحمه عليكم شهد تره مو هلكد يعني بس اني طويل وجسم رياضي وعيوني حلوه وشعر مرتب والباقي شهد تحجي ما احب اتفيك وانغر 😜😅😅😅😅انطونه عطله للامتحانات وحبيت اخلصه يم بيت جدو علا كوله شهد 😅😅😅😅لا يأبه اني رجال بغدادي هههه المهم هسه تكولون إذا ابوك عنده معارض ليش اجيت عبريه وحته مو تكسي خلي احجي لكم اني الوحيد لأهلي الوالد عنده خير من الله اني سيارتي حديثه بس داخل بغداد مايسمح اطلع بيه لان يكول اني شبيه اخليك تسوق مسافه بعيده احتمال نعسان احتمال تتخربط لان اني هم عندي هاي مال السفر صارت بيه بسبب حادث شفته كبالي لعائلة انمردو بسياراتهم ماطلع هم غير كومة لحم واني شفت المنضر ضلت عندي هاي الفوبيا من اسوق هواي تجيني بابا كال لوكروتك مليون اني ادفعه بس ماتاخذ سيارتك اجيت اخذ تكسي كلت شهل ملل اصعد عبري اتونس بالناس صعدت واكو ثنين نسوان وراي البنيه نايمه ومغطيه وجهه من صعدت والمره بصفه وبينه بغداديه بس شتسوي للبصره معقوله هم تسياره مثلي 😏المهم توني بديت اغفى لان بليل مانمت ومااحس إله شي بارد وكع عليه رفعت راسي ماشفت إلى شمره بس المريه الوراي كامت بوجهي واعتذرت وذيج الوياهه بين هيه الوكعت العصير عليه وخايفه أو مستحيه لان ضامه وجهه كتله عادي تصير هيج شغلات من الأطفال ورجعت لمكاني وبالي يمه مبينه جبيره بس ضامه وجهه سمعته ضاجت من كلت زغيره وصلنه كراج البصره جان ابن عمي منتضرني رحت لكيته واكف علا صفحه سلمت عليه وسألني ليش هيج ممروده ملابسي عصير هههه كتله اكو طفله شمرته عليه بس ماشفت وجهه جانت خجلانه من الموقف شوية وجتي بنيه اعتذرت وجابت مي حته اغسل ملابسي بس سبحان الخالق راسمه رسم ملامح بغداديه وقالب بصراوي  المهم عرفت هيه دكتوره بجامعتي تفاجئات شلون ماشايفه يعني المثله ماتخفه عن العيون مثل الكمر وعرفت اسمع شهد يعني لايك ومتوالم وياهه  حاولنه نوصلهن ويانه ماقبلن لان حبيت اعرف وين تسكن بس للأسف العنوديه ماقبلت واتصلو علا ابوه واجه أخذهم وراحت 💔 بس دعيت الله اشوفه حتلو بلجامعه ورا العطله قررت ادواره ووصلت بيت عمو واللقاء الحار ولمه الاهل واتصلت ببابا طمنته عليه....😊 ♥️