السلام عليكم ورحمة الله وبركاته ..اللهم صل وسلم وبارك على نبينا محمد أما بعد،
___________________
كريم : بابا بابا
ابوه : اي ي كيمو يا حبيبي عاوز اي
كريم : هو مش انت قلتلي ان اي حد بيتوب لربنا قبل ما يموت ربنا بيقبلها و بيدخله الجنة امال ليه لما فرعون تاب قبل ما مات ربنا مقبلهاش وقال هيدخله النار و مش هيطلع منها ابدا ؟ مش ربنا دا رحيم و بيغفرلنا كلنا .
ابوه : بص يا حبيبي ربنا سبحانه وتعالى غفار و رحيم اوي بينا و بيقبل التوبة مننا كلنا بس عشان يقبلها لازم تكون في شروط للتائب و اولها هي انه يبقى ناوي التوبة بقلبه يعني يبقى نفسه يرجع لربنا بجد و حاسس بالندم ع اللي فات و مقرر انه يصلح علاقته مع ربنا و عاهد ع نفسه ميعصيش ربنا تاني ...لكن اللي بيتوب عشان هيموت و خايف من الموت مش من ربنا ف دا ربنا مبيقبلش توبته عارف ليه !؟
كريم : ليه يا ابي
بابا : عشان يحبيبي دا مبيبقاش عايز يتوب اصلا دا بس لقى نفسه هيموت قال اما الحق نفسي ع السريع وخلاص و لو الموت اتقدم يوم واحد بس هتلاقي اليوم دا بردو بيعصي فيه ربنا ف دا كدا مش صادق ف توبته ...عشان كدا فرعون اول ما لقى نفسه عاجز و مش قادر يلحق سيدنا موسى و هيغرق ومحدش هينقذه قال اما اتوب بقا و آمن بربنا اللي موسى بيقول عليه دا يمكن يكون عنده حق و في الحقيقة لو كان لي فرصة يلحق سيدنا موسى كان هيفضل يكفر بالله و يقتل المؤمنين بردو ...عارف ربنا قال التوبة لمين
كريم : لمين ي ابي
..قال (( إِنَّمَا التَّوْبَةُ عَلَى اللَّهِ لِلَّذِينَ يَعْمَلُونَ السُّوءَ بِجَهَالَةٍ ثُمَّ يَتُوبُونَ مِن قَرِيبٍ فَأُولَٰئِكَ يَتُوبُ اللَّهُ عَلَيْهِمْ ۗ وَكَانَ اللَّهُ عَلِيمًا حَكِيمًا)) ..طب عارف مين اللي ملهومش توبة ؟
كريم : مين يا ابي
بابا : قال (( وَلَيْسَتِ التَّوْبَةُ لِلَّذِينَ يَعْمَلُونَ السَّيِّئَاتِ حَتَّىٰ إِذَا حَضَرَ أَحَدَهُمُ الْمَوْتُ قَالَ إِنِّي تُبْتُ الْآنَ وَلَا الَّذِينَ يَمُوتُونَ وَهُمْ كُفَّارٌ ۚ أُولَٰئِكَ أَعْتَدْنَا لَهُمْ عَذَابًا أَلِيمًا )) .. لان ربنا زي ما هو غفور و رحيم فهو عادل و حكيم بردو ..فهمت بقا ي عم كيمو
كريم : ايوة ي ابي جزاك الله خيرا
بابا : و إياك أضعافه يا حبيبي .
______________
العبرة : التوبة ليها شروط :
1-نية القلب الصادقة
2- ترك الذنب تماما و الندم عليه
3- معاهدة الله ع عدم الرجوع الذنب
....مفيش حاجة اسمها اقول تبت الي الله قبل ما اموت و يبقا كدا خلاص ..احنا مبنضحكش ع ربنا ..التوبة لازم تبقى صادقة ف القلب قبل اللسان 🌠💕 الله يتوب علينا جميعا يارب💌
أنت تقرأ
هل لي بتوبة
Spiritual_ كلنا غلطنا و بنغلط لأننا بشر و طبيعي نتعثر و نقع كل فترة و لكن السؤال هنا هل كلنا بنرجع؟ ⁉️ _ الشيطان كل أمله إننا نبعد عن ربنا و نقع منقومش و منرجعش.. يزينلنا الحرام و يخلينا مدمنين عليه ووقت ما نقول هنتوب و نرجع يقولنا تتوبوا! بعد اللي عملتوا...
