بسم الله الرحمن الرحيم ، اللهم صل وسلم وبارك على نبينا محمد أما بعد ،
الشق التاني : الفتن هتعرض عليك بالمجان ولو مجتش من السكة دي دايما الشيطان هيصورلك انك غلط واللي بتعمله دا ملوش لازمة وانا ربنا مش هيغفرلك ابدا انت اصلا مفيش فايدة فيك، 🐸
____________
تقى : انا تعبت انا توبت لربنا بس مش عارفة توبتي اتقبلت ولا لاء و كل شوية نفس الذنوب تتحط قدامي من تاني انا مش عارفة ابعد عن اي ولا اي انا مفيش ذنب إلا و اتعرض عليه اعمله تاني..انا تعبت من الصراع دا
نورا : بصي يبنتي لازم تبقى عارفة ان لحظة عرض الفتن ع التائب بعد توبته دا حاجة كدا عند الشيطان زي خط ال 18 منها للجون ع طول ..يا يجيب الجون يا يخسر الماتش كله وانتي اللي بتحددي هتسيبي الكورة تدخل ولا هتقفي و تتصديلها ..هتبطلي اغاني هتلاقي اكتر اغنية بتجبيها شغالة ف كل حتة ..هتغض بصرك هتلاقي كل يوم ملايين الصور و الفيديوهات اللي تفتنك ..هتنتظم ف الصلاة هتلاقى الف حاجة وراك وقت الآذان ...كل دي اختبارات يا تكسبي ي الشيطان ينتصر و الشيطان لو انتصر مرة ممكن ينتصر الف مرة ...و كله حسب تعاملك معاه لو مشيتي معاه واحدة واحدة يبقى هترجعي اوحش من الاول ولو بعدتي و استعذتي بالله ف هو معلوش سلطان عليكي ..الشيطان بيغوينا بس مش بيجبرنا.
_ ربنا بذاته عز وجل قال انه يقبل التوبة عن عباده و يعفو عن السيئات نيجي احنا نقول لا مش هتقبل ..جاهدي نفسك ي تقى...مكان فيه فتنة قومي اهربي منه و اشغلي نفسك بأي حاجة مرة ف مرة هتلاقيكي خلاص مبقاش جهاد نفس دا بقا راحة النفس ف ترك المعصية.
__________________
العبرة : اوعا تيأس من رحمة ربنا توب مليون مرة بعد كل ذنب ..اوعا تتجرجر مع الشيطان اول ما يجيلك اديلو ع دماغه ع طول ..والله الشيطان مش مستني منك غير فرصة واحدة والباقي عليه اوعا تتيح له الفرصة دي .💛🌠
أنت تقرأ
هل لي بتوبة
Espiritual_ كلنا غلطنا و بنغلط لأننا بشر و طبيعي نتعثر و نقع كل فترة و لكن السؤال هنا هل كلنا بنرجع؟ ⁉️ _ الشيطان كل أمله إننا نبعد عن ربنا و نقع منقومش و منرجعش.. يزينلنا الحرام و يخلينا مدمنين عليه ووقت ما نقول هنتوب و نرجع يقولنا تتوبوا! بعد اللي عملتوا...
