لم تكن النهايه

الجزء الثاني

دنا طالبه متفوقه بدراستها اهلها بهتمو بتعليمها وعلاماتها كتير وهيه كل همها علاماتها ودراستها وكان حلمها لما تكبر تكون طبيبه ولكن هل رح يتحقق حلمها والا لا؟
#تجري الرياح كما لا تشتهي السفن .....
دنا عندها أخ اصغر منها بأربع سنوات اسمه ابراهيم وأختها جنى اصغر منها بخمس سنوات واختها غنى اخر العنقود اصغر منها بعشر سنوات
ابوها شديد كتير عليها وع امها وخواتها عمره 39 سنه بحبهم كتير وكريم عليهم شو ما طلبوه بجيبه الهم بثواني لكن ما حدا كامل كان اله علاقه مع بنت غير ام دنا بالرغم من حبه الشديد لزوجته لكن متل ما بحكي المتل ما بعبي عين الزلمه غير التراب
ام دنا عمرها38سنه امرأه بسيطه زوجه مثاليه وأم حنونه بالرغم من علاقة زوجها ولكنها تعشقه عشق لحد الجنون مستعده بأن تتخلى عن كل ما تملك في سبيل سعادته وسعادة ابناءها وهو نفس الامر رغم علاقاته ولكنه مقتنع اقتناع كامل انها علاقات عابره والعلاقه الدائمه هي علاقته بزوجته الحبيبه فقط
دنا حساسه جدا بهذا الامر دائما تتمنى أن يتغير ابيها لا ننكر بأنها تخجل امام صديقاتها من معظم تصرفات ابيها ولكن تبقى المقوله العظيمه كل فتاه بأبيها معجبه ودنا من أكبر المعجبين بأبيها تعشقه عشق لا مثيل له ولكن هذه البذره السيئه بأبيها تكرهها
أبو دنا (اغلى اشي بحياتي مرتي واولادي همه حياتي كلها مستحيل ييجي يوم وأتخلى عنهم بحياتي بعرف انه بزعلهم شوي بتصرفاتي لكن تصرفاتي هاي الها سبب بخاف ييجي يوم وبناتي يخجلو اني ابوهم او انه ابني يستحي مني قدام الناس والي بخوف اكثر انه يكون الي بسويه انا حرام وربنا يعاقبني في بناتي بس انا رح احمي بناتي من نسمة الهوا وما رح اخلي اي شب يلعب بمشاعرهم بس انشالله ييجي يوم ويفهمو ليه هيك انا بسوي )(بلشت قصتي مع بنت من نفس قريتي من5سنوات هاي البنت الها 3خوات وحده متجوزه و2 لا وابوهم ميت من 10 سنين وهمه تحت رحمة اخوهم الوحيد وعلاقاتهم مع اعمامهم واخوالهم مقطوعه)(انا بشتغل مهندس معماري كنت بشتغل عندهم قبل5 سنوات بخطط الهم في بيت حسيت عيلتهم شوي متحرره يعني البنات يقعدو معي عادي وبدون حجاب بحجة اني ابن حارتهم لما شفت الوضع هيك صرت آخد مرتي معي عليهم مشان ما يتجاوزو الحدود معي المهم اتطورت علاقتنا مع العيله وصرنا انروح ونيجي عليهم كثير في ليله من اليالي كنت قاعد لحالي مرتي اهلها اجاني اتصال من رقم غريب رديت عليه
:الو
الغريب :ابو ابراهيم
ابو ابراهيم الي هوه ابو دنا:اه اتفضلي نعم اختي
الغريب:انا احلام يخي داخله ع الله ثم عليك
ابو ابراهيم استغرب من الاتصال ولما سمعها بتحكيله هيك خاف:ابشري يا خيتي الك الي بدك اياه
احلام:يخي اخوي متعاطي وحاول يتحرش فيي انا واخواتي وامي كبيره ما قدرت عليه يخي انقذني
ابو ابراهيم وقف شعر جسمه لما سمع هيك القصه وطبعا اخلاقه ما بتسمحله انه يتركها وهو عارف انه ما وراها الا العاطل هاد (هاد الي دابحه طيبة قلبه الزايده):ولا يهمك يخيتي خلص فوتي انتي وامك واخواتك ع غرفه وسكرو ع حالكو وهيني جاي
احلام:يخي يا ابو ابراهيم الله يخليلك عيالك لا اتخبر الشرطه والله امي بتنجلط وبتموت
ابو ابراهيم سكرت الدنيا في وجهه لما سمعها بتترجاه:خلص ولا يهمك سوي مثل ما قلتلك وهيني جاي
راح ابو دنا عليهم وحاول يصحي ضمير اخوهم الميت بس لو انه حكا مع حجر ممكن فهم وهو ما فهم
المهم من هون بلشت علاقة التلفونات مع البنت ضلت كثير اترن علي وصرت كثير اروح عليهم صرت حاس بالمسؤوليه تجاه هاي العيله ما بعرف ليه طبعا بعلم مرتي لكن مع الوقت مرتي بطلت اتحب هاد الشي لانه حسيت انه انا زودتها شوي مع البنت صرت كل ما فيي انجذب للبنت ما بعرف شو السبب بس صرت انجذب الها بشكل كبير طلعو اشاعات علينا بالحاره انه انا واحلام بنحب بعض بس انا ما كنت احبها انا بحب مرتي ،مع مرور الوقت اتجوزو كل خواتها وضلت هيه لحالها في البيت عند امها واخوها ما بنكر اني كنت افكر اتجوزها بس ما كنت بدي اجرح مرتي لانها مرتي ما بتستاهل ولهيك اتطورت علاقتي في البنت حتى صرت اضل ارن عليها كل ساعه مشان اتطمن انه اخوها العاطل ما قرب الها )
ام دنا(كنت بعرف بعلاقة جوزي مع البنت بس ما كنت قادره ابرر للناس شو سبب العلاقه لانه جوزي واعد البنت انه ما حدا يعرف بقصة اخوها المهم مع الوقت الوضع اتطور وصار كلام الناس كثير وحسيت جوزي بلش يتغير معي كل ما زاد كلام الناس كل مازادت مشاكلي مع جوزي قطعت علاقتي مع البنت لانها زودتها وحكيت الها ابعدي عن جوزي بس بحسها هيه ما بدها تبعد وبتحبه وبدها اياه هون انقهرت انا وكل ما يزيد كلام الناس كل ما اتزيد المشاكل ببيتنا ما كنت حابه ادخل اهلي واهله بالموضوع لاني ما بحب حدا يتشمت فيي او اني ابين جوزي صغير قدام اي حدا لهيك ما كان بأيدي الا اني اصبر مشان اولادي واهم اشي بناتي ما بدي اهملهم واتركهم وجوزي ما بستاهل اني اتركه بحبني وبحترمني ومستحيل الاقي حدا يحبني ويحب اولاده متله  لهيك ضليت صابره على امل البنت تتجوز وتطلع من حياتنا )
#ربما تحبني لكنك °•ضمنت وجودي ف اهملتني......
صرت احس انه ابو ابراهيم اتغير علي كتير بطل متل زمان كان لما يكون بشغله كل نص ساعه يرن علي هسا ما برن الا اذا انا رنيت ويتحجج بالشغل ويحكي معي ثواني بس ويروح صرت انبسط لما يحكي معي دقيقه صار يهملني كثير غير عن عادته بتذكر مره حكيت اله اتركها وما رضي ورحت زعلانه لأهلي واجا رجعني وحكالي خلص تركتها وبعد فتره اكتشفت انه معه تلفون ثاني وبحكي معها منه صارت مشاكلي معه اتأثر ع نفسيتي ونفسية اطفالي لهيك بعد فتره بطلت اهتم اله مشان اطفالي ايقنت انه اطفالي احسن بكثير من مشاكلي معه(دائما الام هي المضحيه بكل اشي حتى بمشاعرها)
#بعثرتني وأنا أموت لأجمعك
وتركتني فمضى الفؤاد ليتبعك
وبقيت أسأل خنجرا أغمدته
أتراه حين قتلتني قد أوجعك؟
دنا (مشاكل اهلي كتير بتوجعني دائما بسأل حالي ليش كل هالمشاكل بحياتنا دائما بحاول احمل المسؤوليه مع امي مشان اريحها امي ما بتستاهل انها تبكي انا كتير شخصية ضعيفه ما بقدر ادافع عن امي ولا بقدر احكي مع ابوي دائما بحاول اسأل بابا ليش هيك انت بتعمل بأمي أمي كتير بتحبك ليش بتخليها تبكي بس انا بخاف شوي منه هوه بابا ما بخوف وما بضربنا ابدا وكتير حنون معنا بس ما بعرف ليه بخاف منه يمكن لانه شديد شوي دائما بحاول اخلي اخواني الصغار بعيدين عن هدول المشاكل ما بدي اياهم يعيشو الي انا عشته ما بدي اياهم يصيرو يبتسمو بدون نفس بدي اياهم يحبو يروحو ع المدرسه مشان اصحابهم ومشان يتعلمو مش متلي يحبو يروحو ع المدرسه مشان ينسو همومهم شوي انا كتير شاطره بالمدرسه وبحب الدراسه كتير وعندي حلم بدي احققه مشان ارفع راس ماما وبابا فيي واخليهم يفتخرو فيي بدي اصير دكتوره مشان اشتري لامي الي بدها اياه مشان ما اتصيح ومشان اصير قويه واحكي لبابا يترك احلام الكلبه دائما انا بدعي اني انجح بالتوجيهي واجيب معدل عالي مشان احقق احلام ماما كلها ومشان تتغير حياتنا كلها بعد ما انجح ويا ريتني ضليت صغيره وما نجحت )
نرجع لأحداث روايتي شوي
#وفي داخلي وجع مؤذي .. وصدمات خرساء وهنالك خيبة والكثير من اليأس ممزوجاً بتلبد أفقدني لذة الحياة .....
صباح جديد على دنا لا تعرف معناه لا تعرف ماذا يخبىء لها بين ثناياه (فتحت عيوني اليوم وعارفه انه رح يكون كتير صعب علي هاد اليوم متل اليومين الماضيين )
قبل يومين الساعه 5 الفجراستيقظت دنا ع صوت امها مفجوعه:دنا دنا
دنا بكسل:همممممم
ام دنا قلبها حسها انه فيه مصيبه (سبحان الله قلب الام ):قومي يا دنا شوفي تلفونك عندك
دنا فتحت عيونها واتذكرت آخر اشي انها كانت بتحكي مع معتصم وشكلها غفت وهيه مش منتبهه قامت من ع تختها بفزع اتدور تلفونها وما لقته
ام دنا:لقيتيه والا لا
دنا بخوف :لا يا ماما ويييينه
ام دنا :شكله ابوكي اخده لانه ضل فايت طالع عليكي خلص نامي
ام دنا ما بتعرف ف المصيبه الي بنتها فيها ،هسا دنا ما كانت بدها تحكي لامها الا لما تتاكد انه التلفون مو موجود  مشان ما تتورط مع امها ع الفاضي
دورت عليه كل الغرفه وما لقته وما كان عندها حل الا انه تحكي لامها خلص
قبل 4 سنوات
عصوم واحمد قاعدين عند دار احمد
عصوم :يزم يلعن العالم البنت مي قالبه تزبط
أحمد:عصوم تراك زودتها مع البنت كثيييييييير اعطيتها اكثر من حجمها افففف يا رجل لوني منك خلص خليها تولي
عصوم:انطم احسن ليك
احمد:انت ع ويه ذابح حالك عليها فيه مليون وحده احسن منها
عصوم :انا ودي هاذي ماليك دخل انت
احمد:طب لويه بتسولف معاي من خشمك (كان بده يقوم الا عصوم مسكه)
عصوم وهوه ماسكه:خلص يزم اقعد
قعد احمد :انت من لما شفت البنت وانت منجن
عصوم :والله ما عمري شفت مثلها بحسها مي مثل البنات الباقيه انا يا احمد ما صرت اضحك من قلبي الا لما اشوفها لما اشوفها بنسى قرف ابوي شوي يزم
احمد حزن عليه:طب ويش انسوي البنت ثقيله
عصوم طلعت ااااه من قلبه:اسمع والله اني انجنيت قال لما اروح من المدرسه بفتح حساب اخوها ع الفيس وبصير اعلق عنده ونفس الاشي عند ابوها
احمد بضحكه:ههههه منت صاحي
عصوم:اه والله يا خوك
دنا وميساء عند جدودهم قاعدات
ميساء:ترا يا دنا عصوم زودها
دنا بضيقه :والله عارفه انه زودها قلت يمكن اذا طنشته بزهق وخلص بس لا كل ما اطنشه بزيد
ميساء:هوه لو يوقف على تصرفاته بالمدرسه اشوى ويبطل يمشي معاكي لما تروحي
دنا:هاد الي قاهرني والله خايفه الناس تشوفو بمشي وراي واتفكرني اني بحبه ويفضحني والا ابوي اذا ركز انه بمشي معي كل يوم غير يقوم الدنيا وما يقعدها (التفتت ع ميساء وقالت بخوف)امي انتبهت اله وحكيت الها ما بعرفه
ميساء:قولي والله
دنا:والله العظيم لازم يا ميساء احط اله حد والا والله بوقعني في مصايب
ميساء:اه والله حاولي فيه بلكي استحى ع حاله