لم تكن النهايه

الجزء الخامس

في بيت ام سليمان (جدة دنا ام امها )

:والله يا عمه ما كان قصدي عليها والله العظيم انه شفته المنشور وعملت اله نسخ ولصقته ع حسابي ما كنت بتحسب عليها
ام سليمان :طيب يما هيه لويه فكرت انه عليها
انوار (مرت حسان اخو سليمان (ابو محمد) عمرها 22 سنه الها سنه متجوزه حامل ، من لما اتجوزت ما اتهنت بسبب مرت سليمان منكده عليها حياتها بتغار منها كثيير لانها سلفتها الوحيده دائما بتحاول تقنع حالها انه بيت احماها بحبو انوار اكتر منها بس همه اكيد ما بفرقو بين التنتين ، كل اشي بتجيبه انوار لازم اتجيب مثله لما انوار تطلع مع جوزها رحله الا تطلع مع سليمان ، كل حركه بتسويها انوار بتفكرها بتجاكرها يعني من الآخر بتغار كثيييير منها بشكل مجنون (مرا متخلفه )،،،،،،خلينا نحكي عن صفات انوار شويه ،،،بنت كتييير حبوبه وحنونه بتحب اهل جوزها كتير وعلاقتها معهم كتير قويه بس علاقتها مع دلال الي هيه ام دنا غير عن الكل كثييير كثيير منيحه  بتحبها كثير ،دلال اصلا حنونه عليها والي زاد محبتها لدلال انه حسان بحب دلال مثل امه (حسان اصغر واحد ودلال ربته مثل ابنها) اما بالنسبه لعلاقتها بدنا قويه لأبعد حد كثير بحبو بعض وما بخبو ع بعض اشي يعني بالاحرى صاحبات ،،، وانوار بتصير صاحبة رشا مرت موسى اخو معتصم الروح بالروح من ايام المدرسه صاحبات ): عمه انتي عارفيتها انها متخلفه كل اشي بسويه انا بتفكره عليها والا بجاكر فيها

(طبعا المشكله بين انوار وام محمد لانه انوار ناشره منشور على الفيس (طبعا المنشور عادي وما فيه اي غلط) وام محمد بتفكره عليها (مشكله سخيفه ومتخلفه مثل ام محمد ) وقلبت راس سليمان ع اخوه ومرته لما اتناقرو هاذ بقول انه المنشور ع مرتي والثاني بقول انها ما قصدت )
حسان الي قاعد جنب امه (حسان عمره 24 سنه اصغر اخوانه (اكبرهم ابو محمد وبعده دلال ام دنا وام ميساء (توأم) وبعدهم حسان ):اسمعي علي هاذي منال (ام محمد)بتحضريها فيس وواتس وبتمسحي رقمها وبتفكيني من شرها وانتهينا خلص
انوار :طيب يا حسان
ام سليمان :انت يما ما لازم اتضل زعلان من اخوك انت عارف انه اخوك شوره مو من راسه
حسان :يما انا منا زعلان بس مصدوم منه قاطعني مشان مشاكل نسوان
ام سليمان :حسبي الله ونعم الوكيل يما

في بيت موسى
رشا بتصحي في موسى الي نايم : موسى حبيبي يلا قوم الساعه صارت 6
موسى :هممممممممم
رشا قربت باسته ع عينه :يلا يا روحي قوم
موسى فتح عيونه وشاف احلى اشي بحياته قدامه ابتسم الها :يلا قلبي هسا بصحى
رشا ابتسمت اله : يا روحي يلا مشان انروح عند عمتي حكيت الها انه رح نجيكي العصر اتأخرنا عليها
قرب منها ولف اديه حول خصرها وحط جبينه ع جبينها وحكا بصوت اشبه بالهمس:عادي يعمري امي بتستنى شوي
رشا استحت منه :موسى نغم وخالد(اولادهم) برا
موسى بنفس الاسلوب : الباب مسكر عادي
رشا بتحاول تبعد عنه بس ع الفاضي : حبيبي بس 
موسى ولا كأنها بتحكي بحركه منه صارت تحته وهوه فوقها .................

#وكنتُ خَليًا لستُ أعرفُ ما الهوا
فَ أصبحتُ حَيًا والفؤادُ متيمُ.....

عند احلام بتحكي مع اختها ع التلفون
:اسمعي اعطيني الرقم هضاك
اختها بخبث عارفه في نوايا اختها :ههههه ابشري ما طلبتي اشي
احلام بنرفزه :يلا بلا كلام زايد هاتيه
اختها : هسا ببعثه الك واتس
احلام :طب انقلعي سلام (وفصلت الخط بدون ما تسمع رد اختها ،واستنت دقيقه وبعثت الها الرقم ،اول ما وصلها الرقم رنت عليه )
:الو السلام عليكم ....عرفتني ....انا الي حكت اختي معاك مشاني ....اه انا اخت سعاد ....اه يا ابو فلاح .....طيب كل الي بتحتاجه بكون عندك والمبلغ الي ودك اياه كمان .....خلص اتفقنا بحاول اشوف اقرب وقت بقدر عليه بكون عندك .......انا اهم اشي عندي انه يكره مرته ويحبني انا ويتجوزني .....طيب ماشي ........مع السلامه
احلام بتحكي مع حالها :ايوااا هاض الصح ما بتجي يا سالم غير في العين الحمرا انا يا حقير بتفضل الزفت دلال عني انا بفرجيكو

في بيت اهل عصوم
عيسى :خلص يما بعثو ليكي الصور وهيمه مثل القرود ما فيهم اشي
امه :ما بعرف يما قلبي ناغزني عصوم ما بروح ع شغله بدون ما يشوفني
عيسى بحاول يهدي ع امه :يما عصوم هاض عقله لاسع منتي عارفيته
(قطع كلامهم فوتت يوسف ):قوهم
امه :هلا يما
عيسى :حيالله
يوسف اعطى عيسى نظره وقعد
عيسى :هههههه اخس يالعاطل بتعزم عصوم ع الغدا وانا لا
يوسف :انخرس
امه قاطعت كلامهم :يما وين اخوك
يوسف :يا عمري يا روحي يا قلبي في الشغل
امه مع انه قلبها مو مريحها بس خلص تعبت قد ما بتسأل وهمه بقولو انه في الشغل والي اكثر خلاها تهدا شوي صورته : خير يما
يوسف : هاه وينوه موسى وقومه اليوم
امه : قالو انهم جايين بس اتأخرو
عيسى : اسكتو بس لا تجيبو سيرتهم هسا بنطو وانهم عنا خلينا نرتاح منهم ومن قرودهم اليوم
يوسف وامه :ههههههههههه

في بيت اهل دنا
: اسمعي احترمي حالكي احنا سكتنا ليكي كثير بس تراكي اتماديتي
ام محمد : انا الي اتماديت حسبي الله ونعم الوكيل فيكو كلكو الله يوخذ حقي منكو
دلال: لا حول ولاقوة الا بالله انتي ما بتتعبي من لعب دور الضحيه
ام محمد : الله يلعنكي انتي وتربايتك .....
دلال اتنرفزت وقاطعتها : الله يلعنكي انتي ،بنتي اشرف من اشكالكي وانتي عارفه هالاشي بكفي انها بتحترم الكبير وما بتغلط ع الرايح والجاي واسمعي علي اصلا انا ما بستناكي اترني تتفلسفي واتقولي ويش صار مع بنتي اليوم ،قالتلي قبل ما تقولي انتي و قلت ليها لويه اتقولي لمحمد خوفا من لسانكي بس حسبي الله ونعم الوكيل حرمتينا من عيال اخونا وودكي تحرمينا من اخونا بس الله ع الظالم  (وفصلت الخط بوجهها بدون ما تسمع ردها ورنت ع سليمان )

عند منال ام محمد مصدومه من دلال عمرها ما حكت معها بهالطريقه دائما كانت تحترمها وما ترفع صوتها عليها بحكم العمر بس هالمره غير حكت معها بأسلوب ما كانت بتتوقع انها تحكي فيه.
(الام دائما تتحول الى وحش مفترس لمن يحاول ان يؤذي ابنائها )

عند سليمان
:هلا في الغاليه
دلال :هلا يا خوي
سليمان استغرب من نبرة صوتها :شلونكي وشلون جوزكي وعيالكي
دلال :الحمدلله يخوي بخير بسلمو عليك
سليمان :دوم يخيتي اتضلو بخير
دلال: والله يا خوي رنيت عليك اشكيلك ما عمري اتوقعت اني انهان بعد ابوي وانت اخوي
سليمان بعصبيه : خسا الي وده يهينكي يا اخت سليمان خير يا خيتي
دلال: هاذ عشمنا فيك يخي ودي اسولف عليك السالفه من اولها
سليمان خاف ع اخته : سولفي يا خيتي وما عاش الي وده يزعلكي وخشمي بشم الهوا
دلال : الله يطول عمرك يا خي ،والله يا خوي انت بتعرف دنا كيف بتحبك انت ومحمد وحسان كثييير وعلاقتها معكو غير وانت عارف ابوها ما بحب علاقة دنا مع عيال عمامها وعيال عماتها بس ابنك محمد غير عنهم
سليمان : والي وده يقول غير هيه بقطع لسانه
دلال : يخوي بنتي هان عند اعمامها شخصيتها ضعيفه وما بتطلع الي جواتها الا عندكو وانتو بالنسبه الها سندها وعزوتها
سليمان : يخيتي كلنا بنعرف هاض الكلام بس يلا سولفي ويش صاير
دلال : يا سليمان روحت اليوم دنا علي من المدرسه وبتقول انه فيه شب اله فتره بذايقها وما قدرت تحكي لناس ابوها مجنون واهل ابوها ما بتندمج معاهم كثير حتى تشتكي الهم المهم يخوي ما لقت غير محمد ويخي ابنك نشمي مثلك وشرواك ما قصر معاها
سليمان :محلاه وهوه مقصر مع بنت عمته مشان اقطع رجله
دلال :بعيد الشر عنك وعنه يخوي ، بس يخوي الي بزعل في هاذ الموضوع انها رنت منال علي وبتسب وحالتها حاله وبتلعن فيي وفي بنتي وغلطت علينا كثير وانت عارف يا سليمان اني عمري ما غلطت ع مرتك ولا رفعت صوتي عليها بس عند بنتي لا خط احمر يخي الي بقهر انها بتشكك في ترباية بنتي والي قهرني اكثر واكثر بنتك عهود غلطت ع دنا في المدرسه وانت عارف دنا كيف تربايتها
سليمان انخزى ما عرف ايش بده يحكي : يخيتي والله منا عارف ويش اقول بس حقكي ع راسي من فوق وليكي الي يرضيكي
دلال: يخي ما ودي منك اشي بس حبيت احطك في الصوره لأني بعرف منال
(خلصت مكالمة دلال من اخوها بعد ما فهمته القصه كلها وطلعت تقعد عند جوزها وولادها ،طبعا ما حكو لسالم اشي عن الموضوع )
دنا : بابا شوف كم جبت بامتحاني
سالم : ماشاء الله عفيه ع بنتي الشاطره
ابراهيم :بابا مو بس دنا شاطره وانا شاطر كمان جبت علامه كامله
سالم :عفيه عليكو كلكو عيالي الشطار ولانكو شاطرين رح اوديكو رحله لما اتخلصو هاض الفصل
الولاد كلهم راحو لابوهم والي عند رجليه والي عند ظهره والي ماسك ايده :وين يا بابااااااا
سالم : هههههههههههه وين ما ودكو
غنى الي مي فاهمه اشي :بابا بابا بابا
سالم :عيون البابا
عنى : بحبتتتت
سالم :هههههه وانا بحبتتت
فاتت دلال وشافتهم مبسوطين واكيد نست زعلها : شو فرحوني معكو
دنا راحت لامها وحكت بفرحه :بابا بده ايطلعنا رحله بعد ما انعطل 
امها ابتسمت من قلبها لبنتها المبسوطه : عنجد
دنا : اه يا ماما
راحت دلال وقعدت جنب سالم وولادهم حواليهم وبضحكو وبحكو وكل واحد بجاكر في التاني ببراءه وسالم كل شوي بطل ع دلال الي بعشقها وبعشق كل اشي منها

# ”وحسبتُها مِن فَرطِ ما أحببتُها ....
..  جـنات ِعـدنٍ في ديـارِ فَانية  .....
 
عند عصوم بالمحل بعد ما وصل الساعه 6 بلش دوامه بس مو مثل دائما ضل بس سرحان وبفكر اجاه صاحب المحل
: ها ويش يا عصوم
عصوم : هلا يابو كمال
:عنامك يا ابني ويش فيه
عصوم اثرت فيه الكلمه هاي اول مره بحياته كلها يحتاج ابوه فيها : ما عنامني اشي بس تعبان شوي
ابو كمال : رن علي اليوم يوسف وقال انك ما ودك تجي لويه جيت
عصوم :انا ما بعرف اقعد بدون شغل
وكمل كلام مع صاحب المحل لحتى نسى تفكيره بدنا الي ذبحه شوي

في بيت ابو محمد
محمد بملل : يقلبي والله انها مثل اختي
شهد : طب لويه اتدافع عنها مثل هيك بنص المدرسه
محمد ما بحب يحكي عن اهله لشهد لانه ما بحبها بس هيه ملزقه فيه حكا بكل جديه خلت شهد تستغرب من نبرت صوته :شهد قلت انها مثل اختي خلص انتهى الكلام
شهد بزعل : طيب
محمد ولا همه : اه ويش فيه ما فيه
شهد بنفس الاسلوب : صافيه وافيه سلامتك
(قطع كلامهم صوت الباب )
محمد: ثواني
شهد :تمام
محمد بحكي مع الي ع الباب : ميييييييييين
علا : انا علا
محمد طبعا ما رح يصرفها مشان شهد :فوتي يا علا
محمد بوجه كلامه لشهد الي ع التلفون : طيب بحكي معك بعدين (وفصل قبل ما يسمع ردها )
علا غمزتله : مع مين بترندف
محمد بتأفف : مع اللزقه منا عارف كيف ودي اصرفها مزنخها
علا :ههههه بتستاهل
محمد :ويشدكي انتي
علا اتذكرت ليش جايه :اه صح ويش صاير معاك اليوم سمعت عهود بتحكي لعنود وجيت اسمع منك انت
محمد اتذكر امه واتذايق شوي واكيد علا ركزت انه اتذايق :عنامك يا محمد
(وحكا محمد لعلا كل القصه )
محمد :وهاض كل الي صار
علا : الله يسامح امي بس
محمد  الي لسا ما بعرف انها امه حكت مع عمته:اه والله بس احنا لو يصح لينا من هالسوسه
علا : ههههه اه والله ام لسان (اتذكرت دنا )ول ع قلبي يا دنا
محمد اتذكر دنا وسكت
(قطع عليهم فوتت السوسه بدون احم ولا دستور : تعالو ابوي مجمعنا وده ايانا )
استغرب محمد وعلا بس راحو بكل طاعه لأوامر ابوهم

جالس بغرفة الجلوس بيده هاتف طفلته حبيبته مصدوم من فعلتها ،هذه طفلتي لم فعلت هكذا بي ما الذي فعلته لها حتى تفعل بي هذا ، لم فضلت الغريب على ابيها ، ما الذي يملكه هذا الغريب شيء جعلها تفضله علي ،اااااه يا طفلتي لما فعلتي ذلك لما كسرتيني هكذا ، أيعقل ان الله ارسلكي لي لينتقم مني لما فعلته بأمك ااااه يا رب لا تعاقبني بأبنائي لا تعاقبني بطفلتي انني ظلمت امها عاقبني بصحتي بنفسي بمالي بأي شيء آخر الا ابنائي الا اطفالي ......(قاطع حديثه مع نفسه دخول زوجته )
فاتت دلال ع زوجها وعامله حالها مش عارفه اشي مشان ما يعرف انه دنا صاحيه :سالم لويه صاحي
سالم حط عينه عليها ورجع نظره ع تلفون دنا يقرأ دردشتها مع معتصم : فوتي افرجيكي لويه صاحي
فاتت دلال واعطاها التلفون وقرأت جزء من دردشة بنتها

(ااااااااه يا دنا لما فعلتِ هذا يا طفلتي لما جعلتني اجلس مكسوره هكذا بجانب والدك دائما كنت اجلس مفتخره بنفسي وبأبنائي لما جعلتيني اليوم اجلس هكذا مكسوره خجلانه لا أنكر أنني خجلت بأن انظر الى عيني والدك بسببك يا طفلتي لم فعلت هذا دائما كنت احذرك يا صغيرتي بأن لا تلتفتي الى اشباه الرجال لم لا تسمعي الكلام لم كنتِ عنيده كوالدك لما يا حبيبتي )
دلال اتصنمت مكانها ما كانت متوقعه انها رح تنحط بهاد الموقف يوما : انا بعرف عنه الشب
سالم اتطلع عليها بستناها اتكمل اما هيه اتشنجت مكانها من النظره : حكت الي دنا عنه بعد ما نجحت بالتوجيهي انه بده اياها وامه بدها تحكي معي
سالم : كنتي بتعرفي انها بتحكي معه
دلال انصدمت منه ما اتوقعت يسألها متل هيك سؤال بس عذرته : لا يا سالم حكت الي انه اخو صاحبتها
سالم قام معصب وبأعلى صوت عنده : الله يلعنها ويلعنه الكلب ويلعن صاحبتها ويلعن تربايتكي معاهم هاذي تربايتكييييييييييييي شفتيهاااااااا
دلال اتنرفزت : ترباااايتي والا من بلااااااااااااااويك يا ساااااالم لا والله هاض ربنا بنتقم منك فيهاااا
(ومثل كل مره يغلط بها الابن ،يقومان ابواه على لوم كل منهما الآخر الاب يقول هذا منكِ والام تقول هذا منكَ ،والفرق الوحيد بين الجملتين هو الفتحه والكسره وكسرة ابنهما ،ينسيان انه بمرحلة مراهقه يجب ان يغلط ليتعلم وينسيان بدل ان يلومان بعضهما ان ينصحا ابنهما ، ودائما الحل الامثل عندنا هو الضرب )

عند دنا مسكت تلفون امها وبعثت رساله لأنوار مرت خالها  تبعث لرشا مرت موسى انه ابوها عرف عنها وعن معتصم وخلي معتصم يتصرف ومسحت الرساله وعملت حالها نايمه

# شكرآ لك لقد أهديتني الخيبه في ملف أنيق...........