وصله كتاب سحبه إلى عالم سكانه شاهقو الطول، فهل سيصبح بومقيو قطعة حليّ أم حيوانًا أليفًا لهم؟
«أرجوك، أنا بحاجة للاختباء هنا بعضًا من الوقت.»
تشوي بومقيو
مكتملة من فصلين💙✨
الفائزة بالقلم الثامن عشر بمسابقة «أقلام فانتازية»
جميع الحقوق محفوظة لي ككات...
السنة الي طافت سويت تصويت في انستا عشان اكتب قصة قصيرة لعيدميلادي، وقررت اني اسوي نفس الشي هالسنة. لكن المشكلة كانت في ان ماعندي اي فكرة لشنو بكتب وعلى شنو بيكون التصويت، لين جامعتنا قررت تعلن عن مسابقة قصة قصيرة وصار عندي هدفين للكتابة😂
لكن بما ان للحين ماعندي افكار قعدت احوس في ملف ملاحظات الافكار الي عندي عشان اشوف اذا وحدة منهم تناسب كفكرة، لكن كلهم مايناسبون الا لروايات🌚💔
فرحت لكتاب مسابقة النوفيلا الحرة اشوف افكار وبعدين لحساب أدب الخيال العربي الي شفت ان عندهم مسابقة أقلام فانتازية، اخر مسابقة فكرتها عجبتني وقررت اشارك، فصار الحين عندي ثلاثة أهداف لكتابة هالقصة😂
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
وهذي هي فكرة مسابقة القلم الفانتازي لشهر مايو من حساب WattpadFantasyAR
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
ادري مكتوب كوكب وانه سويته عالم لكن اصلًا عادي🌚
المهم دمجت الفكرتين مع بعض وبديت اكتب القصة لأن اخر موعد لتسليم مشاركة مسابقة الجامعة كان تاريخ ٢٠ مايو، واخر موعد لتسليم مسابقة أقلام فانتازية هو تاريخ ٢٩ مايو، وعيد ميلادي تاريخ ٢٧ فيعني الوضع كان مثالي😂😂
التصويت الي في انستا صار على ٤ اسئلة: - الشخصية الرئيسية: لأني ما اقدر اخلي مشاركتي في مسابقة الجامعة فانفكشن، فخليت المتابعين يصوتون للشخصية الي بتكون الرئيسية في الوات - الشخصية الثانوية: لنفس السبب الأول - نوع النهاية: الي فازت هي النهاية المتغيرة، وبشرح لكم سالفتها بعد شوي. - نشر الفصول: ماكنت محددة للحين كم فصل بتكون القصة لكن الخيار الي فاز هو ان انشرها على يومين. فسويتها فصلين~ لا امزح، سويتها فصلين لان ماقدرت اقصها عشان تصير ٣ فصول.
شنو هي النهاية المتغيرة؟ (الاسم من عندي) النهاية المتغيرة هي الي تعتمد على القارئ. يعني اذا قريتوا القصة قبل (أو في) تاريخ ٢٧ وبقيتوها مفتوحة فهذا يعني ان بومقيو تحرر من عالم العُقّاد وقدر يرجع لعالم البشر! وحصلنا نهاية سعيدة💓✨ اما اذا قريتوا القصة بعد تاريخ ٢٧ أو ان ما اهتميتوا انكم تفتحونها في هذا اليوم، فهذا يعني ان مع الاسف بومقيو بيبقى محبوس في عالم العُقّاد للأبد وبيبقى مصيره هناك مجهول. وهذي بتكون النهاية الحزينة😔💔 فالحين قولوا لي: حصلتوا النهاية السعيدة ولا الحزينة؟
من زمان كنت ابي اكتب قصة بنهاية جذي، وخصوصًا بعبارة «لا تغلق الكتاب» لجذي هالقصة حدها عاجبتني وحدي فخورة فيها🙊💓
اتمنى ان القصة عجبتكم، واتمنى انكم فهمتوا المغزى وراها (في ثنين، واحد واضح والثاني يحتاج تحليل وتفلسف اكثر😂)
شوفوا قصصي ورواياتي الثانية، عندي شكثر فأكيد وحدة منهم بتعجبكم، واذا عجبتكم شاركوها مع ربعكم😎✨
اذا تبون تشاركون في تصويتات مستقبلية فسووا لي فولو على انستا، رابط حسابي موجود في صفحتي الرئيسية.
شكرًا لقراءتكم قصة «بشَريّ» أشوفكم في أعمال ثانية لي إن شاء الله💙
