عاهر تحت غطاء الشرف🔞🔞

الجزء الاول من البارت الحادي عشر

عاهر تحت غطاء الشرف ( ج 1 بارت11)

ام لارا: يا يمه راح صير صدك وترجع يم لخطر ودواعش مره ثانيه

علي:يمه انتي بس دعيلي وارضي عليه

ام لارا: كلبي وربي رضاينين عليك حبيبي

ابو لارا: دير بالك ع نفسك وليدي وضل طمنه عليك

علي: ان شاء الله وانتم هم ديرو بالكم ع نفسكم يلا تأخرت جاي يتصلون عليه واكفين بشارع

ام لارا: روح الله وياك مخليتك بحمايه الله يرجعك الي سالم

(باس ايد امه وارسها وباس ابو وطلع وامه ضلت تبجي علي وابو كلبه يمه ولارا صاحبتنه بسابع حلم😂حته ما كعدت تسلم ع اخوها ...هوا جانو يخلونه بلامكان الخطره الموصل وهيج وجانو داعش بعدهم منتشرين مثل لمرض فا جانت سالفته خطره مداهمات وجبهات فا امه و ابو كل ميطلع كلوبهم تنشلع وياه والله يحفض كل القوات الامنيه لي منامو اليل واجهو لموت بكل شجاعه علمود احنا انام مرتاحين وكل لحب الهم وعلي جان واحد من يمهم علي جان ميخاف من الموت ولو الموت يواجهه يضحك بوجهه علي اخو لارا جان كلش سبع ومع الاسف اخته هيج طلعت صفحته بلفيس صوره معلك الداعشي بشجره من رجله ورامي طلق واكف يمه خل احجيلكم قصه هاي لصوره اني ما اكدر انشرها حته لائن تعرفون انتم بعد بس هيه حقيقيه وسالفتهه حقيقيه سالفه الصوره تكول انو علي جان كاعد بلموصل بمدرسه هوا وجماعته وجانو كاعدين ويسلفون والمدراس يعني جانت مهجوره بسبب ارهاب داعش فا يكول كاعدين اني وصاحبي نحجي ونضحك ونحشش وهاي والولد ويانه هم بس يعني هاذ صاحبه جان مقرب اله فا سوالفهم سوه يكول وهستونه ردنه انام ونسمع الرمي من كل مكان ويصيحون الله واكبر الله واكبر يكول احنا تقريبا بس عشره وهمه بل اربعين واحد هيج يكول ما عرفنه شنسوي فا جابهناهم وكمنه نرجع الي وره يكول شفت الموت بعيني شفت شلون الولد تموت هاذ الي اجته طلقه بكلبه وهاذ الي اجته طلقه برجله وما كدر يكوم و الي ينضرب برجله وليجي يريد يشيله يكتلونه هم فا يكول كلساع نطلب الدعم وهاي فا رحنه للبساتين تفرقنه كل واحد بجهه وكمنه نجابهه داعش من وره الاشجار اني وصاحبي بلبساتين يكول وداعشي جان ورانه يكول ضرب صاحبي طلقه بضهره وهوا مجان لابس درع فا يكول ضربه بضرهه بلمكان البي لكلب يعني وصلت لكلبه لائن من رما جان قريب فا مات بساعتهه حته مكدر يلفض لشهاده يكول اني شفته هيج وكع سحبت الرشاشه وكلها فرغتهه بهاذ لكتله يكول شاجور فرغته ويكول اخذت راشاشه صديقي وهم فرغتها بي من حركه كلبي على صاحبي يكول وكمت ابجي مو خوف من الداعش لا كمت ابجي ع صديق عمري لي جنت قبل شويه كاعد وياه ونضحك ويكلي اريد ازوج ويصير عدي جهال ومرت عليه اسوء ليله بعمري لحد ما اجانه لدعم والولد ماتو بس واحد اتصوب برجله واتكرم كصوله رجله وكعد بلبيت ...وووي شكد احجيلكم بعد على علي هواي مر بقصص ويه لدواعش عده هواي مواقف فا اذا تردون اكدر ع جزء الجاي احجيهن الكم )