رواية الليبية(سراب)

الفصل الثالث

بعد ما كلمتني افرين عشان نتقابل معاها في بيتنا وقت زارونا كنت مصدوم سبب ليش هيا بتلاقى معايا وجاً لوجه......
مالك:اهلين افرين كيف حالك
افرين:الحمد الله وينك امس نتصل بيك مقفل اشغلتني عليك
مالك:كنت مشغول شوي و مشيت سافرت و نسيت نقال نشحنه!!
افرين: قعدت ندعي مش صايرلك شي بجد خفت!
مالك :لا مافيه شي غير زي ماقلتلك سافرت و نسيت نشحن نقالي
افرين: تمام الحمد الله
مالك: حق افرين شن فيه اشغلتيني قلتي موضوع ضروري
افرين: ايه هيا قصة جاني ولد يقربلنا طالب يدي لكن اني خايف نقبل الان نخاف نخش في حياة جديدة مع حد مش مقدرني او محترمني و اني مانبيش حياتي تكون في مشاكل...
مالك: افرين بنقولك شي ...لازم من تختاري الي ترتاحي معاه و يكون يحبك و يفهمك ره جواز مسؤليه كبييييرة و لازم من انك تختاري شي الي يمشي معاك في حياتك و لازم يكون يخاف عليك و يدعمك في كل شي تحبيه...
افرين: لكن يا مالك مافيش حد تلقاه زي ماتبي حتي وقت تلقي حد الي تبيه يكون فيه جزء من حياته مانعه انه يرتبط...
مالك: صح لكن شن بنقولك... صلي و ادعي ربك الي تلقيه كويس ليك يجيك و الي مش كويس ليك ربي يبعده ...
افرين:يااااارب ... لكن بنسئلك؟...انت خيرك مش مرتبك
مالك:حياتي مش وقت نحب فيها الان فيها حفر و مشاكل ...صعب اي بنت تعلق بشخص حياته مشاكل
افرين:ليش توقف فيها علي روحك انت شوف الي قريبه منك و خليها في قلبك و ح تشوف كيف تحس انه حب شي حلو في دنيا
مالك :ان شاء لله
____________________________
احنا نتكامل سمعنا صوت انفجار قوي و كان قصف بطياره علي حي الي نسكنو فيه
____________________________
مالك: خصو داخل بسرعه
افرين:مالك وين ماشي
مالك:دخلي صغار بسرعه ضرب مرات يكون قريب علينا
_______
امي و ام افرين طلعو و دخلو صغار و افرين كانت شاده يدي نحيت يدها و مشيت طلعت نشوف وين ضرب طلع في مخن يتبع للهئية سلامه الوطنية و خشيت شديت سلاحي عشان تحسباً لي اي شي يصير...
_______
بعد وقف ضرب خشيت للبيت لقيتهم مصدومين و كان بيت افرين بيروحو لكن امي شدتهم انه يباتو معانا ...
خشيت لداري بتلبس وايج عسكريه و بنمشي بنبات في معسكر لكن امي صممت عليا مانخليهمش لين يجي نهار
رقدت في حديقة بيت علي كرسي لين جت بنت اختي نرمين و معاها افرين نضت
______
افرين:مالك خيرك انخلعت؟؟
مالك:لا شي غير غفيت بس !!
افرين: به نقعد نهزر عليك بيت كلهم رقدو اني نرمين بس نايضين
مالك:تعالو اقعدو
_______
قعدو قاعدين جنبي و هدرزت اكثر مع افرين و عرفت شخصيتها وش طموحاتها و اهدافها
_________
وصل ساعة 10 الصبح و كنت راقد في حديقه بيت اني و افرين و نرمين لين نوضتني امي
جاني خبر بعدها اتجهت للمعسكر الان كلموني فيه عمليه لازم تنفيذها
انتظروني فصل قادم
Hussain ly