رواية الليبية(سراب)

الفصل التاني

رواية الليبية(سراب)
للكاتب:Hussain_ly
حسين الجملي
فصل التاني📚
بعد ردت عليا قالتلي عبيت رصيد نت الان فصل عليا تكملت معاها صوت و هدرزنا اكثر و اكثر.....
لين قالتلي بعدين ماشيين للبحر بنقعدو شوي بيعومو عويل😂
مشيت نجريلي امي قلتلها
مالك: امي اليوم بتطلعو وين ؟؟
أم مالك: علي ما اعتقد مرات بنمشو بيت خالك ......خير شن فيه!!
مالك: به ليش مانرفعكم للبحر ؟؟
ام مالك: خيرك ماخبرتنا قبلها ره وتينا روحنا !!
مالك: به علي راحتك
_______
مشيت كلمت (أفرين) قلتلها ما صار بنجو للبحر !!
مشت أفرين كلمت أمها قالتلها عمتي الي صاحبتك الي تلاقينا معاهم امس في حديقة عندك رقمها ؟؟
ام افرين: ايه خير فيه شي؟؟
أفرين: لا والله غير بس مرات يجو يلعبو مع عويلة اختي تخير من هما بروحهم !!
ام افرين : حاضر توا نكلمها
مشت اتصلت ام افرين بي امي قالتلها احنا ماشيين للبحر كان بتمشو معانا و امي قالتلها عادي و اتفقو علي احد مصائف !!
مشيت نسوق فيهم بسيارة و ابتسامتي واضحة علي ناس لين شوي خبطت واحد قعد يهزب فيا اني قاعد مبتسم لين من تعبير وجها قال هادة مجنون😂
________
وصلنا و لقيت افرين و امها ولاد اختها يستنو فينا و نزلنا و كانت احلي يوم مر في حياتي مع افرين ❤
_______
بعد غروب الشمس علي بحر قعمزت بروحي مقابل بحر و قعدت نكتب في قصيدة.....
جتني افرين قالتلي
افرين: مالك جبتلك عصير و كيكة
مالك: شكرا ❤
افرين: شن تكتب يا مالك؟؟
مالك: شي غير هكي نحب نكتب مقابل بحر
افرين: به نقعمز جنبك ولة تبي تقعد بروحك؟؟
مالك: عادي علي راحتك
افرين: مالك بنسئلك سوال عادي؟؟
مالك: أسئلي
افرين: ليش خشيت للحرب مع انه مش ناقصك شي ولة اهلك ناقصهم شي و حياتك عادية .......!
مالك: يعني لازم تكون حياتي ناقصها شي عشان نحارب؟؟
افرين: مش قصدي هكي .....نقصد انه حرب مش هيا طريقك !!
مالك: (فأن سكوت عن ظلم عار) اني انسان مانحب نظلم حد ولة نحب حد ينظلم قدامي !!
اني عشت و تربيت و تعلمت حاجات اكبر من عمري بواجد ....!
دخولي للحرب مش عشان اني نبي نقتل او نبي فلوس او نبي سيارة و غيرها من اشياء الي هيا سبب في دمار جيل بحاله !!
(أنا نبي وطن💔)
وطني أدمر من ناس يقولو أنهم وطنيين !!
وطني تقسم من كلمة أنت خاين و انت عميل!!
وطني تفكك من كلاب مال و هدامين دولة !!
وطن هوا دم و روح و ذكرايات و حياة و عشق!!
كل ناس تستهين بليبيا الا من حب و فهم ليبيا !!
تعرفي يا أفرين اني تدمرت حياتي عشان دافعت علي بلادي !!
تمرمدت و رقدت ليالي بعيد عن أهلي عشان ناس نرد حقهم!!
ليبيا وقت حالي تشح من يحبها و من يكرها !!
هادة وقت الي حق يبان معدن الراجل من معدن خسيس و خاين!!
_______
تلفتت عليها لقيتها تبكي!!
مالك: خيرك....تبكي؟؟
افرين: كلامك صح لين خلاني نتوجع علي حالنا💔
مالك: مش عارف امتة بتكون نهايتي و كيف بتكون و علي يد من بتكون!!
أفرين: بعيد سو ليش تقول هكي!!
مالك: خليها علي الله
أفرين: عادي نشد يدك!!
مالك: هيا يدي !!
أفرين: ما دمت اني عايشة مش ح نخليك معاك و اني معاك في اي شي بديره ....
مالك: أن شاء الله لكن مش كل شي بنخليك معايا فيه مرات نسبب في ضررك !
أفرين: مايهمني شن يصير يهمني أنت و ليبيا
مالك: حاضر
_______
كلمونا و قاللولنا هيا بنروحو ساعة 10
لكن تمنيت قعدنا اكثر وقت الان كان الاجوء جميلة....!
_______
نضت صبح ساعة 8:30 علي اتصال ولد عمي يبي مني نجيه للمقر عسكري عشان فيه أجتماع !!
فا قلت حاضر و جيت...
وصلت ساعة 10 الان زحمة طريق في طرابلس
كان أجتماع أنه يبو شباب خبرة ينفدو عملية قوية في قاعدة عسكرية تتبع العدو في منطقة الوسطى ....
هيا أقوي قاعدة العسكرية تربط بين الجنوب و الشمال و شرق و الغرب !!!
قلتلهم في أجتماع !!
شن مطلوب مني !!
ضابط يوسف: أنت يا مالك ح تكون مع شباب في دخول للقاعدة و تحطو قنابل في مدرج الي هيا غرفة عمليات عسكرية و معاهم ضباط خليجيين و اجانب
و موقع التاني ح تكون هيا طيارات العسكرية
من نوع F16 و ميغ23
تحطو قنابل و كان حصلتو اي وثائق او صور جيبوها معاكم
مالك: لكن هيا عملية تبي اسلحة متطورة !!
ضابط يوسف: صحيح عندكم اسلحة كاتمة للصوت و معاها بدلة سودة الان عملية بتكون في الليل و معاكم جهاز كشف الحركة و معاكم منظار ليلي عشان سهولة كشف و رصد مواقع !!
مالك: أن شاء الله
ضابط يوسف: مالك هادي عملية فدائية يا تنفدو تعليمات و تطلعو بسلامة يا يتم كشف امركم !!
مالك: أن شاء الله نرجعو بسلامة
و كان اليوم بتاريخ 16/8/2019
تحركنا بطيارة مروحية علي موقع قريب من قاعدة
كان فريق عددنا 6 اشخاص
تم انزالنا بقرب من قاعدة بحوالي 2 كيلو متر
دخلنا متسللين الي قاعدة و كان فيه عديد من ضباط العسكريين و معاهم اجانب لاطلاق طيارة مسيرة اتجاه العاصمة.....
دخلنا و شاب اسمه محمود لتركيب قنابل في مدرج عمليات و استطلاع
و مشا طاهر و عبد الرئوف و مسعود الي حط الغام و قنابل في طيارات
و مشا محمد و مختار الي مكان يوجد فيها ضباط الخليجيين .....
دخلنا الي مركز العمليات و حطينا قنابل و اكدنا انه موضوع سليم للخروجنا من قاعدة فا حد من شباب الي معانا دار صوت و عفس علي حديدة و كان فيه افراد قريبين من مكانا فا تحرك حد فيهم و بدات اشتباكات و انسحبنا فورآ اتجاه جنوب قاعدة وتفجير طيارات و مركز الرصد و مركز تحركات الجوية مما اذي الي قتل 12 و جرح اكثر من 24
مشينا مكان خروج كيف ما خططنا قبل بدء العملية....
انصاب فيها مسعود بي اصابات بالغة و كان جيهة الصدر و فشل جاهز تنفسى.....
قعدنا نوقفو في تسرب دم و هواء من صدر....
انتظرنا نص ساعة في صحراء في مكان نزول للعملية و محد جانا....
قال محمد لينا !!!
شكلنا ضحكو علينا و خلونا نديروها عملية و نفجروللهم و احنا نطيحو بين ايديهم
محمود: يا محمد بلاش تقول هكي مرات ميزال ماتحركو بطيارة عشان يصلولنا !!
مالك: ان شاء الله خير !!
_______
بعد نص ساعة نسمعو صوت طيارة جايتنا فا درنا استعدادات انه طيارة عدو و كنا خايفين و مش عارفين طيارة لينا او طيارة العدو !!!
لين سمعنا لاسلكي انه وصلنالكم و خبرناهم انه عندنا مصاب !!
لكن مسعود كان بي انفاسه الاخيرة و قال لي محمود (ردبالكم علي بلاد ) بعدها مات
وصلنا للمعسكر و كانو فرحانين علي تنفيد العملية و فشل تحركات طيرات المسيرة للعدو لكن صدمتنا انه الي كان معانا مات و فرحتنا ناقصة💔
______
بعد عملية بتلاتة ايام اتصلت بي أفرين و ردت عليا
أفرين: ماليك وينك ليك تلاتة ايام ماكلمتني!!
مالك: والله كنت مشغول اسف انه اشغلتك
أفرين: الحمد الله مهم كيف حالك و ليش هالاختفاء هادة !!
مالك: كنت في جبهة و تغطية في محاور الجنوبية مافيه !!
أفرين: نبي اليوم أنشوفك !!
مالك: وين ؟؟
أفرين:امك عازمتنا عالعشاء و نبي نهدرز عليك في موضوع ضروري !!
مالك: حاضر
أنتظروني الفصل التالت للرواية
(سراب)
للكاتب:حسين الجملي