رواية الليبية(سراب)

الفصل الاول

رواية الليبية( السراب)
هادي رواية مبينة علي احداث حقيقية
فصل الاول
انا اسمي مالك عمري 20 سنة طالب جامعي في قسم حاسوب عشت فترة من عمري بعيد عن اهلي بسبب دراسة بوي في ابريطانيا.....
بديت عمري في بيت جدي و كان جدي اكثر صديق ليا و كان هوا شخص وحيد قريب الي عشت فترة طفولتي معاه.....
كنت في كل مكان نمشي فيه  نكون جنبه لين ناس صدمو هادة ولده ولة حفيدة😁
بطبيعة عمل جدي كان رئيس ميدرية امن في منطقة و كان شيخ قبيلتنا و هوا شخص الي يحل مشاكل قبائل في منطقة و بين ناس.....
و كل اجتماع للمشائخ نكون جنب جدي و ديما يقولي في كلمة هيا (انت ح تكون في مكاني وقت نعدي من دنيا) كنت مانفهم شن يقصد لكن نقول عشان وقت نكبر جدي ح يعطيني مكانه و نكونو كبير زيه و نكونو صحاب😁
كبرت كان اول يوم في مدرسة هوا اول يوم تعرفي علي بوي و امي كنت مروح من مدرسة صف الاول و لقيته مع جدي يستنا فيا هوا و امي لين انصدمت نسحابهم ناس يعرفو جدي قلت لي بوي و امي (اهلين عمو و عمتو) قعدو يضحكو قالي جدي: يا مالك هما باتك و امك جو عشان يشحوك لكن اني في داخلي مش انت باتي ليش تقول هادة بوك !!
رجعت عشت مع بوي و امي لين كبرت و ديما كان جدي صحابي و يحبني و متعلق بيا لين سبب شي هادة حقد و كره من ابناء عموتي اخرين عشان اني اقرب واحد و اني نحل في مشكلة عيلة .....!
تخرجت من الثانوي بمعدل كويس و سئلت جدي نبي نخش كلية شرطة عشلن نكون زيه رفض قالي كان تسمع كلامي خش اي شي تحبه لكن شي الي نحبه مش موجود في ليبيا فا قلت ندخل في مجال حاسوب هوا اسهل و ابسط في حياتي.....!
دخلت للجامعة و كان بوي عميد كلية و كان كل يوم نوصلو للكلية يقولي انتبه لقرايتك و بعد عن مشاكل نقوله حاضر غير نجحني😂
يقولي كان من غير جدارتك ماعندي فيك دخل اقري ح تنجح...
درست اول سمسترات و كان مشاكل طلبة مع دكاترة و كنت ماشي علي حالي اني و صحابي لين عرضو عليا نمسك اتحاد طلبة عشان قريب للادارة جامعة و كنت متردد لكن وافقت...
و بديت في حل مشاكل مع طلبة و دكاترة لين في سنة 2017 دخلو مليشية للمدينة و تم سيطرة علي منطقة و زادت مشاكل في منطقة و زاد اجرام و تعدي علي اخرين كل مرة تصير مشكلة في كلية و صعب نلقى حل مع مليشية الي ماسكة امن كلية !!
حتي حصلت معاهم مناوشات و سببت في خطفي اني و صحابي و تم اعتقالنا و تعديبنا......
بعد شهر من اعتقالي كنت مشارك في حرب 2015 و تدربت علي قناص الان هوا سلاح وحيد مش معروف من مصدره و بديت في كل الليل نطلع و نرمى علي اي بوابة للمليشية الموجودة.....
و كان سبب مش معروف وين مصدر رماية هوا سبب خلاهم يفتشو اي سيارة مشتبه بيها.....
كنت كل ساعة 12 يكون فيه ضربة الاهداف الان يكون حركة سيارات مدنية قليلة و ليس معدومة مثل اوقات الاخري الا بعد فجر
وكنت نرجع للبيت و ندفن في سلاح في ساحة بيت و نخش نرقد لين نوض صبح نمشي للكلية......
حتي سمعو صدي اخبار فيه شخص يتصدي في مليشية في منطقة حتي تحرك ناشطين فيس و مواقع تواصل في منطقة علي اخبار في كل عملية نفد فيها و كنت مانخرب في حد علي اي عملية نفد فيها لخطورة عليا و علي اهلي.......
لحد في يوم تصفحت فيس بعد تنفيدي لعملية و قال احد ناشطين