🔥 فساد_و_حب 🔥 ( مكتملة )

ج 71

🌸 فساد  و حب 🌸
/بقلم : ليالي نسيم ✒

....''لعنة دخلت حياتي ''

.. لعنة و دخلات لحياتها...
...''شد لها فوجها و كيمسح لها دموعها بصباعو و كيتحسس شفايفها و صراع داخلي بين  عقلو لي كيقول ليه هي بحال هم و بحال رمزية كلهم عاهرات فالأول كيبينو وجه الملاك و فالتالي كيتحولو لعاهرات  .. و قلبو لي كيقول ليه هاذي فعلا ملاك و مختلفة عليهم .. ماليها مثيل بعيونها و و جهها لي مضوياه البرائة ..''
أسد .. شووووووت. . لاش كاتبكي .. ؟؟ واش لهاذ الدرجة كنبان خايب و صعيب تعاشري معايا  ..
مروى ..''صمت ''..
أسد ..''طلع لها راسها باسها فجنب فمها ''  شوفي فيا ..
مروى ..''شافت فيه و نزلات عينيها دغيا ''
أسد ..''عاود طلع لها راسها بصبعو'' توتوتوتو .. شوفي فيا .. متنزليش راسك ...علاش كتكرهيني و نتي ماكاتعرفينيش؟؟
شافت فعينيه داخت من عينيه و الطريقة باش كان كيشوف فيها .. أول مرة كتشوف عينيه واسعين و كيلمعو و أول مرة كتشوف حجبانو ممخنزرينش اول مرة تشوف ابتسامتو  .. ولفات على ضحكة الاستهزاء لي ديما كيشوفها فوجهو .. أول مرة تشوف مكاتشوفش دوك الملامح الباااردة لي كيجمدوها .. حسات بقلبها غايخرج من بلاصتو ..  أكيد غايكون سمع دقاتو..
أسد .. ''حط يدو على وجها ''مالك ساهية .؟؟ جاوبيني .. ماتبقايش ساكتة .. مكنحملش ندوي بوحدي ..
مروى ..علاش كاتعامل معايا مرة مزيان مرة خايب؟؟شنو نتا بالضبط  ؟؟ مابقيت فاهمة حتى حاجة ..
أسد ..''ابتسم ليها'' احم .. نتي كتكرهيني بلا متعرفي عليا حتى حاجة .. هاذي هي مشكلتك .. ماتهاجميني و انا مكنعرفكش و مكاتربطني بيك حتا صلة ... يعني مكاتعرفينيش  كتعرفي غير أسد لي أنا باغي ناس يعرفوه مكاتعرفيش معتز فخري ..
مروى ...سميتك معتز !؟😳
أسد.... باش تعرفي بلي مراكش قليلة عندي قلت لك سميتي لي مكيعرفها حتا حد غريب واخة كتكرهيني..ولكن ماعليش دابا وليتي حرم معتز فخري ..
مروى ...علاش مباغيش ناس يعرفو سميتك ..
أسد .. شنو همك نتي فهاذشي؟؟
مروى ...''وقفات ''.. مجرد سؤال .... اممم و علاش كاتخدم فالممنوعات؟؟
وقف قدامها ززير على خصرها و قربها ليه مزيان حتى بادا كيتنفس نفسها  .. حس بيها توثرات من قربو ليها و لات نفسها مقطعة خدودها توردو عويناتها كيرمشو بالزربة ..بقى كيشوف فيها بإعجاب  من حركاتها العفوية ..
أسد .. شكون قال لك انا خدام فالممنوعات .. ؟؟
مروى .. ''متوثرة '' أمم  نتا هاذشي باش معروف .. و .. و .وقلت بزاف و نبشت من وراك. . ولقيت هذا هو مجالك ..
أسد .. ههههههههههههههه  كاتيقو أي حاجة ..  المهم يا لالة خدمتي مكاندويش فيها مع أي واحد .. مانبغيش تدخلي ..  مانبغيش ضريني في راسي .. و مانبغي حتى واحد فالقصر يتشكى منك اوكي بب  ..''باسها في فمها''
يلى هواها حركات راسها بالإيجاب و عينيها مفيكسين عليه ماو قلبها كيزغرت ..أول مرة تحس بهاذ الإحساس ..و أول مرة تحط فهاذ الموقف لي يتعقد لها فيه اللسان .. مابقاتش كتحس برجليه فوق الأرض بقبلة وحدة نسات شكون هو .. ذابت بقبلة وحدة بنضرة وحدة .. يمكن ديك النضرة رجعاتها سنييين للور .. حركات فيها مشاعر كانت قتلتهم أو ظنت انها قتلاتهم.. نفضات دوك الأفكار من دماغها و طردات دوك المشاعر لي رجعو لها من جديد ..
أسد .. يالله مخرجو؟؟ الناس كيتسناوني. .
مروى ..''حركات راسها بالإيجاب''
أسد ..''ضيق عينيه'' أقسم بالله و نشوفك مع شي حمار ولا كضحكي مع شي زامل تا تقودها معاك نتي وياه نخلطكم بزوج هاني علمتك. .
مروى ... ممكن ماتبقاش تخصر الهضرة؟
أسد ..''باسها فحنكها'' ماشي ممكن ..
جرها من يدها و خرجو للحفلة عند الناس ..كايسلم براسو ببرود ومعاطي اهتمام لحتى واحد ..و مروى فيديه .. كلهم كانو كيتسائلو شكون هاذي لي مع أسد وشادة لو فيدو ؟؟ البنات واكلاهم الغيرة و كيشوفو فيها شوفة كلها حقد و غل .. و الرجال كيشوفو فيها و فجسدها المنحوت جمالها العربي و ملامحها الهادئة.. و أولهم ناصر لي طيرات لو العقل من الشوفة ملي نزلات من الدروج... أما وئام كانت كتشوف فيها شوفة دالقتيلة ..عينيها كون كان فيهم القرطاس كون طلقات و عليها .. مشات عند باها لي كان حتى هو متفاجئ من لي شايفو قدامو..
وئام .. عرفتي إلى كان هاذشي لي كنفكر فيه بصح غانقتلها بأبشع الطرق و نتلذذ بقتلها ..
حسين ..''حط يدو على لحيتو'' أكيد عاهرة من عاهراتو. . ميمكنش أنا كنعرفو مزيان .. قلبو حجر ميمكنش يدير علاقة..
وئام .. ويلا دارها  هاذ المرة ..؟؟
حسين .. ههه ماتخافيش راكي بنت الحسين فخري .. و هيكاتبقى عاهرة و كيهموها غا لفلوس نعطيها مبلغ محترم وعليه بوسة من الفوق و غاتقنع و حتى لا مابغاتش بتهديد واحد مني ليها غانخليهل كترعد.. معارفاش راسها مع من  خخخخخخ ..
وئام .. ''بعدات على باها'' جيتي يا بنيتي حتال رحبة الزبوبة و بغيتي تلعبي الزلاگ (آسفة على دوك المصطلحات ولكن الشخصية هكذا خصها تكون 🙊)
#يتبع
#ليالي 💎 💎
#بنات_حواء 👑 🌸
#توقعاااااتكم_للجزء_التاااااالي. ...