🔥 فساد_و_حب 🔥 ( مكتملة )

ج 8

🔥فساد و حب 🔥
بقلم : ليالي نسيم ✒

قطعت معاه الإتصال عاااد تنفست براحتي .. الله يا ربي على صوت كيزعزع... حسيت بطبلة دوذني تخرمات 😕. . بقيت وحدي النهار كامل حتى جات غزلان لابسة و مأنتكة. . لقاتني حتى أنا لابسة و مصاوبة شعري و مكياجي .... خرجنا متجهين لريسطو لي قال لي عليه أيمن .. مطعم رااقي فوسط المدينة عمري جيت لو مع أني من زمان في الرباط مي مكانخرجش بزااف و حتى لا خرجت مكانردش البال.. الريسطو كان اسمو  ^Golden Fish^  في منتهى الرقي الدخلة فيها بيسين كبيير و الطبالي حداه و أضواء بالشموع مع الجو الرائع لي في فصل الربيع .. و الداخل باللون الأبيض و الأخضر .. حتى هو مزين بالشموع.. تصميم راقي و رائع😍 ..  بانت لي غزلان سبقاتني و كاتسلم على أيمن و أنا جالسة كانبرگگ فالريسطو. .
أيمن : واااا الحاجة .. وااا العمالة .. وااا سدي فمك الموت كضور😂
انا : غاتسكت ولا غانشوه مك هناا ..
غزلان : بريستيييجك يا ماما فين نسيتيه فين 😒😒
انا : نسيتو فالدار يا خفيفة. .
أيمن : شتي هاذي راه غا غلطو فاش داروها مذيعة .. فين الأنوثة فين ..
أنا : (وقفت كنضور فعيني بان ليا واحد التيتيز وقفتو) خويو ممكن نسولك ..
هو : تفضلي 😄
أنا :(كنضور) ربي لما قول ليا كاينة شي أنوثة كثر من هاذي لي فيا ..
هو :(خرجو عينيه ) واش نتي هي ديك المديعة..  صراحة مشفتش زين بحالك .. كاملة مكملة و كاينة الزيادة مزال ..
أنا : ربي يخليك اخاااي ..اوا قولها لهاذ العور  ..
هو : ههههه و معاك التيتيز أصاحبي غير تهلا. . ممكن نتصور معاك !!
أنا : مرحباااا. ..
.....📷📷
أنا :جات غزالة 😍
هو :بطبيعة الحال غاتخرج غزالة .. نتي لي مزيناها😍
أنا : ربي يخليك😍..
...أنا :(جلست بلاصطي) شفتي .. سمعتي .. اوا روووول 😂
أيمن : هههههههههه من نيتك تيقتيه .. أنا الي معاشرك. .
أنا :😡و الله يا.....
غزلان : (قاطعاتني) و الله يا الجعواقة و تزيدي كلمة تا نوض نمشي فحالي .. واش حنا جايين نتنااگرة هنا ولا شنو 😕
أنا : اففففف  حنا راه موالفين هاذشي ..
أيمن : اش موالفين .. اش😂 فين كنعرفك أنا ..
... هكذا بقينا مني منك حتى جاء العشاء... بان لي أيمن و غزلان انسجمو  بقيت ساهية فيهم عرفت هاذ الليلة غايخرج منها واحد مجروح لكن الأفضل يعرف أنها مكاتبغيهش😔
أنا : (شفت فالساعة) اووه مشااااا الحال أنا عندي غرض غانقضيه. . يالله باي .. أيمن وصل معاك زوزو  لداار واخة ..
أيمن على الرأس و العين ..
غزلان: 😳😳
صيفطت لها بوسة فالهواء و خرجت كنجري لطونوبيلتي... شريت گلاس فالطريق و مشيت لداري  ..
......
☆ أيمن ☆ 💔 ☆غزلان☆
أيمن : (كيدوز يدو على لحيتو ) احم كيف جاك الأكل.. ؟؟
غزلان : زوين .  واعر حتى الريسطو غزاال .. عنذك الدوق😄
أيمن : مدامني ختاريتك إذا عندي الدوق😌
غزلان : ها؟؟
أيمن :  امم غزلان عاودي لي على راسك !! كاتبغي شي واحد .. دايرة شي علاقة ؟؟
غزلان : احم احم ✋  أنا لا ههه مدايرة تا علاقة .. هاذ الساعة ..
أيمن  أمم مزيان .. غزلان أنا غانجيك من اللخر .. حيت معنديش مع الدخول و الخروج و التخربيق..
غزلان : 😳😳
أيمن : (جر الكرسي قرب ليها و شد لها فيدها)غزلان انا  من أول يوم شفتك حمقتيني.. هبلتيني ..جمالك .. تصرفاتك هاذ الحجم الصغير ديالك هه .. كلك 😍دخلتي قلبي دون استئذان ومن دون سابق إنذار... وليت كانشوفك غير نتي .. كنحاول ما أمكن منبينش و نخبي ....

أيمن : (جر الكرسي قرب ليها و شد لها فيدها)غزلان انا  من أول يوم شفتك حمقتيني.. هبلتيني ..جمالك .. تصرفاتك هاذ الحجم الصغير ديالك هه .. كلك 😍دخلتي قلبي دون استئذان ومن دون سابق إنذار... وليت كانشوفك غير نتي .. كنحاول ما أمكن منبينش و نخبي ....لكن مبقيتش قادر .. .. مبقيتش قادر نتحكم فأحاسيسي. . عرفتي شنو هو أصعب شعور .. هو تكون كاتبغي   شي حد و ماتقدرش تصارحو .. (شدها من حنكها) شنو نتي مكاتحسي بحتى حاجة من جهتي  ؟؟ ..
غزلان : 😳 انااا  .. أنااا. . أمم
أيمن : ههههه متحشميش غير دوي .. (باسها فحنكها) ..دوي!!
غزلان : (جرات يدها من بين يديه) أيمن .. أمم  أنا ..أنا مكنفكرش فالارتباط هاذ الساعة ..
أيمن : (تقاد فجلستو) غزلان عافاك ماتسرعيش... فكري عافاك أنا شاريك .. ماشي كنقول أي كلام ..
غزلان : أيمن عافاك مضغطش عليا انت بالنسبة ليا صديق فقط .. عافاك مابغيتش نخسرك..
أيمن : غزلان غانقولها لآخر مرة أنا شاريك .. و باغيك.. ماكانتفلاش .. 
غزلان : و انا غانقولها لآخر مرة أنت فحال خويا .. أنت مجرد صديق بالنسبة ليا ☺
أيمن : (عقد حجبانوو و مسح وجهو بيديه بالزعافة)و عليه ألالة .. يالله نوصلك ..
☆مروى☆
أنا :  ألو ماما .. كيف راك !!
خديجة :  الحمد لله أبنتي. . و انت بخير! !كيف راك مع الخدمة ؟؟
أنا : الحمد لله ماما كلشي هو هذاك .. لمى كيف راها ..
خديجة .:اش غنقول لك أبنتي راها على حالتها.. و زادت مؤخرا فآش مابقيتيش كاتجي لعندها. .
أنا : اوف با ربي .. عرفتي شنو .. أنا غدا غانشد كونجي و نجي عندها يومين و نرجع ..
خديجة : غاديري مزية أبنتي ..
أنا : واخة نخليك دابا .. نمشي نعس بونوي ..
خديجة :  بونوي حبيبة ..
حطيت تيلي و لحت الطالون و السلهام  تا هو دخلت لدوش ديماكييت وجهي و مشيت نعس ..
                 ♡♡♡♡♡♡♡♡♡♡♡♡
....... لا شيء أجمل من لحظات النقاء والهدوء ....صوت العصافير الذي يخرج للأفق شيئا فشيئا ..ومسامع الحياة التي بدأت بالظهور... لا شيء أجمل من الصباح وتدرج الصعود ليومٍ جديد...لا شيء أجمل من صباح ملهم لي لأكتب وأقرأ وأفعل ما أريد...
فقت على الكتابة .. فآش كنفيق راشقة لي .. كانجلس فالبالكو و نكتب الشعر .. حطيت مذكراتي و مشيت  دوشت و لبست.. صاوبت شعري و ماكيت كيف العادة  و نزلت فطرت .. و شديت الطريق للإذاعة ..
دخلت اول حاجة مشيت كنقلب على أيمن .. لقيتو فالبيرو ديالو ...   كيكمي و عاصر على قهوة كحلة ..
أنا : (دخلت مدرمة. . حيدت لو الگارو) من إيمتا كاتكمي أزمر😡
أيمن : مروى عمرك تعاوديها. . (خذا كارو آخر شعلو)..
أنا : (عاود حيدتو ليه) أيمن ماتعصبنيش😡 مانبغيش نشوفك كاتكمي .. علاياش هاذشي كااامل بالسلامة؟ ؟ حيت غزلان ماقبلاتش؟ ؟
أيمن : (وقف بالخف) كي نتي عارفة؟؟
أنا :  اااا. . لا لا .. غي..يير. . اناا..
أيمن : (دفع الباب برجلو سدو و غوت) كنتي عااارفة.. ياااااك. . كنت عااارفة. .
أنا : أيمن أنا مبغيتش نقولها لك .. مبغيتش نجرحك ..
ايمن : مابغيتيش تجرحيني هههههه.. عرفتي شنو .. دابا عاد جرحتيني ..  
أنا :  أيمن ماديرش هاذ الحاااللة ماتعيقش عاوتاااني 😡
أيمن : لا اجي ضربيني .. جا معاك الغوات نيت  .. مروى سيري فحالك مبغيتش نشوفك. .
أنا : دابا نتا شن....
ايمن : (قاطعني) قلت لك قودي فحالك . ..
#يتب____ع 🔥 🔥
لي قرآت شي بااارت دير نجمة و تصبحووو على خير
#بنات_حواء 👑