CDM Fundingထညိ့ဝင်ထားသော
ညီမလေး @willa 146 အတွက်ပါ
ယမကာအစွမ်းနဲ့ငမူးလေးနှုတ်ခမ်းက
သူ့ပါးပြင်ထက်အနမ်းလက်တွေ့ခန်းဆင်းခဲ့သည်။Inverse Function သီအိုရီအလိုအရ သူ့နှုတ်ခမ်းတွေကတော့ငမူးလေးရဲ့
နှုတ်ခမ်းနုနုထက်ကျရောက်ခဲ့သည်။
တစ်ဖက်ကမူး၍နမ်းသည်။သူကတော့ရူး၍နမ်းခဲ့ပါသည်။
**********************************
မီးပုံးနီတွေချိတ်ဆွဲဖို့အတွက်နဲ့ တစ်ကိုယ်တည်းအလုပ်ရှုပ်နေတဲ့သူ့ကိုရှောင်ယွမ်က သခင်တစ်ယောက်ဘာတွေလုပ်နေပါလိမ့်လို့စူးစမ်းကြည့်နေပုံပေါ်သည်။ဝရံတာလက်ရန်းအထက်အတော်မြင့်သောနေရာမှာ ကြိုးတန်းသွယ်ပြီးမီးပုံးနီတွေဆင်သည်။အနီရောင်တွေကြည့်ပြီးရှောင်ယွမ်နားလည်သွားပုံရသည်။အဖြူရောင်အမွှေးများခါယမ်းရင်း
မြူးထူးစွာခုန်ပေါက်လို့နေသည်။အားလုံးပြီးစီးတာနဲ့လိုအပ်တာတွေထပ်ဝယ်ဖို့မြို့ထဲဖက်ကားမောင်းထွက်ခဲ့သည်။တစ်ယောက်တည်းနှစ်သစ်ကူးရဦးမည့် ဝမ်ရိပေါ်ဘဝပါပဲ !
အနွေးထည်ကိုအဆုံးထိဇစ်ဆွဲပိတ်ရသည်။အေးလိုက်တဲ့ရာသီဥတု။ကားထဲကျန်ခဲ့ရတဲ့ရှောင်ယွမ်ကစိတ်ကောက်နေပုံပေါ်သည်။ဘီယာကဒ်နဲ့အသားတွေကိုကားနောက်ခန်းထဲထည့်ကာအိမ်ပြန်လမ်းဆီသို့။အနီရောင်အပြင်အဆင်နဲ့တစ်မြို့လုံးကလည်းနှစ်သစ်ကူးအတွက်တက်ကြွနေကြသည်။ဝေးကွာနေတဲ့မိသားစုတွေပြန်ဆုံကြတဲ့ပွဲ။အလုပ်ဖိအားကြောင့်စိတ်ညစ်ညူးနေသူတွေ ကြည်သာရွှင်ပျပြန်ဖြစ်လာစေဖို့အားဆေးတိုက်သည့်နှစ်သစ်ကူးပွဲကြီး။အအေးဒဏ်ကိုအံတုရင်းမိသားစုလိုက်၊သူငယ်ချင်းအဖွဲ့လိုက်လမ်းလျှောက်နေကြသူများလည်း အများအပြားပင်။နှစ်သစ်ကူးအခါသမယမှာ တစ်ကောင်ကြွက်အထီးကျန်နေသူမှာ ဝမ်ရိပေါ်တစ်ယောက်တည်းသာရှိမည်။
သူနေတဲ့ဖက်ကလူအသွားလာပြတ်သည်။မြို့နဲ့လည်းအလှမ်းဝေးသည်။ပြန်လာရင်းနဲ့နေ့အလင်းရောင်ကအားပျော့သွားတာကြောင့် နီယွန်မီးတွေပင်ကူနေရပြီ။ဖြောင့်ဖြူးနေတဲ့လမ်းထက်မှာကားပျက်နေတဲ့လူငယ်တစ်စု။ဆိုပေမယ့်သေချာကြည့်တော့သုံးဦးသာ။သူ့ကားကိုဝမ်းသာအားရတားတာကြောင့်အရှိန်လျှော့လိုက်သည်။
