البارت التاسع
(ربي لا تذرني فرضا وانت خير الوارثين) صلي علي الحبيب قلبك يطيب♡
«عند حمزة»
بعد ما مروة مشيت من عنده خرج يشوف حبيبه بس كانت مشيت لعن نفسه علي تصرفه هذا ولكن رجع لمكتبه وقعد يفكر ف مروة و ليه حاسس بحاجه غلط تعب من التفكير راح ركب عربيته و ف الطريق...
«ف بيت حبيبه»
الجدة قامت تحضر الفطار وراحت تصحي سلمي لكن سمعت
سلمي بتكلم ف التلفون بعصبيه: قولتلك مستنيه الوقت المناسب وهقولك
سلمي بنرفزة: هجبهالك ولحد عندك بس مش كل شوية ترن انا مصدقت واقتنعوا اني اتغيرت
سلمي بشر: اتغير ده اي حبيبه موتها علي ايدي
وهنا الجدة فتحت الباب بسرعه وصدمه وسلمي رمت التلفون
الجدة بغضب ضربتها بالقلم: اتتي اييي مصنوعه من اي انتي جبله يابت
سلمي بتمثيل: ليه بتقولي كدا ياتيته
الجده بعصبيه: كفاايه تمثيل بقييي انا هقول لعمر ويكش يقتلك
الجده فجاءة تعبت ومسكت دراعها ووقعت وسلمي مصدومه.....
«عند حبيبه و مازن»
حبيبه وهي بتشد الكرسي: وادينا قعدنا واول شرط خلصنا منه هاا
مازن بلوي بوز: انتي هتذلينا (و بجديه) احم لو مضايقه او قاعده عشان زعلي فانا مش زعلان
حبيبه باعتذار: اولا لو قاعده غصب عني كنت مشيت من بدري ثم انت بتطردني يعني ولا اي مش فاهمه
مازن بابتسامه: احنا نقدر بردوا
حبيبه بفتح حوار: بما اننا قاعدين طول اليوم فافتح اي حوار لاني مش بعرف افتح
مازن فرحان من جواه: احم تمام تعالي نتعرف
حبيبه بعند: اشطا أبدأ انت
مازن برفع حاجب: المفروض انتي الاول
حبيبه بسرسجه: عند المكوجي المفرود عند المكوجي ابدا يلا
مازن بصدمه:واحد صاحبي انا قاعد مع واحد صاحبي
حبيبه برفع حاجب: تمام خلي بقي واحد صاحبك تاتي يقعد معاك وجت تمشي مازن مسك ايديها وقاعدها وبص ف عنيها وقال: احلي واحد صاحبي خليكي قاعدة انا بهزر وهبدا انا... انا مازن محمد عندي 28سنه دكتور جراحه عامه و مدير المستشفي اللي كنا فيها مليش غير اخت واحدة وامي وابويا متوفين بحب الرياضه اووي دوك
حبيبه بابتسامة: وانا حبيبه سليم 21سنه هبقي مهندسه ان شاء الله عندي عيله مكونه من اختي وجدتي وبابا ماما مسافرين و الدنجوان بتاعي
مازن بغيرة مخفيه: مين ياختي
حبيبه باستغراب: عمر
مازن بسخريه: عرفته انا كدا
حبيبه بغباء: اللي جه معايا المستشفي
مازن بتذكر: انا شوفت واحد معاكي لكن مكلمناش شخصيا ما علينا مين بقي عم عمر ده
حبيبه بحب( عيله ياجماعه محدش يفهم غلط): حبيبي
مازن بغضب خفيف: مرتبطين يعني
حبيبه بتسرع: لا ياض ده عمي
مازن بارتياح: طمنتين... ياض انا يتقالي ياض
حبيبه رجعت ضهرها لورا وبثقه: اه ياض هتعمل اي يعني
مازن قام وقف ومره واحده شد الكرسي بتاعها لورا كأنه هيوقعها وهي مسكت فيه بخوف
(حضرتك الحركه دي بعملها ف اخويا بس بنقع احنا الاتنين)
مازن بهمس: هعمل كتير بس مش راضي اوريكي
حبيبه بهمس مطابق: اعدلني عشان مصوتش واقول بيسرقني
مازن بهمس: هسيبك بس مش عشان انتي قولتي عشانالنلس بتبص
وسابها وقعد مكانه وضحك: اي يابنتي قلبتي طمطمايه كدا لي
حبيبه باحراج: فين ده يااخ انت
مازن بخبث: اجي اوريهالك تاني
حبيبه بتسرع: لالا هنتعبك علي اي بس ياباشا خليك
مازن ضحك بس مرة واحده.....
«عند حمزة»
كان متعصب ومشي بالعربية وبعدها قال يشرب قهوة علي الكافيه ومرة واحدة وقف العربيه لما شاف حبيبه قاعده مع شخص وعماله تضحك نزل من العربية بغضب وراح عندهم: انتي ياهانم سايبه شغلك وقاعده تضحكي هنا
حبيبه ببرود ولسه قاعده: افندم بتكلمني أنا
حمزة بسخريه: لا خيالك
حبيبه باستفزاز: حلو يعني مش انا دور علي خيالي بقي وكلموا
حمزة اتعصب ومسك ايديها وقومها: اتكلمي معايا عدل
مازن مسك ايده بعدها عنها بعصبيه: انت ياعم انت اتجننت
حمزة برفع حاجب: وانت مال اهلك انا وهي انت اي اللي دخلك
مازن بقصف جبهة: نفس اللي دخلك
حبيبة بتصفيق وتصفر:صفيييييييييير اي ياواد الحلاوة دي
حمزة قرب منه وضحك ببرود واداله بوكس مازن اداله بوكس هو كمان حبيبه نطت ف النص وقالت: اي ياعيال هتتخانقوا وانا واقفه اخص
حمزة بصلها جامد وهي خافت
حبيبه بتراجع: احم ميزو ممكن تروح المستشفى وانا هعوض اليوم ده
مازن تنح: انتي قولتي اي
حبيبه بضحك: يلا ياجعفر روح المستشفي وانا كدا كدا هعدي عليكم عشان سلوي
مازن كان فرحان انها بدات تتقبله وبص لحمزة بأرف: ماشي يا بيبو مستنيكي وخلي بالك من نفسك ومشي
حبيبه بعد ما مازن مشي لفت ببرود لحمزة: عايز اي
حمزة بعصبيه: مين ده
حبيبه ببرود: ميخصكش انت مش ولي امري.. عايز اي
حمزة بسخريه: اتكلمي عدل
حبيبه بنفس البرود: بص يابوالكباتن. انا مش جايه من جاردن سيتي ولا التجمع انا جايه من منطقة شعبيه فانت لسه مشوفتش لساني
حمزة بتحدي: وانا اتعامل مع اي حد ولساني هيبقي اطول منك شخصيا
حبيبه بصوت واطي: ضيناصور الواد
حمزة حاول يطتم ضحكته وقال: سمعتك علي فكرة.
حبيبه بلا مبلاه: هخاف مثلا المهم كنت عايز مني ايه
حمزة افتكر: اقعدي طيب
حبيبه ببرود: هقعد معاك انت لي
حمزة شدها وقعدها وقال بهدوء: ممكن بعد اذنك تتكلمي حلو.. احم انا جاي اعتذر عن سوء التفاه...
حبيبه قاطعته: لو سمحت ده مش سوء تفاهم ده سوء تعامل انت شوفتني الخدامه بتاعتك لكن انا لا مش وقت ما تعوزني تطلبني ووقت ما يجيلك الجو «قصدها مروة» تطردني
حمزة باعتذار ومقاطعه: انا اسف.. اني عملتك كدا بس صدقيني طان غصب عني من صدمتي كمان متزعليش مني
حبيبه اتاثرت بكلامه وحست بوجعه فقالت بهدوء: خلاص حصل خير.. ربنا يسعدكم
حمزة بامتنان: يعني مش زعلانه
جبيبه بهدوء وابتسامه: لا مش زعلانه
حمزة بمكر: خلاص يلا نرجع الشركه عشان الشغل اللي هتبتداي فيه
حبيبه برفع حاجب: نرجع.. لا كل واحد يرجع زي ما جه سمعليكو ولسه هتمشي لكن....
«عند عمر»
عمر بتعب: انا همشي بقي يامحمد لحسن انا تعبت
محمد بقلق: مالك
عمر بيطمنه: متقلبش مفيش حاجه انا بس مصدع شويه
محمد بحب اخوي: طب انا هوصلك
عمر باستعجال: لالا همشي انا
محمد: ابقي طمني عليك
عمر ركب عربيته ومشي و ف الطريق بيبص ف التلفون ومرة واحدة تششششششششش
عمر خبط حد نزل بسرعه يشوف مين وكانت الصدمه انها سلوي
عمر بزهول: اي اللي جابها خنا دي سلوي انتي يابت
سلوي اغمي عليه من الخضه مش الخبطه لان عمر ملحقش يخبطها عمر طلع برفان من جيبه وفوقها بيه
سلوي بخضه: اي فين مين
عمر ضحك: واحدة واحدة بس
سلوي باحراج بعدت عنه وافتكرت كانت بتجري ليه راحت مسكت فيه وقالت بخوف: عمر عمر ونبي الحقني
عمر بقلق: مالك ف اي
سلوي لسه هتتكلم لقت.......
ياتري اي اللي حصل
وحبيبه اي مصيرها وياتري الجده هتموت ولالا و
سلمي هتتكشف ولالا
كل ده البارت الجاي
دمتم بخير احبتي
#مشاغبتي_المجنونة
#سلوي_حسن
يلا بقي تفاعل وانط بالعاشر
