إذا قدر لي أن أعيش حياتي مرة أخرى لكنت وجدتك عاجلاً ❤🌟
تحدث عمر بحب لكي يطمئن سدره: متقلقيش ياقلبي ان شاء الله هتبقي بخير
سدره بانهيار وهي تمسك المصحف: خايفه اوي ياعمر ربنا يطلعهالنا بخير يارب مليش غيرها في الدنيا يارب أحفظهالي يارب
اخذها عمر في احضانه واخذ يربت علي شعرها: ساندرا قويه يا سدره وهتقوملنا بالسلامه ادعيلها ليه العياط ياقلبي..!
سدره بدموع منهمره: ساندرا بقالها عشر ساعات عند الدكتور وكل ده لسه مطلعتش ياعمر والعمليه خطيره وعايزني مخافش عليها
عمر بقلق ولكنه يحاول ان يتماسك امام سدره لكي تطمئن: الدكتور قالي ياحبيبتي ان العمليه دي بتاخد اكتر من عشر ساعات يعني مفيش قلق وكل ما يستعجلوا العمليه هتكون اخطر عليها كده احسن
سدره وهي تخفض وجهها للاسفل وتتحدث بشهقات: مكناش اقنعناها تعمل عمليه القلب واحنا عارفين انها خطر عليها وممكن تسببلها مضاعفات ياعمر مش مسامحه نفسنا لو ساندرا حصلها حاجه بسببنا
عمر وهو يحاول ان يمسح دموعه فهو خائف وبشده علي شقيقته الصغيره ولكنه لايريد ان يظهر ضعفه امام صغيرته سدره خرج الدكتور نهضا عمر وسدره مسرعا كاد يتحدث عمر تحدثت سدره بشهقات: دكتور ساندرا مالها طمني طب هي.. ه. يي حصلها حاجه
تحدث الدكتور بعمليه وهدوء: ليه القلق ده بس ساندرا بخير الحمد لله والعمليه نجحت بس دلوقتي تحت الملاحظه وبنقفل الجرح متقلقيش يابنتي
شكر عمر ربه وتحدث بارتياح: طب هنقدر ندخلها امتي حضرتك
الدكتور بهدوء: لا مينفعش حد يدخلها دلوقتي لان ده هيسبب ضرر ليها الافضل تقعد تحت التعقيم خاصتا ان الجرح لسه شديد ولو لقدر الله اتعرض لأي جراثيم هيبقي خطر جدا عليها
عمر بإيماء وهو يمسك سدره الصامته ودموعها تنزل بدون صوت: تمام شكرا لحضرتك يا دكتور معلش تعبنا حضرتك
الدكتور بابتسامه: تعب علي ايه ربنا يقومهالك بالسلامه يارب
اخذ عمر سدره وجلس بها علي المقعد رفع رأسها وتحدث بحنان وحب: طب بتعيطي ليه دلوقتي الدكتور طمنا وقال انها بخير ملوش لازمه العياط يا سدره
سدره بابتسامه وهدوء: دموع الفرح ياعمر
عمر بابتسامه ثم تحدث بحنان: محتاجه تنامي صح
نظرت له سدره بنفي تحدث عمر بمناغشه: يعني عماله تتاوبي من الصبح وعينك تغمض لوحدها وعيزاني معرفش
نظرت سدره له للأعلي: قولي لو عايز تنام انت طب انا مش عايزه
عمر بضحك: يابنتي متقاوحيش روحي وانا قاعد هنا جنبها
أنت تقرأ
احببت من انقذني من القسوه ( مكتمله )
Pertualanganالبطله بتبيع جرجير اااه والله 😂😂 احم احمم نبدأ المقدمه ونمسك المايك ونقول بسم الله تست تسسست 🎤🎤 هي تعيش في حاره شعبيه بعد وفاه والداتها عانت كثيرا مع زوجه والدها ثم ذهبت لملجأ كانت تري ان الملجأ هو المأوي لها من هذه الحياه القاسيه لكن هل هذا يكو...
