⏪⏪⏪flashback◇
كان صالون بلدي بحق وكانت جالسة حداه بنية يكون عندها 17 عام ولاخرا ربعسنين كيتفرجوا
ياقوت:بابا بيت ندوي معاك فواحد لموضوع
اب (محمد): اها ابنتي
الياقوت: هاذي تلت سنين باش ماتت ماما ونتا معانا وكتهتام فينا ومامقصرش من جهدك ولكن راه جالوقت فاش تديها فراسك شوية و آممم
محمد:كملي اياقوتي اشنوا بيتي تقولي
الياقوت: بابا خاصك تزوج راه خاصك شي حد يهتم فيك
محمد: ياااااقوت 😠شحال مره كانقوليك ماكايناش بنت لمرا لي غتجي بلاصت لمرحومة فهمتي
الياقوت: هانتا ابابا هير سمعني راه هذا احسن حل بنت ناس لي تهتام فيك راك عييتي بزااف وحنا لخدامات هاهوما معانا ماتخافش علينا🥺
محمد :بقلة حيل عارف بنتو راسها قاصح وهو نيت صحتو غادا وكتدهور وخاصوا اشوف راسوا وعيش حياتوا وخا حب المرحومة مكاينش لي يعوضو هي لي كافحات معاه وصبرات حتى وصل لهادشي املاكوا فالعلام كلو كانت ونعم لمرأة قاريا ومتقفة وجمال وخا كانت هير من عائلة متواضعة لكن كانت كتمتل لمرأة المغربية الحقيقية ماشي هي لي تضل تخلط فالوصفات وطلي فوجها وترمتها هاهادي تكبر الترمة هاهدي تبيض الجسم هاهاذي كتخلي لمنطقة لحساسة وردية كاين نوع اخر هو هاذيك لي تضل تدور من شوافة لشوافة باش تطيح بوركابي ديالها تخسر زبابل تلفلوس وهيا كون شدات هير عشرة دراهم من داكشي لي كتخسر على راسها وشرات كتاب وقراتو كون لاباس عليها كاع ماتضل تحكك باش اجي واحد مايسوا مايصلاح اخطبها بنادم هو لي يفكر فمستقبالو هو لول عاد تشوفو تخربيق لاخر.. وهاذشي لي كان الياقوت خرجات لمها ذهب لافجمال لافعقلية هير الياقوت شويطينة مع راسها وعنيدة بزاااف ومكتخافش
داز شهر ومحمد وصا على مرا قاريا وتكون بنت ناس وماتطمعش فبناتوا وداكشي لي كان المحامي ديالو كان ورا ليه واحد لمرة عندها شي 40 عام هكاك مابغاش اديها صغيرة ويدير ضحكة فراسو كانت مرا زوينة وشادة فراسها كانت كتبان ضريفا وكتبغي لبنات وهير ضربات ضربتها وهي تقلب اول حاجة بدات كتدور عند الفقها ها لسان الضبع ها خبزة الحمار وزيدو زيد ولاسيد كيف شي بهيمة كتب ليها كولشي و لاتحت رجليها كيف شي صباط.. كرهاتو فبناتو .. الياقوت وريتاج ولاو ياكلوا لعصا ليل ونهار.. هنية ولات على علاقة بالمحامي ولا خاصنا نقولوا هادشي كولو كان هير خطة وهنية كانت العشيقة نتاع المحامي باش يطيحوا محمد باي طريقة وفعلا طاح.
***:سمعيني غتعطيه هاد السم راه فمرور تلتيام غيموت خاصوا ياكلو فكل الوجبات راه ماكيبانش فالدم
هنية: ولكن كيفاش واش باغيني نقتلوا
اسماعيل(اامحامي): لا باغيك تح**ه واش من نيتك ماكنتش عارفك مكلخة، سمعيني بلاماتديري فيها العفة والانسانية وراك ماتقدريش تقتلي نفس سمعيني غتقتليه هي غتقتليه نتي كاع مصايب دنيا ودين درتيهم 😉
هنية: واخا واخا
لسماعيل: اه و نهار لخميس غيكون جتة هامدة فوجبة العشا بربع ساعة فهمتي؟
هنية:اه اه
مشات لخطة كيف كانت ودازت تلتيام وحالة محمد هير ماغاديا ومتضهور. حتى جا اليوم لمشؤوم نهار لي غيتشردوا والاملاك غاتاخدهم هنية وتدي لبنات لواحد ابارتومون مابيهاش ولكن بعدا خيار من الشاريع غتقولو كيفاش مخلياهم معاها وهي مكتحملهمش بكل سهولة هي باغا لي يجيب ليها الفلوس وهاذ لبنات فيكتيم واعر اما المحامي فبعد موت محمد بنهار مات حتى هو وراه هير حنا لي عرفينوا مات اما كولشي فراسوا بلي حماق من بعد موت اعز صديق ليه وهرب فيناهو الله اعلم
ندوزوا لاحدات الجريمة🗡
اسماعيل مات بضربة بشاقور عل راس حينت هنية غفلاتو وضرباتو بيه اما بقايا الجتة فراها دوباتها بلسيد وبقاو هير لعظام دفناتهم فالغابة ايه اسيداتي هو لي فتح ليها باب الاجرام وهاهيا سباب موتو☠
ونقدروا نقولوا هادشي لي قدرت نكتب لحد الان 🙂
في غمرة الموت تستمر الحياة.. في غمرة الكذب تستمر الحقيقة.. في غمرة الظلام يستمر الضوء.
ويتبع●●●
أنت تقرأ
ياقوتته💎
Ficțiune generalăهاذي اول رواية ليا هنا كتبتها من عندي الصراحه ماعرفتش كول واحد وذوقو تقدر تعجبكم تقدر لا نعطيكم فكرة على روايتي؛ الدنيا صعيبه بزااف وهاذ الياقوت اسم على مسمى كانت علاج لبزااف نتاع ناس قلبها طيب وهبالها خارجين عليها ولكن واخا هكاك غتعلموا بزاااف تلح...
