نجمة بين قمرين

البارت11

هلو يا حلوين
شلونكم
#قصة حقيقية
#نجمة بين قمرين
بقلمي بنين ابراهيم

#البارت_11_

تقول

عرف القبائل عائقآ اورثته...

        لولاه لي غيرك هواءٍ ما دنئ..

ذنبي فتاةٍ عشتٌ لا رئيأ لها

        والقبر لا لا غيره يجمع بيننا

زهرة ـ رحت حظنت والدي واشهك ما بيدي شي بعد وهو بقئ يسكت بيه ويقنعني ...

ابو زهرة ـ مها تعالي اخذي زهرة الغرفته خلي ترتاح ...

زهرة ـ مشيت ويا مها واحس  روحي ميته مو عايشه كعدت ونهاريت بالبجي ليش ياربي ليش شسويت ااني حته هيج تعاقبني ...

مها ـ وج كافي موتي روحج ياا عيني خلص ياربي برد كلبه وعينه يااالله ...يلا عيني نامي وارتاحي راح اروح هسه وبعدين ارجعلج ...

زهرة ـ طلعت السلسله واحجي ويا تخبلت وينك هاا احجي وينك وين حبك اليه مو كتلي ما اعوفج للموت ولك راح ياخذني احد غيرك واصير بأسمه ترضاها سكتت وذكرت هو حاول اكثر من مره بس القسمه ما وكفت ويانه وفرقتنه.....

*نمت وكعدت ثاني يوم طالعه  روحي ومتخبله وفوكاه محبوسه بين اربع حيطان كعدت اصلي واقرأ قران وادعي بلكي ارتاح والله يشفعلي واخلص منه ..وبعد ما مر يومين ابويه جمع اخوتي كلهم...

ابو زهرة ـ خلص قررت راح انطي كلمة لأبن عمكم ويجي يخطبه رسمي ...

همام ـ

ابو زهرة ـ خلي احد من عدكم يروح البيت عمكم ويخبرهم خلي يجون هلا بيهم ....

حازم ـ اي ولله يابويه ااحسن قرار قررته نزوجه ونستر عليه ااحسن ما يصير شي بعدين...

مؤمن ـ انت تسكت ااحسن واكرمنه بسكوتك

ابو زهرة ـ شنو هاي تصرفاتكم انتو مو صغار علمود اعلمكم زلم مشوربه وهاي تصرفاتكم مااريد هذا الشي ينعاد بعد....

مؤمن ـ اعتذر منك بويه...

حازم ـ يلا يابه ااني راح اروح ع بيت عمي... اجيت ابشرك ..

جاسم ـ خير ان شاء الله كول.

حازم ـ ابويه يكول خلي يجون يتفضلون ويخطبوها خطبه رسمية ....

جاسم ـ هاا صـدگ ولله جنت انتظر خبر منكم ع نار الله يبشرك بالخير يااابن عمي اليوم بالليل نجي ان شاء الله وشكرا مره ثانيه ...

حازم ـ  لا يمعود ما بيناتنه شكر احنه راح نصير نسايب ويا نسيبنه الغالي ابن عمي ..

جاسم ـ وك خجلتني هههه

وج يومه هلهلي هلهلي لابنج راح يخطب ...

ام جاسم ـ خير ان شاء الله شسامع وجايني ليش لازم ست الحسن وجمال قبلت ووافقت عليك ...