ساعدني في انتقامى

البارت13

يوسف: اى هى دى بتاعتى انا
عمر: لا انت لازم تقولى انا مضمنكش
يوسف :انا كل انا عايز اعرفه باسورد الخزنة واللابتوب والشغل الهتدخل فيه
عمر :كل دة حاجات بسيطة وهتتعرف بس انت عايز تعمل اى بالحاجات على اللابتوب
يوسف :اكيد هلاقى اسرار شغلها وهسربها وهيفيد شركات تانية
عمر: كل دة اعتبره عندك بكرا بالكتير
****************
علي:اى الدخان دة كله انتو بتولعو فى البيت
مها: لا يا حبيبى دى اسراء ومى بيعقو جوا
علي :يبقى ربنا يستر
مى: اي يا بابا اهدا شوية كدة
علي:مش انتو بتعملوا اكل
مى:اه ودى فيها اى
علي :انا اصلا صايم ومليش نفس
اسراء: طيب أثبت بقى على موقفك ولا اقولك اقوم اعمل انت اكل لنفسك
علي: احسن حاجة قولتيها ماما فى جوا جبنه صح
مها بضحك:اه فى جبنه
اسراء :بس عارف ايدك دى لو اتحطت على الأكل انا عملاه انت حر
علي :انتى بتخوفينى كدة لى على فكرة شكلك انتى هتيجى تاكلى معايا الجبنه المش عجباكى دى
مى :انت بس متعرفش اكل اسراء دة جامد
علي: يعنى انتى عايزة تفهمينى انا اكل دكتورة قضت سبع سنين فى الكليه بتعرف تطبخ ضحكتينى والله
اسراء: وبعرف اعمل حاجة كمان
علي:اى هى
اسراء :بعرف افتح دماغ الإنسان بس فى المستشفى بيبقى فى بينج هنا مفيش بس انا حابة اجرب فيك من غير بينج
علي: اوعى تتهورى ...بصي الاكل اتحرق
اسراء بخضة: فين دة بصي اخوكى دة مستفز
مى: معلش يالا نحط الاكل ونذله شوية
علي: هنشوف مين الهيذل التانى
********************
عمر :مالك متنح كدة لى
يوسف: مستغرب مى اوى
عمر: مش فاهم
يوسف: مى كانت طيبة جدا لدرجة أنها كان بيضحك عليها
عمر :وانت من الناس الضحكت عليها مش كدة
يوسف: بس انا مكنش قصدى
عمر: مش مهم خالص الكلام دة والوقت عدى وهى اتغيرت وانت اكيد اتغيرت
يوسف:تعرف انى محبتش غيرها
عمر :لما انت بتحبها اوى كدة سبتها لى
يوسف :غبائى وطمعى هما العملو كدة
عمر :على العموم بكرا لازم نركز على باسورد الخزنة واللابتوب
يوسف :ربنا يستر
*****************
علي:اى الريحة الحلوة دى
اسراء: لا بص مهما عملت مش هتاكل من الاكل انا عملاه وبعدين مش انا اى هيفهمنى فى المطبخ والأكل
علي:قطع لسان اليقول عليكى كدة بس ادينى اى حاجة
اسراء: توتؤ انسى
علي بصحبنية: مى مش انا اخوكى بردو حننى قلب صحبتك عليا
مى: أحسن تستاهل
علي:يعنى مفيش امل
اسراء: تصدق صعبت عليا هتيجى تأكل بس بشرط
علي:اى هو الشرط دة؟
اسراء: لا خليها مفاجاه
علي: مبحبش المفاجات قولى دلوقتى على طول
اسراء: مصمم يعنى
علي:اه مصمم
اسراء:قوم من مكانك
علي:هروح فين
اسراء:بص هتقف فى البلكونة وباعلى صوت عندك قول انا عبيط واهبل ومليش لازمة
علي:انا هعمل كدة بس عندى طلب
اسراء:اى هو بقى
علي:تقوليلى بحبك
اسراء: وانا هقول كدة لى يعنى عايزنى اكدب عليك مثلا
علي:اه انا عايزك تتضحكى عليا
اسراء:وانا مش موافقة
علي:خلاص وانا مش هعمل انتى قولتى
اسراء: خلاص موافقة يالا
علي: موافقة ! يعنى يراضيكى أن جوزك يعمل كدة
اسراء :جوز مين يا عم لا كدة فوق
مى:الاكل خلاص برد
اسراء:خلاص تعال كل وامرى لله
*****************
يوسف:بص لازم نعرف الباسورد النهاردة
عمر:متقلقش وهى زمانها جاية
يوسف:هى اكيد بتثق فيك انت وهتفتح الخزنة قدامك وكدة وهتعرف الباسورد
عمر:خلاص بقى متوترنيش اكتر من كدة
يوسف:طيب هى اساسا جات وانا هدخلها
*********************
يوسف :مى ممكن اخد من وقتك عشر دقايق
مى:اولا اسمها استاذة مى انا هنا مديرتك ثانيا قبل ما تتدخل كدة ابقى خبط على الباب
يوسف:طيب انا اسف الورق دة انتى كنتى طالباه منى امبارح اهو
مى:طيب سيبو واطلع
يوسف: مش هتحطى فى الخزنة
مى :لا مش دلوقتى هشوفه الاول
يوسف:طيب عن اذنك
******************
عمر:فى اى داخل مش طايق نفسك
يوسف:مفتحتش اى حاجة
عمر:لا متقلقش سيب الموضوع دة عليا
(بعد ربع ساعة)
يوسف:ها عملت اى
عمر: الورقة دى فيها انت عايزه
يوسف: بجد
عمر: طبعا
يوسف: كدة ناقص حاجة واحدة
عمر: اى هى
يوسف: انك تشغلها وطلعها بره المكتب أو بره لشركة كلها
عمر: بسيطة
********************
عمر:ممكن ادخل
مى:تعال يا عمر
عمر: انا بقى عازمك النهاردة
مى: دة بقى بمناسبة اى
عمر: بمناسبة أن فى كافيه لسه فاتح جديد وعايز اجربه قعد افكر اجربه مع مين ملقيتش غيرك
مى: اشطا يالا
(خرجوا من الشركة ويوسف دخل المكتب )
يوسف : دة الباسورد صح يا ابن اي يا عمر كله ناصح
(يوسف وبيطبع الورق على اللابتوب الباب اتفتح)
*******************
★رايكم
★تواقعتكم
************